شاروو ئاڤیگنۆنینە پەی ئازادیی جەستەیی ڕابەروو گەلوو کوردی عەبدوڵا ئۆجالانی، یەرێ ژەنێ کوردێ 8 وو ئاداریوە دەسشا بە چالاکیی مانگێرتەی جە واردەی کەرد، گرووپوو دووەموو مانگێرتەکەی دەسبەکارێ بیێ.
شاروو ئاڤیگنۆنوو فەڕەنساینە بە سەرمەشقایەتیی تەڤگەروو ژەناو کوردوو ئەورووپای (تەژەکە-ئە)ی جە چوارچوەو هەڵمەتەو "ئازادیی پەی عەبدوڵا ئۆجالانی، چارەسەری سیاسی پەی پەرسەو کوردی" جە 8وو ئادارینە دەس بە چالاکیی مانگێرتەی جە واردەی کریا، ئارۆ گرووپوو دووەموو چالاکییەکەی دەسبەکارێ بیێ.
ئاخروو چالاکییەکەینە درووشموو "بژیوۆ سەرۆک ئاپۆ"ی بەرزێ کریێوە و داوا کریا "تا ڕابەر ئاپۆ بە شێوەی جەسەیی ئازاد نەبۆ، دایم جادەکانە بیمێ".
