کۆمیتەو ڕاوەبەری کەبەدەهەی بۆنەو ٨ەمین ساڵوەگەڕوو ئەرەمەرزنایشۆ ئەرەیاۋنێوەش وەڵاکەردۆ. کەبەدەهە داواو بەدەسئاردەی سەرکۊتەیش کەرد و واتش: "جە ساڵەو ٩ەمینوو جەنگینە شەپۆلەو شۆڕشگێڵنی زیاتەر فراوانە بۆ."
کۆمیتەو ڕاوەبەری جمیەروو شۆڕشگێڵنی یۊگێرتەی گەلا (هەبەدەهە)ی جە ئەرەیاۋنا نویسیاکەیشەنە ماچۆ: "جمیەروو ئاخێزوو یۊگێرتەی گەلا (هەبەدەهە)ی جە ١٢و ئاداروو ٢٠١٦ینە جە هەرێمەکاو پارێزنای میدیای و کۊڵانەو غازی ئیستەنبوڵینە ئەرەمەرزنای ۋێش ئەرەیاۋنا. هەبەدەهە جە ٩ەمین ساڵوو جەنگینە کۊشیایش بەردەواما."
جە بەردەوامی ئەرەیاۋناکەینە ئامان: "هێزەکاو ئاخێزوو یۊگیرتەی جە ئەرەمەرزنایشۆ پۍ کرێکارا، ژەنا، گەنجا و گەلا چەوەسیای هەتا ئارۆ بە بێ مردای کۊشیۆنە و جە دژوو گرڎ هجووم و فشارەکا فاشیزموو ئاکەپەی بەردەوامی بە کۊشیای مڎۆ.
دەسەڵات و فاشیزمی ئاکەپە-مەهەپەی جە تەرسەو جە دەسدای دەسەڵاتی و تێکشیەیشا ۋەرا ۋەر بە چەوەسیاکا، هجوومەکاشا زیاتەرۍ کەرا. هجوومی کیمیاۋی سەروو کوردسانی ئەنجام مڎا، هجووم کەرا سەروو دەسکۊتەکا ئاخێزوو ۋەرنیشتی، دژوو ڕابەروو گەلوو کوردی عەبدوڵا ئۆجالانی گۆشەگیری ڕاوەبەر کەرۆ، فشار و گێرتەی جە دژوو هێزە سۆسیالیستەکا تورکیای ئەنجام مڎۆ. بەڵام ئینۍ گرڎ مەتاوا هێزە شۆڕشگێڵنەکا مردنا و نەمردێنۍ!
هەبەدەهە ٨ەمین ساڵەو ۋێش ۋیەرنا و ملۆ دلۍ ساڵەو ٩ەمینوو جەنگیۆ. هەبەدەهە دلۍ جەنگینە ئەرەمەرزیا و ۋێش ڕێکوست. جە حەرکۆ زوڵمۍ بۆ، هێزوو شۆڕشوو یۊگێرتەیما چا بیەن و جەنگش کەردەن.
پۍ ئا کرێکارا ئەرەگیرکریێنۍ، ژەنی کە گرڎ ڕووۍ ڕوبەڕوو زۆرداری و فاشیزمی باوە و گەنجا کە دماڕۊشا تاریکریان، تاریکایەتی ڕۊشن کەرمێوە.
جە ڕۊو ئەرەمەرزنایماوە هەتا ئارۆ کۊشیای بە قەرار ئەنجام مڎەیمۍ. جە ٩ەمین ساڵەو جەنگینە وەعدوو سەرکۊتەی مڎەیمۍ بە گرڎوو هامڕایا نەمریما.
چی ئاژەنە ۋنەپەرسایۆ جە فاشیزمی کەرمۍ. پێسە هێزەکاو شۆڕشوو یۊگیرتەی داوا جە گرڎوو چەوەسیاکا پۍ ۋنەپەرسایۆ جە فاشیزمی، جە هەرێمەکاو پارێزنای میدیای و کەشەکا کوردسانینە گەریلاکاما، مەفرەزە-جەنگاوەرەکێما جە شارەکانە، هەر یۆ جە ئەندامەکاما ۋنەپەرسایۆ چا زوڵم و کۊکوشیا جە گەلی کریێنۍ، کەرۆ و قەڵاو فاشیزمی وڕنۆ.
جە ڕۊو ئەرەمەرزنایماوە تا ئارۆ چنڎین چالاکیێما ئەنجام دێنۍ. جە کۊشیای چەوەسیاکانە بیێنمۍ بە ڕۆشنایی و هیوا. سەروو ڕاو نەمرا، خێمۍ فاشیزمی هۊروێڵنمێوە. سەروو ڕێچکەو ڕابەریما ڕۆ بە ڕۆ ڕێکوزیاتەر، بەقوەتتەرۍ و بە بڕواتەرۍ بێمی.
جە کەسایەتی کادرا سەرمەشقی و ئەرەمەرزنەرانە ئولاش بایراکاتارۆگلۆ، نوبار ئۆزانیان، دەلال ئەحمە، باران سەرحەت و ئولاش عادال-ینە وەعد مڎەیمۍ بە گرڎوو شۆڕگێڵنا کە سەروو ڕاو ئاخێزوو یۊگێرتەی گەشمەرڎۍ بیۍ، جە ساڵەی تازۍ جەنگینە جە دژوو فاشیزمی شۆڕشگێڵنیما زیاتەر بۆ، بە بێ مردای دژوو فاشیزمی کۊشیەیمۍ و سەرۍ گنمۍ."
