هامسەرۊکەو دەفەگەی دیجلە موفتۊغلووە مانیش جە وارڎەی گێرتە و واتش: "گۊشەگیری دژوو ئازادیی ڕابەروستەیی و ڕاسی و دیموکراسیین، حیسابنەکەرەیچ سەرچەمەکەش گێڵۊوە پەی ئا سیاسەتا کە دوورگەو ئیمراڵیینە میاویا یاگێ".
زینڎانیۍ سیاسۍ جە زینڎانەکاو سەرنیشتوو کوردستانینە و تورکیانە پەی ئازادیی ڕابەروو گەلوو کوردی عەبدوڵا ئۊجالانی و ورگێرتەی گۊشەگیری دەسشا کەرڎەن بە مانگێرتەی جە وارڎەی بەنۊرە. چالاکییەکە یاوا ٦٣ ڕوێ.
هامسەرۊکەو کۊمەڵەو ڕۊنامەواناو دیجلە فورات (دەفەگە)یو سەرنویسەرەو ئاژانسوو میزۊپۊتامیای، دیجلە موفتۊغلووە ڕاو پارێزنەرەکاشۊ واتش دەسش بە مانگێرتەی جە وارڎەی کەرڎەن و تا ٥وو شوباتی بەرڎەوامە بۊ.
لە پەیامەکەشنە ماچۊ: " گۊشەگیری دژوو ئازادیی ڕابەروستەی ڕاسی و دیموکراسیین، حیسابنەکەرڎەیچ سەرچەمەکەش گێڵۊوە پەی ئا سیاسەتا دوورگەو ئیمراڵیینە میاویا یاگێ. پەی ناستەی ئی تاریکییە پێویسا گۊشەگیری ورگێریۊ. پێسە ڕۊنامەوانا کە خەباتەکەتا بە تاوان مزانیۊ و بە شێوێوە شەخسی ئەنجاموو بێ‌مافی بەدی کەرڎێ، وەراوەروو ئی بێدەنگیینە، دەنگوو وێتا بەروزدێ. تا ڕاسیی جە تاریکیینە نەمەنۊوە، داوا وەنەو گرد لاێتا کەرمێ، دەنگ بەرز کەرڎێ".
