گێڵایۊ ئاوارەکاو شەنگالی بەردەواما
وەزارەتوو کۊچ وکۊچبەرا ئارۊ ئەرەیاوناش، ١٠٨ ئاوارێ شەنگالی جە کەمپەکاو دهۊکیوە گێڵێنێوە پەی مەنتێقەکاو وێشا جە قەزاو شەنگالی پارێزگاو نەینەواینە.
وەزارەتوو کۊچ و کۊچبەرا ئەرەیاوناێوەنە وەڵاش کەردۊ: "١٠٨ ئاوارێ شەنگالی جە کەمپەکاو پارێزگاو دهۊکیوە گێڵێنێوە پەی مەنتێقەکاو وێشا پەی قەزاو شەنگالی".
ئینجا وەزارەتەکە ئەرەیاوناش: "گێڵایۊ ئاوارەکا بە پاو بەرنامەو حوکمەتی بییەن، بە هەماهەنگی چەنی هێزە ئەمنییەکا و حوکمەتی وێیاگەیی هەردووە پارێزگاکەی و فەرماندەو ئۊپەراسیۊنە هامبەشەکا و فەرماندەو ئۊپەراسیۊنوو نەینەوای پەی ئاسانکاریی گێڵایۊیشا".
س.ز
