شاروو هانۊڤەرینە بە سەرمەشقایەتیی (Gemeînsam Kampfen) و نویسگەی ئاشتیی ژەناو جێنی و (Women defend Rojava)  و ژەکە وۊرک شۊپێوە بە نامۍ "بە تۊڕەو ژەنی ژیوا ئازاڎی، ژیوای و شۊڕشوو ژەنا پارێزنمێ" لوا ڕاوە. وۊرک شۊپەکە زانکۊو هانۊڤەرینە کریا و ٢ ڕوێش خواینا.  

وۊرک شۊپەکەنە، ژەنە گەشمەرڎە سەرمەشقەکۍ یادۍ کریێوە، دمایی  نرخنای پەی بۊ پرۊسەی سیاسی  جیهاننە و کوردستاننە کریا.

وۊرک شۊپەکەنە ئاماژە پانەیە کریا جەنگوو یەرەموو جیهانی  فرەتەر کاریگەرییش سەروو ژناوە بۊ. واتشا ژەنی دژوو سیاسەتوو جەنگی و قڕکەرڎەی، سەرمەشقایەتیی مدرامانوو جڤاکیشا کەرڎەن، پەوکای ژەنی سەرمەشقۍ کریا ئامانج و دەوڵەت نەتەوەی پیاسالاری زیاتەر جە ژەنە مدرامانکەرا تەرسۊ. هەرپاسە  تیشکە وزیا سەروو گرنگیی نیایرەی تۊڕەی هامبەشەو ژەنا و یۊبییەی هێزوو ژەنا.

چالاکییەکەنە، ئەندامێو کەنەکەی قسێش کەرڎێ، دمایی پەی یادکەرڎەیۊ ژەنە سەرمەشقەکا چالاکیی هونەری پێشکەش کریا.

ڕۊی دووەمنە، چوارچوەو قسەکانە پێویسییەکاو سەرڎەمی  کۊشیای هامبەش و گفتوگۊو بونیادنیای ڕێبازی تازەی وزیا وەڵۍ و پلانسازیی فراوان کریا.

هەرپاسە پەیاموو دڵسۊزی پەی ژەناو ئەفغانی و بەلوجیی  ئەوەخوای کریاوە، داوا کریا پەی بەشداربییەی چالاکییەکەو ١٧ شوباتینە کۊڵننە چوارچوەو هەڵمەتەو "ئازاڎیی پەی عەبدوڵا ئۊجالانی، چارەسەری سیاسی پەی پرسەو کوردی".

وۊرک شۊپەکەنە چند قەرارێوە دریێ، پێسە:

*ڕاوەبەرڎەی هەڵمەتەو "ئازاڎیی پەی عەبدوڵا ئۊجالانی، چارەسەری سیاسی پەی پەرسەو کوردی" بەشێوێوە قەوەتتەر.

* ئەڵمانیانە کەرڎەی وۊرکشۊپوو "جەنگی و ئاشتی" دژوو جەنگی بە هامکاریی ڕێکوزیایەکاو ژەنا.

* خاوەنداریی قەوەت جە کەمپەینوو دژوو قڕکەرڎەی ژەنا، کە جە دەیەمین ساڵیادوو قڕکەرڎەی شەنگالینە دەس پەنە کەرۊ.  

دماو ئاشکراکەرڎەی قەرارەکا، وۊرک شۊپەکە بە درووشموو "ژەنی، ژیوای، ئازاڎی"ی دماییش ئاما. کۊتایی هات.