گەریلۍ یەژا ستاری خەملین جودیە بە ئەڤین و پنەزانایۆ جە کەسایەتی حەقی کارەرینە گەشمەرڎا مانگەو گوڵانی و گرڎوو گەشمەرڎا شۆڕشیش یاڎ ئاردۍ و واتش: "گەشمەرڎە حەقی کارەر هەڤاڵێ بۍ کە دلۍ کۆمەڵەی سەرەتایی ڕابەر ئاپۆینە بۍ پەی دەسپنەکەردەی کۆشیای. حەقی کارەر کە شۆڕشگێڵنێوە ئەنتەرناسیۆنالیست بۍ چا وەختەنە کە فاشیزموو تورکی فرە کاریگەربۍ، دۆزوو کوردیش قبوڵکەرد و جە کۊشیایمانە کارێوە ئێژاش ئەنجامدا. حەقەو هەڤاڵ حەقی بە ئەرەمەرزناو تەڤگەرو پەکەکەی سنیاوە. پەکەکە تەڤگەرێوە خاوەن تایبەتمەندیێوە ئەنتەرناسیۆنالیستییا."

حەرپاسە خەملین جودیە واتش: "دەوڵەتوو فاشیستی تورکی پەی دلێنەبەردەو جمیەروو پەکەکەی گرڎ جۆرە چەکێوە بەکارمارۆ. حەرپاسە جە میدیاکاشەنە بە ئاشکرا دروۍ مکەرۆ، پەی ئانەی شکسەکاش ۋەرا ۋەر بە پەکەکەی بشارۆوە. بەڵام دەوڵەتوو فاشیستی تورکی هەرچی مکەرۆ با کەرۆش حەجگیز مەتاوۆ گەلوو کوردی و گەریلای دلێنەبەرۆ. هامڕایی دلۍ پەکەکەینە پېسەنە بەحری. جە گرڎ نەژاد و ئاینێوەش ئینا چنە. جە عیلمانی، عەرەب، سوریانی، مرۆڤ شەپۆلەو ئی بەحرەینە تا جە دماینە میاوۆ بە ژیۋایۍ یەکسان و دیموکراتیک، بەردەوامی مڎا بە کۊشیای. بە تایبەت کۊشیای ژەنۍ دژ بە سەرەوەری پیا سالاری حەووت هەزار ساڵەی، چارەسەری دلۍ پەکەکەی و پاژکینە مویناوە، پۊکاتی جە گرڎ زۋانەکاوە بەشدارۍ دلۍ کۊشیای ئازاڎیی با. چونکی بە ئاگایی ژەنی جە هێزوو ڕابەریوە بەشدارۍ دلۍ کۊشیای ئازاڎیی با. چونکی ئاگایی ژەنا ئینا هێزوو ڕابەرایەتینە."

خەملین جودیە سەرنجش وست سەروو هجوومەکا دەوڵەتوو تورکی بە چەکی کیمیاوی و واتش: "پېسە گەریلاکاو یەژا ستاری ساحیب ئایدیایۍ ئێژاینمۍ. پا هێزەی جە گەل و ڕابەرایەتیماوە هورش گێرمۍ کۊشیایما فرە ئێژاتەر مکەرمۍ."

گەریلاو هەپەگەی ئەگید بۆتان سەرنجش وست سەروو تایبەتمەندی ئەنتەرناسیۆنالیستی حەقی کارەری و واتش: "هەڤاڵ حەقی کارەر و کەمال پیر جە هامڕا ئەوەڵینەکاو ڕابەر ئاپۆی بێنۍ. پی پەیوەندیۆ هامڕایی بەینوو تەڤگەریما یاوا پی ئاستیە. بەشداربیەی ئەنتەرناسیۆنالیستی دلۍ تەڤگەریمانە چا کۆمەڵە سەرەتایۆ هێزوو ۋێش هۊرگێرۆ. پۊکاتی هیچ کەسێ مەتاوۆ ۋەرا ۋەر بە هێزێوە پی جۊرەیە مردۆوە. سوپاو تورکی فاشیستی هەرچنڎە چەکی کیمیاوی و تاکتیکوو چەکی ئەتۆمی بەکاربارۆ مەتاوۆ مدرامانما مردنۆ. ئۆپراسیۆنە شۆڕشگێڵنییەکا زمسانی و هامن و گەریلای سەلەمنەرۍ ئی حەقەتینەینۍ."

حەرپاسە گەریلاو هەپەگەی ئەرش خۆی سەرنجش وست سەروو هامڕایی دلۍ تەڤگەروو پەکەکەی و دڵسۆزی و ئامانجداری و واتش: "هەڤاڵ حەقی کارەر چا ڕوۆ ئاشناو ڕابەر ئاپۆی بی تا وەختوو گەشمەرڎەبیەیش بە فیداکاریێوە ئێژاوە بەشداروو ئی دۆزەیە بۍ، کارێوە گەورەش کەرد کە یاگۍ ئانەینە ئێمە ئیسفاڎەش چنە بکەرمۍ. هەڤاڵێوە بۍ کە چنی ڕابەریما یەکانگیربۍ، خاوەن هامڕایی هێقم بۍ."

ئەرش ۋێش جە قسەکاشەن ئاماژەش پانەی دا ڕۆحیەتوو هامڕایی دلۍ پەکەکەینە پێسەنە ڕۊو یووەمی زینڎەیی و واتش: "نمونێوە ئێژاو ئی هامڕاییە کۊشیاین جە مەتینا، زاپ، ئاڤاشینەنە و هەمیشەیچ بەردەوام بۆ. چنی بیەو هجوومە  کیمیاوییەکا و چەکوو ناتۆی، گەریلاکاو هەپەگەی و یەژا ستاری دژ بە سوپاو تورکی فاشیستی بە ورێوە ئێژاوە جەنگ مکەرا."