هاموڵاتیێوە خەڵکو دهۆکی دماو ئانەی جە دوبەیۆ گېڵانۆ ئیستەنبوڵ، جە لایەنو ١٢ کەساوە دریان ۋەرو کارداوە و کوشیان، جە ئیساتێچەنە بنەیانەکەش پەی هۆرگېرتەیۆ تەرمەکەیش بەرەو تورکیا کۊتێنۍ ڕا.
بەپاو زانیارییەکا سەرسەعب و ئارۆی، هاموڵاتیێوە خەڵكو دهۆکی ئیستەنبوڵنە دریان ۋەرو کارداوە و کوشیان.
ئا هاموڵاتییەی کە کوشیان نامێش حەکیم لوقمانا و جە لایەنو ١٢ کەساوە هرووژمش کریان سەر و کاردێوە ۋەرو دڵیش کۊتێنە، هەرپاسە دووۍ کەسۍ تەریچ زامڎارۍ بیێنۍ.
تا ئیساتۍ نمەزانیۆ مەڵامەتو جەنگەکەی چێش بیەن، بەڵام زانیان کەسی کوشیا نمایشگاو ترۆمبێلاش هەن و جە دوبەیۆ چنی برازێوە و مامۆزێوەش کە زامڎارێنۍ گێڵانۆ پەی ئەستەنبوڵی.
تاوانبارەکۍ بڕەمێنۍ و هەڵای نەگیریێنۍ، هامکات بنەیانەو حەکیم لوقمانی پەی هۆرگێرتەیۆ تەرمەکەی بەرەو تورکیا کۊتێنۍ ڕا.
حەکیم لوقمان تەمەنش ٤٥ ساڵۍ بۍ، ژیانی خێزایش پێکئاوردەن و ساحیب و یەرۍ زاوڵان، هەرپاسە ئەرەنیشتەو مەنتیقەو کەڵەکچی بیەن جە پارێزگاو دهۆکی.
