بە بۊنه‌و ساڵیادوو گەشمەرڎەبییەی زه‌ینه‌ب كناجی (زیلان)ێوە، گەریلایەکاو یه‌ژاستاری ئەرەیاوناشا 'زیلانە مانیفێستوو ژیوای ئازاڎیمانه و ئێمه به ڕۊحوو زیلانه‌كا وێگێری کەرمۍ و درێژه به كۊشیایما مڎەیمێ'.
به بۊنه‌و ساڵیاڎوو گەشمەرڎەبییەی زه‌ینه‌ب كناجی (زیلان)ێوە، گه‌ریلاكانی یه‌ژاستاری پەی ئاژانسوو هه‌واڵوو فورات (ANF)ی قسێشا كەرڎۍ.
ئه‌ڤیندار زاگرۊسە: "هامڕا زیلانە پێسە مزانیۊ سیمبولەو ئازاڎیی ژەنێنه. مانیفێستوو ژیوای ئازاڎوو ئێمه‌نه. هامڕا زیلانە به چالاكییه مه‌زنه‌كه‌یش ڕاش پەی هه‌زاران زیلانا كەرڎۊ، كه ئارۊ ڕووە کەرا كۊشیای ئازاڎیی ژەنۍ. هامڕا زیلانە پا بۊمبه‌یە کە تەقناشۊ وێشرە، پاسەش کەرد،دەنگش بیاوۊ بە گرڎوو ژەناو دنیۍ، چا وەرمە قووڵەیە کەوتەنشا پۊرە خەبەرشا بۊوە. هامرا زیلانە پی هه‌ڵوێستیشە، به ویرۊکەرەدی وێش باره‌و ئازاڎیی ژەنۍ، چەنی ئازاڎیی ڕابه‌رایه‌تی دلۍ دڵوو وێشنە گه‌وره‌ش كرد. ئارۊیچ به هه‌زاران ژەنی ڕ او هامڕا زیلانۍ گێرا. ئێمه گەرەکمانە دەوروو وێما دلۍ ئی شۊڕشەینە گێڵنمۍ. ئارۊ بۊنەو هەڵوێسوو هامڕا زیلانێوە به سه‌دان هامڕێما ئینۍ سه‌نگه‌ره‌كاو جەنگینە مدرامان کەرا.
ئا هه‌ڵوێسە هامڕا زیلانۍ گێرتەرە وەر، هه‌ڵوێسێوە ئاسایی نه‌بۍ. ڕاش دا كه سه‌روو هه‌زاران كه‌ساوە كاریگه‌ری وەش کەرۊ. ڕاش دا به‌ڕاستی ژەنی هەست به جیاوازیی وێش کەرۊ. پێسەو ژەنێوە، چەنی بتاوۊ دلۍ کۊشیاێوە چانەینە وێگێری کەرۊ و شۊنەو ئازاڎیی وێشرە گێڵۊ. بتاوۊ جە بارەو هەقیقەتوو ژەنیوە کە ئارۊنە سیستموو ئەرەگیری شارتەنۊ هۊشیارە بۊوە. جە هه‌مان وەختنە هامڕا زیلانە پێسە ژنێوە به هه‌ڵوێسه‌كه‌یش ئا هۊشیارییه کە به گرڎوو ژەناو دنیێش دا. ئێمه پی بۊنه‌وە چی ڕووەنە، جه كه‌سایه‌تیی هامڕا زیلانێنە دا گرڎوو ئا هامڕایا، کە جە سەنگەرەکانە مدرامانشا کەرد، تا دما هەناسە وێگێرییشا کەرد و گەشمەرڎۍ بیۍ یادشا کەرمێوە و سەرەو ڕێزی وەرانوەرشاوە کۊمنمێرە.
فه‌راشین كۊچه‌رە: پەی ٣٠ی حوزه‌یرانی، هه‌رچنڎه بەروستەیش دژوار بۊ، ئینسان مەتاوۊ به چنڎ کەلیمێوە باسش کەرۊ، وەلۍ پەی ئانەی تاریخ هه‌میشه به‌زیندەیی مەنۊوه، هەرمانەو ئێمه‌نه بڕێوە بشناسمێش. هه‌رچنڎه هامڕا زیلانە ساڵەو ١٩٩٦ دێرسیمنە چالاكیی گیانبازییش کەرد ئانڎە ساڵێش سەرەرە لوان، وەلۍ ڕۊحوو هامڕا زیلانۍ تا ئارۊیچ بەزیندەیی مەنەنۊ، ئەگەرئارۊ ڕۊحوو مدرامانی زیندە بۊ، ئانە هینوو زینڎەیی ئا مدرامانینە، کە هامڕا زیلانۍ دلۍ ئێمەنە گەش کەرڎەنۊ. هەرچنڎە دژوار و قورسیچ بۊ. دایمە ئێمە سەروو ڕێکێشۊ هەنمۍ و ئا هەرمانێما گێرتێنە دەس.
پێسە چەنی ئێمە شۊنکەوتۍ هامڕا گەشمەرڎەکامانمۍ، ئا هەرمانێما ئینا گەرڎەننە، ئا ڕۊحوو مدرامانی دلێمانە وەششا کەرڎەن، دایمە وێما بە ساعیبش مزانمۍ. دوژمن هه‌رچنڎه به‌تندی هجووم کەرۊ، باوڕمان پاسەن ئانە هامڕا گەشمەرڎەکێما دلۍ ئێمەنە نیانشا، ئێمه پا ڕۊحه‌وە درێژه به مدرامانوو وێما مڎەیمۍ. ئانە کە پاسە کەرۊ ئینسان بەتووڕەیی بلۊ سەروو دوژمنی و بە ئیرادەو درێژە بە کۊشیای بڎۊ، ڕۊحوو هامڕا زیلانێن. ".
س.ز
