هه‌په‌گه شناسنامە‌و دووۍ گه‌ریلایا، كه ڕۊو ٢٥ ته‌مووزینە زاپنە گەشمەرڎۍ بیۍ ئاشكرا كەرد و واتش، "هامڕێما ڕۊبینە و یڵدزە به ڕۊحێوە گیانبازیوە دژوو ئەرەگیرا گژیۍ و مدرامانشا ڕاو وەرڎەمیما ڕۊشنە کەرۊوە".
ناوه‌ندوو ئەرەیاونای و چاپه‌مه‌نیی هه‌په‌گەی جە ئەرەیاوناێوەنە، شناسنامە‌و دووۍ گه‌ریلایاش وەڵا کەرڎۊ، كه ڕۊو ٢٥ ته‌مووزی زاپنە گەشمەرڎۍ بیۍ.
ئەرەیاونایەکە:
"سوپاو توركی ئەرەگیری ساڵەو ٢٠٢٢ هجوومش كەرده سه‌روو هه‌رێموو گەشمەرڎە ده‌لیلوو وەرنیشتوو زاپی. هێزه‌كێما به سەرمەشقایه‌تیی یه‌ژاستاری، به مدرامانێوە تاریخیی شكۊمه‌ندانه وێگێرییشا كەرد. ئەرەگیرۍ كه نه‌تاواشا ئیراده‌و گه‌ریلاكاو ئازاڎیی كورڎسانی ماڕا، پەی یاوای گه‌یشتن به ئامانجه چه‌په‌ڵه‌كاشا، هانایشا پەی گرد ته‌كنیكێكێوە بەرڎە، وەلۍ شكسشا ئارد و هه‌رێمه‌كەنە كێشیێوه. ٢٠ ته‌مووزوو ساڵەو ٢٠٢٣، ئەرەگیرۍ جارێوە تەر هجوومشا كەرد سه‌روو مەیڎانوو مدرامانوو کەشوو جودی، هامڕا جەنگەوانە گیانبازەکۍ، جارێوە تەر گورزی قورسشا جە ئەرەگیرا دا. جه‌نگاوه‌رە گیانبازەکاو په‌ژاستاری رۊبین و یڵدزە، كه ڕاشا نه‌دا ئەرەگیرۍ بلا مەیڎانوو مدرامانوو کەشوو جودی، بە هجووموو ئەرەگیرا گەشمەرڎۍ بیۍ.
هامڕا ورچنیایەکاو خەتەو گیانبازی و فیڎاكاری، ڕۊبینە و یڵدز، كه بیرڎۊزوو ئازاڎیی ژەنا، كه لاو ڕابه‌ر ئاپۊیۊ پێشكه‌ش كریان بەرەو وەڵێشا بەرد، جه ژیوای وێشانە ئامێته‌و ڕۊحی و گیانیشا كەردشا و به پاو ئانەیە ژیوۍ، بیۍ نموونه‌ی به‌رجەسه‌و ڕاسیی ژەنا جە خەتەو په‌كه‌كه‌ی و پاژكینە و سه‌رجەنۊ وێشا خولقناوە. ڕه‌نجوو هامڕایاما جە وە‌رگێریكەرڎەینە جە مەیڎانوو مدرامانوو کەشوو جودینە فرە گه‌وره‌ن، ئاڎۍ یوەم گورزشا جه ئەرەگیرا دا و ڕاشا نەدا بەیا وەڵێوە. به مدرامانوو هامڕایاما ڕۊبینە و یڵدز، كه به هه‌ڵوێست و ڕۊحی گیانبازانه ورکوێنۍ سەروو ئەرەگیرا، هه‌میشه ڕاو وەرڎەمیما ڕۊشنە بۊ.
سه‌ره‌وەشیی وێما ئاڕاسته‌و گردوو گه‌لی ووڵاتپارێزنیما، به‌تایبه‌تی بنه‌یانەو هامڕایاما رۊبینۍ و یڵدزی کەرمۍ، كه جه‌نگاوه‌رۍ گیانبازۍ ئاپۊیینۍ، جارێوە تەر وەعد مدەیمۍ، كه ئا میراتوو مدرامانە تاریخییەو هامڕایاما به سه‌ركه‌وتەی تاجدار کەرمۍ.
شناسنامە‌ی هامڕاما گەشمەرڎەکاما پێسنەن:
شناسنامێ: ڕۊبین ئاڤه‌نت
نامۍ و دمانامێ: سیڎار ئه‌ڕۊڵ
یاگۍ پەیڎابییەی: وان
ئەڎا - تاتە: کیمه‌ت - ره‌شید
وەخت و شۊنەو گەشمەرڎەبییەی: ٢٥وو تەمووزوو ٢٠٢٣ / زاپ
شناسنامێ: یڵدز شاهین بۊتان
نامۍ و دمانامێ: رۊناهی قارح
یاگۍ پەیڎابییەی: کۊبانێ
ئەڎا - تاتە: زه‌رگا - بیلال
وەخت و شۊنەو گەشمەرڎەبییەی: ٢٥وو تەمووزوو ٢٠٢٣ / زاپ
س.ز
