کۊشیای پەی دادپەروەری کە ئەڎایا شەممەی و چالاکا، جە ساڵەو ١٩٩٥یوە، پەی چارەنوویس و قەوموو کەسە بێسەروشۆنکریایەکاشا جە وەختوو گێرتەیشانە و حەرپاسە دادگایی و سزادای بکوژەکاشا دەسشا پنەکەردەن، تا ئارۊیچ بەردەواما و یاوان بە هەزارەمین حەفتەو ۋێش.

پەی ئانەی ئی چالاکییە جەماوەرییە جە هەزارەمین حەفتەو ۋێشەنە ئەنجام بڎریۆ، ئا ۋەربەسۍ پۆلیسی کە جە ساڵەو ٢٠١٨یۆ جە دەوروبەروو مێڎانوو گالاتاساراینە نیێبێنێشەرە، لابریۍ. سەرەتا ئەڎایا، چالاکا و پارێزنەرا شەممەی ئامۍ دلۍ مێڎانەکاوە.

تەسەور مکریۆ، هام وتەواچا کۆنگرەو دیموکراتیکی گەلا، ئەسەنگوڵ دەمیرە و جەنگیز چیچەک، هامسەرۆکا دەم پارتی، تولای حاتەم ئوغڵاریە و تونجەر باکرهان جە ١٠٠٠ەمین حەفتەو چالاکییەکەینە بەشداری بکەرا. ئانۍ جە مێڎانەکەنە کوۍ بیێوە هێلەکێشا وەرەنەبێنۍ کە بە زۋانی کوردی و تورکی سەرشاوە نویسیابۍ " ئەڎایا شەممەی ".

ئەڎایا شەممەی و چالاکا لافیتەی سیاو کە ۋێنەو کەسوکارە گومبیەکاشا کە جە وەختوو گێرتەیشانە بێسەروشۊنۍ کریێبێنۍ و نوویسیاو "١٠٠٠ەمین حەفتە"یشا بەرز کەردۆ و ۋەروودەم و لافیتەکەینە چەپکە گوڵێشا نیێرە.

ئەڎایا شەممەی و چالاکا دماو چالاکییەکەیشا لێدوانێوە پەی ڕای گردینی مڎا.