ئەرەیاونایەکەو ناوەندوو ئەرەیاونای و چاپەمەنیی هەپەگەی پێسنەن:

"چالاکییەکاو گەریلاکاو ئازاڎیی کوردستانی وەراوەروو هجوومەکاو سوپاو تورکی ئەرەگیریوە بەرڎەواما. جە چالاکییەکانە، کە زاپۊ تا مەتینا و خواکورک کریێنۍ، ٣ ئەرەگیرۍ سزا دریێنۍ، دووۍ خێمۍ و کامێرێوە چەمداری دلێنە بریێنۍ. هەرپاسە حەفارێوە و ١١ سەنگەرۍ گورزشا دریان وەنە.

زانیاریی وەرفراوان سەروو چالاکیی هێزەکاما و هجوومەکاو سوپاو تورکی ئەرەگیری پێسنێنێ:  

جە هەرێموو گەشمەرڎە دەلیلوو وەرنیشتوو زاپینە:

'٢٢ۍ ئابی سەعات  ١٣:٠٠ و ١٤:٠٠ مەیدانوو مدرامانوو کەشوو جوودینە، بە چەکی قورس وەنەو ئەرەگیرا دریا و گورز وەنەو دووۍ سەنگەرا شنیا، چالاکییەکە هێزەکاو یەژاستاریما کەرد.  

٢٢ۍ ئابی بەینوو سەعات  ٢٢:١٠ و ٢٣:٠٠ مەیدانوو مدرامانوو کەشوو جوودینە، هەلیکۊپتەرۍ سووڕیێوە. مەیدانوو مدرامانوو کەشوو جوودی ٨ جارۍ بە هەلیکۊپتەری هجوومبەر بۊردومان کریا، هێزەکاو یەژاستاریما دووۍ جارۍ وەنەو هەلیکۊپتەرێوە سکۊرسکی ئامێوە دەسۍ، کە هەوڵۍ دۍ هێزەکاش وەزنۊرە و دماجار ناچار بی مەیدانەکەی جیا بازۊ.

٢٢ۍ ئابی سەعات  ٠٨:٠٠ و ٢٣:٠٠ بە چەکی قورس وەنەو ئەرەگیرا دریا جە مەیدانوو مدرامانوو کەشوو جوودینە، گورز وەنەو دوۍ سەنگەرایچ دریا، چالاکییەکە هێزەکاو یەژاستاریما کەرد.

٢٣ۍ ئابی سەعات  ١٨:٠٠ مەیدانوو مدرامانوو کەشوو جوودینە، هێزەکێما ٤ چالاکێی هاوکاتیێشا کەرڎۍ، قۊڵوو یوەموو چالاکی بە نیشانەماڕۍ سیستمێوە کامێرەی چەمداریی حەرارییشا دلێنە بەرد. قۊڵوو دووەموو چالاکییەکەی بە چەکی قورس گورزش وەنەو سەنگەرێوە ئەرەگیرا دا، قۊڵوو یەرەموو چالاکییەکەی بە چەکی قورس وەنەو سەنگەرێوە ئەرەگیراشا دا، کە ئەرەگیرێش چەن بێنۍ. قۊڵوو چوارەموو چالاکییەکەیچ بە نیشانەماڕۍ وەنەو  ئەرەگیراشا دا و ئەرەگیرێوە سزا دریا.

٢٤وو ئابی سەعات  ٠١:١٥ مەیدانوو مدرامانوو کەشوو جوودینە، بە چەکی قورس سەنگەرێوە ئەرەگیرا کریا ئامانج، چالاکییەکە هێزەکاو یەژاستاریما کەرد.

٢٤وو ئابی سەعات  ٠٣:١٥ مەیدانوو مدرامانوو کەشوو جوودینە، بە چەکی قورس وەنەو ئەرەگیرا دریا و ئەرەگیرێوە سزا دریا.

٢٤وو ئابینە سەعات  ٠٣:٥٠ مەیدانوو مدرامانوو کەشوو جوودینە، بە چەکی قورس  وەنەو ئەرەگیرا دریا، گورز ئۊو سەنگەرێوە شنیا، چالاکییەکە هێزەکاو یەژاستاریما کەرد.

ھەرێموو زاپی:

٢٢ۍ ئابی سەعات  ١٨:٣٠، مەیدانوو مدرامانوو سیداینە، بە چەکی قورس گورز وەنەو ئا ئەرەگیرا شنیا، کە هەوڵۍ دێنۍ بە حەفارە سەنگەرەکاما وڕنا.

