ڕۊنامەنۋیسە دلارا نورحەقە ئەرەیاۋناش، کە جە ۋەران ۋەرو هجومە ئەرەگیریەکا سوپاو ترکی ئەرەگیرینە پۍ سەرو مېڎانەکا گەریلای، گەریلاکۍ ئازاڎیی کورڎسانی خەتېوە مدرامانیشا وەشکەرڎېنە و دەسنیشانش کەرڎ کە جە جەنگو مانگەی ۋیەرڎېنە جە کەشوو جودی گەریلا بە تاکتیکی تازەو جەنگی پەی ۋۍ پارېزنای دەسش کەرڎەن بە هجومکەرڎەی و بە ورېوە بەرزۊ گورزۍ گۊرۍ جە سوپاو ئەرەگیری مڎۊ.

سوپاو ترکی کە ساڵەی ۋیەرڎۍ دەسش بە هجومی ئەرەگیری پۍ سەرو مېڎانو کەشو جودی جە ۋەرنیشتوو زاپی کەرڎ، ۋەران ۋەر بە مدرامانو گەریلاینە ناچار بە کیشیایۊی کریا، سوپاو ترکی شەوەو ٢٠ سەرو ٢١و تەموزی جارېوەتەر دەسش بە هجومی ئەرەگیری کەرڎۊ. ڕۊنامەوانە دلارا نورحەقە کە ئینا مېڎانەکەنە، پۍ ئاژانسوو هەواڵی فورات  (ANF)ی قسېش کەرڎۍ و باسش جە جەنگو گەریلاکا ئازاڎیی کورڎسانی کەرڎ.

بۊنەو ۋەرفراوانکەرڎەو ئەرەگیریۊ هجومشا کەرڎ سەرو کەشوو جودی

نورحەقە ئاماژەش پانەی کەرڎ، کە هېزەکۍ گەریلای بەتاکتیکی تازەی جەنگی بەشېۋېوە سەرەمڕە جە هجومەکاشانە گورزۍ قورسۍ جە ئەرەگیرا مڎا و ۋاتش،''ئۊپەراسیۊنەکەو ئیجاریە مانگېوەش ۋیەرنا. سوپاو ترکی بەپاو ساڵەی ۋیەرڎۍ نەتاۋاش حیچ ئەنجامېوە جە ئۊپەراسیۊنەکەینە بەدەس بارۊ. بە گورزەی قورسەو گەریلای هەزاران کوشیېش دېنۍ ناچار کریا مەنتیقەکەی جیا بازۊ. دماو ئانەیچ کە کیشیاوە ئاماڎەکاری گۊرەش کەرڎ و دماو ٧ مانگا جارېوەتەر دەسش بە ئۊپەراسیۊنی پۍ سەرو ئا هەرېمیەکەرڎ.

دۊڵەتو ترکی ئەرەگیری جە بەینو تەمامو جمیەرەکا کورڎینە جمیەری ئازاڎیی کورڎیش پۍ ۋېش کەرڎەن ئامانج و هجومش کەرۊ سەر. ۋەرو ئانەی دۊڵەتو ترکی مزانۊ کە تا پەکەکە مەنۊ مەتاۋۊ ئەرەگیری ۋېش سەرو کورڎسانی و هەرېمەکەیرە ۋەر فراوان کەرۊ. دۊڵەتو ترکی ئەرەگیری پۍ ئانەی تاۋۊ پلانەو میساقو میللی ۋېش جابەجۍ کەرۊ ۋېش بیاۋنۊ سنورەکا، مېڎانەکا گەریلای وەردەمو ۋېشەنە بە لەمپەر مزانۊ و هجوم کەرۊ سەرو ئا مېڎانا. یۊ چا مېڎانا  کە وەرو دەمو ۋېشەنە بەلەمپەرش مزانۊ کەشو جودین. ئا مېڎانەی کە چنەشەنە فرەتەرین کوشتارش دان ناچار بی کیشیۊوە، جارېوەتەر هجومش پۍ سەریش دەسپنەکەرڎۊ. مېڎانو کەشو جودی سەرو خەتەو شارەکا پانیشتوو کورڎسانی شۊنېوە سنورین. خەتېوەنە کە یەرەگۊشەو مەتینا، زاپ و گارە چنەشەنە یۊگېراوە، گرنگیۍ پا جۊرەشە هەن حەرپۊکەی هجومش کریۊ سەر.

