گرووپو لوزەرنی ئێشکگیریی ئازادیشا گێرت دەس
گرووپو لوزەرنی جە حەفتەو ٦٤٤ ەمینینە ئێشکگیریی ئازادیشا گێرت ئەستۆ کە ١٢ ساڵێن جە ستراسبۆرگەنە بەردەواما.
بە دیمەن
ئێشکگیریی ئازادی پەی ئازادی ڕابەرو گەلوو کوردی عەبدوڵا ئۆجالانی ١٢ ساڵێن جە شارو ستراسبۆرگو فەرەنساینە بەردەواما، ئیساتۍ ئینا حەفتەو ٦٤٤ ەمینینە.
ئی حەفتە گرووپێوە جە شارو لوزەرنی سویسراینە ئێشکگیرییەکەشا گێرت ئەستۆ. فیکرەت چۆکتاشان و کۆچەر ئایدن و سینان ئەحمەد جە گرووپەکەنە بێنۍ.
بەنامۍ گرووپەکەیۆ فیکرەت چۆکتاشان سڵامش ۋنەو ڕابەر ئاپۆی و گەریلا قارەمانەکا کەشی و زینانیا و گەلوو کوردی کەرڎ، ئەرەیاۋناش پەی شەرمەزارکەردەی گۆشەگیری سەرو ڕابەرو گەلوو کوردی عەبدوڵا ئۆجالانی جە لوزەرنۆ ئامێنۍ، واتش: "داوا جە کۆنسەو ئەوروپای و سی پی تی (کۆمیتەو ڕاگێرتەی جە ئەشکەنجەو ئەوروپا)ی مکەرمۍ دەورو ۋێشا گێڵنانە. دۆڵەتا مېیاننەتەوەیی و دۆڵەتو تورکی گەرەکشانە جە کەسایەتی ڕابەرایەتیینە گەلوو کوردی گۆشەگیر بکەرا و دلېنەبەرا. ئێمەیچ پېسە گەلوو کوردی و دۆسەکاما گەرەکمانە جە دەورو ڕابەرایەتینە کوۍ بیمێوە و جە کەسایەتی ڕابەرایەتینە گەلوو کوردی و گرڎو گەلا چێردەسەی ئازاد بکەرمۍ".
