گەریلۍ یەژا ستاری بێریتان چیا ئەرەیاوناش: "پیسە جەنی هامڕا زیلانە وێش کەرد بە تۊپەڵێوە ئاویر و وێش کێشت دڵوو دوژمنیرە. پێسە شۊنکەوتیوە ئاڎۍ ئێمەیچ تا دما هەناسە درێژەش پەنە مڎەیمۍ و شۊنەو ڕۊشناییەکەیش گنمۍ."
گەریلۍ یەژاستاری بێریتان چیا یاڎوو زیلان (زەینەب کناجی)ێش کەرڎۊ، کە جە ٣٠ی حوزەیرانوو ١٩٩٦ینە دێرسیمنە وێش فیدایی کەرد.
بێریتان چیا ئەرەیاوناش کە زیلانە ئا وەختە تەرسیش سەروو ڕابەروو گەلوو کوردی عەبدوڵڵا ئۊجالانی و گەلوو کوردیوە دییە، پەوکای چالاکیێوە چینەش کەرد و واتش: "کاریگەریی چالاکییەکەو هەڤاڵ زیلانۍ هەڵای بەرڎەواما. دوژمن گرڎ ڕوۍ پا تەرسێوە جمۊوە. گەشمەرڎە زیلانە جەنگەوانێوە بۍ، کە ساڵێوە سەروو بەشڎاربییەیشرە ویەرابۍ. جە ژیوای گەریلایینە فەلسەفەو ڕابەر ئاپۊیش بە بنەما گێرتەبۍ. جە کەسایەتیی هامڕا زیلانێنە دڵسۊزی پەی ڕابەرایەتی، دڵسۊزی پەی ژەنۍ و خاکەکەیش بە ئاشکرا دیارا.
هامڕا زیلانە پێسە ژنێوە شۊڕشگێڵنۍ پەی گرڎیما بییە بە سەرمەشقە. ئێمە سەروو ڕاو فەرماندە زیلانێوە ملمۍ ڕارە. گەریلاکاو ئازادیی کوردسانی ئارۊ جە دژوو دوژمنی بە ڕۊحوو زیلانێوە کۊشیا. ئا هامڕێما کە جە تونێلەکاو جەنگینە وێگێرییشا کەرد؛ هامڕا ئاڤزەم، باگەر، ئارین، شەڕزان و هامڕێکۍ تەرۍ زیلانێنۍ. کەسایەتی، گیانفیدایی زیلانێشا پەی وێشا کەرڎەن بە نموونە و خەتەی ئاپۊییەشا بە تەماموو دنیۍ نیشانە دا. ئا کۊشیایە کە جە کەشەکاو کوردسانینە ملۊ ڕاوە، درێژکریاوەو خەتەو زیلانێن. پێسە چەنی هامڕا زیلانە وێس کەرد بە تۊپەڵێوە ئاویر و نیاش دڵوو دوژمنیوە، پێسە شۊنکەوتاو ئادۍ تا دما دڵۊپەو ونۍ درێژە بە کۊشیای مڎەیمۍ و قەوەتتەرش کەرمۍ. وێما بە ساعیبوو هامڕا زیلانۍ مزانمۍ و وەعد مڎەیمۍ شۊنەو ڕۊشناییەکەیش گنمۍ."
س.ز