گەریلا گرڎ ڕووۍ گورزە شانۊ

نورحەقە سەرنجەکۍ ۋېش سەبارەڎ بە جەنگوو مانگېوە جە مېڎانەکەنە پی جۊرە وست ڕووە:"جە جەنگوو ساڵی ۋیەرڎەینە گەریلاکۍ ئازاڎیی کورڎسانی بیۍ بە خۊتان تەجروبېوە گۊرە. بەپاو ئی تەجروبەیە پلانەی جەنگی ۋېشا مجارە. گەریلا جە ۋەران ۋەرو هجومەکا شەوەی یووەمېنە مدرامانۍ گۊرەشا کەرڎ. گورزۍ گۊرېشا جە ئەرەگیرا شانا، بەتایبەتی وەختۍ کە سەروازەکا وەزنېنېرە، گەریلا گورزۍ قورسەش ۋنە شانۍ، جە ماوەو مانگېنە گرڎ ڕووۍ گەریلاکۍ هجوم کەرا. بەتاکتیکی تازە بەنیشانە ماڕۍ و هجومی هەماهەنگی و چالاکی پڕۊفیشناڵ ئەنجام مڎا. دۊڵەتو ترکی ئەرەگیری کوشتارۍ فرەش چی مېڎانەنە هەنۍ گەریلاکۍ یەژاستاری فرەتەر چالاکی نیشانەماڕۍ چی مەنتیقەنە کەرا. گەریلاکۍ یەژاستاری ڕا مەڎا تەنانەڎ تەنیا سەروازېوەیچ جە سەنگەرەکانە بۍ بەرو جمۊوە. وەختۍ ئەرەگیرەکۍ سەروازۍ مېڎانەکانە منیارە، مەتاۋا مېڎانەکەی جیا بازا ، وەختۍ جماوە بانۍ بە ئامانجو هجومەکا گەریلای.

جە کەشو جودینە چەقېنۍ

ئیسە مېڎانەکەنە چەقېنۍ، ۋېش جە ۋېشەنە ئەرەیاۋنېکۍ هەپەگەی جە ئامارو چالاکیەکانە ئانەی وزا ڕووە.

جە جەنگوو مانگېوەنە چا مېڎانەنە کە ڕووانە ڕووە مڎا گرنگتەرین تاکتیکو گەریلاکا ئازاڎیی هجوما بە ئامانجو ۋۍ پارېزنای. هېزەکۍ گەریلای جەڕاو هجومی گۊرەیۊ هەناسەشا جە دوژمنی بڕیەن. ڕا مەڎا کە دوژمن چا مېڎانەنە ئامانجەکا هجومی دووەمیش پېکۊ.

بەتایبەتی جەنگوو ئی مانگۍ جەمۍ تایبەتمەنڎیېش هەنۍ، کە مشۊم چنەشا بیاومېنە. گەریالاکۍ ئازاڎیی چی جەنگەنە بە تاکتیکی تازە شەو ڕۊ چالاکیۍ کەرا کە ئانە فرە گرنگا. چی جەنگەنە تیمەکۍ دلۍ مېڎانەکا و ئانۍ ئینۍ دلۍ مەڕەکانە تەمامکەرۍ یۊترینینۍ، تەجروبېوە گۊرە بەدەس ئامان. تاکتیکی تازەو جەنگوو گەریلای تەجروبېوە تازەش خوڵقنان کە ئاڎیشا میاونۊ بە سەرکۊتەی. پی تەکتیکیە تازا تەکنەلۊجیاو ئەرەگیرا دلېنەبریۊ. بەتایبەتی یەژاستار جە جەنگوو دژ بە سوپاو ترکی ئەرەگیرینە دەورو پېرتۊرمانسېوە گۊرەشا نیشانەدا. جارېوەتەر سەلەمناشا کە هېزو ژەنۍ متاۋۊ چېش پۍ ۋڵاتەکەیش کەرۊ.

ورەو گەریلای بەرزا  

چېۋۍ تەر چی جەنگەنە کە یاگۍ سەرنجینە ئانەن کە هجومەکۍ گەریلای، ئا گورزۍ کە گەریلاکۍ جە کۊپتەرەکاش شانا، جە لایەنو سەروازا سوپاو ترکیوە ۋەڵا کریاوە. ئینەیچ شکسی دەرونیشا نیشانە مڎۊ. وەختۍ ماچمۍ سوپاو ترکی چەقان و گیرش واردەن، زیاڎەڕەوی مژارەکەنە مەکەرمۍ. چالاکیەکۍ گەریلای و ئەنجامەکۍ ئینەی نیشانە مڎا. جەنگەکە بەشېۋېوە قورس ۋەردەواما. گەریلا بە ورېوە پۊڵاینۊ جەنگ کەرۊ. چونکی ورەو سەرەتاو جەنگی پی جۊرە فرە گرنگا.

هـ.ش