گه‌ریلاكاو هه‌په‌گەی: به ڕۊحوو زیلانه‌كا سه‌رۍ گنمۍ
گه‌ریلاكاو هه‌په‌گەی ئەرەیاوناشا، چالاكییه‌كه‌و زیلانۍ پەی ده‌وڵه‌توو توركی بكوشی جوابێوە گه‌وره بۍ، جەختیچشا کەرڎۊ، "به ڕۊحوو زیلانه‌كا سه‌رۍ گنمێ".
گه‌ریلاكاو هه‌په‌گه‌ی به بۊنه‌و ٢٧ه‌مین ساڵەو گەشمەرڎەبییەی زه‌ینه‌ب كناجی (زیلان)ێوە، كه ڕۊو ٣٠ی حوزه‌یرانوو ساڵەو ١٩٩٦ دژوو ده‌وڵه‌توو توركی چالاكیی گیانبازییش کەرد، پەی ئاژانسوو فورات (ANF)ی قسێشا كەرڎۍ.
فرات گه‌زگۊر: جه ٢٧ه‌مین ساڵیاڎوو هەشمەرڎەبییەی هامڕا زیلانێنە، یاڎوو گەشمەرڎاو مانگەو ئایاری و حوزه‌یرانی هامڕا سه‌ما و فه‌رمانده مه‌زنه‌كێما له‌یلا سوورخوێنۍ کەرووە وسەرەو وێم ئاستشانە کۊمنوورە. ئانۍ کە ئەوەڵۊ هه‌ستش بە پیلانگێڵنای دژوو ڕابه‌را یه‌تی كەرد، هامڕا زیلانە بۍ. هه‌رچنڎه ماوێوە كه‌م بۍ ئامێبۍ دلۍ ڕیزه‌كاو گه‌ریلایۊ، وەلێم خاسخاس جە ڕابه‌رایه‌تی یاوێبێنە. دماو ئانەی هامڕا زیلانە چالاكییه گیانبازییه‌كه‌یش کەرد ڕابه‌رایه‌تی واتش: "زیلانە فه‌رماندۍ مننه".ئیساتۍ به هه‌زاران هامڕۍ كه مەیا دلۍ ڕیزەکاو گه‌ریلایۊ نامۍ وێشا منیا زیلانە و بێریتانە. هامڕا زیلانە پەی ئێمه بیێنە بە بنه‌ما. گرڎما قه‌رزارۍ هامڕا زیلانێنمۍ. جه سەیه‌و ڕابه‌رایه‌تی و هامڕا زیلانێنە یاوێنمۍ ئیسەی. پێسە شۊنكه‌وتۍ هامڕا زیلانۍ، وەعد مدەو، كه وەرم و ئامانجه‌كاو گەشمەرڎا باروو دی.
"هامڕا زیلانە به چالاكییه‌كه‌یش نه‌مرە بییە"
مه‌روان بۊتان: جە كه‌سایه‌تیی هامڕا زیلانێنە سه‌رجه‌موو گەشمەرڎاو شۊڕشی یاڎ کەرووە. مانگەو حوزه‌یرانی ماناۍ گرنگەش هەنە. چونكوم چا مانگێنە، جە دژوو جینۊسایدی و ئا سیاسه‌ته قیزه‌ونا، كه سه‌روو كوردسانیوە کریێنۍ، وەراوەروو سیاسه‌توو چه‌وسنایۊ و چێرده‌سه‌كەرڎەی ژەنۍ، هامڕا زیلانە چالاكیێوە تاریخییش کەرد. ئا چالاكییەو هامڕا زیلانۍ دژوو سیاسه‌توو كۊكوشی و هه‌میچ دژوو ئا هجوومی بۍ، كه پەی سه‌روو ڕابه‌رایه‌تی كریا. ئا چالاكییه پەی ئێمه‌یچ بی بە هومێدێوە، درێژە به كۊشیایما بده‌یمۍ و بیاونمێش سه‌ركه‌وتەی. چا سه‌رده‌منە هامڕا زیلانە به فكر و وینایە گه‌وره‌كه‌یش، وێش یاونا كارەوانوو نه‌مراوە. ئا چالاكییه پەی دوژمنی بی بە جواب، كه كه‌س مەتاوۊ ژەنە ئازادا ناچار به وێدەسۊدای کەرۊ. هامڕا زیلانە گیانی فیداكارییش به‌رجەسە كەرد. ئا ڕۊحه ئارۊنە بییەن بە نموونێوە، كه كه‌س مەتاوۊ وەراوەرشۊ مرڎۊ. هه‌رچنڎە دوژمن ته‌كنیكش قەوەت بۊ، ئێمه به ڕۊحوو زیلانه‌كا سه‌رۍ گنمۍ.
س.ز