٢٤وو ئابی سەعات  ٠٧:٣٠، مەیدانوو مدرامانوو سیداینە، گورز وەنەو حەفارێوە شنیا، کە هەوڵۍ وڕنای سەنگەرەکاما دۍ.

ھەرێموو مەتیناینە:

٢١وو ئابی سەعات ١٧:٤٠، مەیدانوو مدرامانوو کەشوو ئۊرتێنە، بە چەکی قورس ٢ سەنگەرۍ ئەرەگیرا کریۍ ئامانج.

٢٣ۍ ئابی سەعات  ١٧:٢٠، مەیدانوو مدرامانوو کەشوو ئۊرتێنە، بە چەکی قورس وەنەو ئەرەگیرا دریا، کە کەوتێبێنۍ جموجووڵۊ، پا چالاکییەیچە ئەرەگیرێوە سزا دریا، ٢ خێمۍ و کامێرێوە چەمداری مەڕییا. چالاکییەکە هێزەکاو یەژاستاریما کەرد.

ھەرێموو خواکورکینە:

٢١وو ئابی سەعات  ١٦:١٥، لە مەیدانوو کەشوو گەشمەرڎە ئاخینی، بە چەکی قورس گورز وەنەو ئەرەگیرا دریا.

٢٣ۍ ئابی سەعات  ٠٦:١٥، لە کەشوو گەشمەرڎە شاهانینە، بە چەکی قورس وەنەو ئەرەگیرا دریا.

٢٣ۍ ئابی، سەعات  ٠٩:٠٠، لە کەشوو گەشمەرڎە ئاخینی، بە چەکی قورس گورز وەنەو ئەرەگیرا دریا.

سەرجەموو چالاکییەکا هێزەکاو یەژاستاریما کەرڎۍ. 

هجوومەکاو سوپاو تورکی ئەرەگیر بە تەقەمەنیی قەدەغەکریا:

٢٢ۍ ئابی سەعات  ٠٩:٠٠، مەیدانوو مدرامانوو سیداینە جە زاپنە، یەک جار تەقەمەنیی قەدەغەکریا دژوو سەنگەرەکاما  بەکار ئاما.

هجوومەکاو سوپاو تورکی ئەرەگیری:

٢٢ و ٢٣ۍ ئابی، ھەرێموو گەشمەرڎە دەلیلوو وەرنیشتوو زاپی ٤ جارۍ، مەیدانوو چلوچواری خواکورکنە ٢ جارۍ، مەیدانوو کانیسارکی و دەگاو پیرۊزانای گارەنە ٥ جارۍ، بە گرڎیوە ١١ جارۍ بۊردومان کریۍ.

ھەرێموو گەشمەرڎە دەلیلوو وەرنیشتوو زاپی، ھەرێمەکاو زاپی، مەتینا و خواکورک تۊپوارانۍ کریۍ.

١٠وو ئابینە ئەرەیاوناێوەنە پەی گەلەکەیما و رای گرڎینیما ئاشکرا کەرد، کە هامڕێما رێزان گونگەنە و باوەڕ بۊتان (بەکر کنا)، جە ٦وو ئابینە هەرێمەکاو پارێزنای مێدیاینە گەشمەرڎۍ بیۍ. سوپاو تورکی کە وەراوەروو مدرامانوو گەریلایۊ بێچارۍ و بێدەرەتانۍ بیۍ، تا جا دۊخەیە نەجاتشا بۊ قورساییش وستەن سەروو هەواڵە دروا و وربەسیایاو جەنگی تایبەتی. سەرباروو ئانەیە وەخت و شۊنەو گەشمەرڎەبییەی هامڕاما باوڕی مزانیۊ و پەی ڕای گرڎینی ئەرەیاونیان، پێسە ئانەیە سلێمانیینە  گەشمەرڎە بییەبۊ نیشانە دریۊ. هامڕاما باوڕ گەریلاێوە تازە بۍ، کە ئامابۍ دلۍ ڕیزەکاماوە، سەرباروو ئانەیچە میدیاو جەنگی تایبەتوو تورکی بە واتەی 'نیشانەماڕی تایبەتی و ...هتد'، هەوڵۍ مدۊ دروۍ قاییلکەرۍ کەرۊ. دەوڵەتوو تورکی پا ڕاددە مەڕیان، کە هومێدش سەروو دروە چینیشاو جەنگی تایبەتی ورچنیەن. ئانەیچ بەرش وزۊ کە وەراوەروو مدرامانوو گەریلایۊ بە چە ڕاددەێوە تەنگش پەنە ورچنییان".

س.ز