کۊمیتەو پەشتیوانی خانەواڎەو گەشمەرڎاپەکەکەی سەرنجش وست سەروو هجوومەکا دەسەڵاڎداری ئاکەپە-مەهەپەی فاشیستی پۍ سەروو جەنازەو گەشمەرڎاو قەبرسانەکا و ئانەش وست ڕووە، کە ئا هەرمانۍ تاوانەنە دژوو مرۊڤایەتی.
جە ئەرەیاۋناو کۊمیتەکەینە ئاماژە پانەی کریان، کە جە سەرڎەموو دەسەڵاڎداری ئاکەپە-مەهەپەینە، هجومەکۍ پۍ سەروو جەنازەو گەشمەرڎاو قەبرسانەکا یاۋان بە ئاستېوە نا ئەخلاقی و نا مرۊڤانە و پی جۊرە ئامان:'' فرە ئاشکران کە ئا سیستمەی کە ئەردۊگانی فاشیست جە کورڎسانەنە ئەرەمەرزنانش، تەرسینە پۍ سەروو گرڎوو جەهانی".
جە ئەرەیاۋناکەنە ئامەن:
"بېگوومان جە سەردەم و دەسەڵاڎداری ئاکەپەو مەهەپەی فاشیستینە، ئا سیاسەتۍ یاۋېنۍ بە ئاستېوە بۍ ئەخلاقانەتەر و نا مرۊڤانەتەر. تاوانەکۍ جەنگی سەروو تاوانەکا قڕکەرڎەی زیاتەرۍ کریېنۍ. ئا کرڎەوۍ چن ئانڎەو کودەتاو فاشیستی ١٢ و ئەیلوول و ١٩٨٠ی ۋیەرنا، جە وەختوو دەسەڵاڎداری ئاکەپەی فاشیستینە گرڎما پۊرەشەرە ۋیەرمۍ و تەجرووبەش کەرمۍ. بە تایبەتی پۍ ئانەی شکس و ۋېش جە ۋەران ۋەروو کۊشیای ئازاڎیی کورڎسانینە شارۊوە، زیاتەر کۊکوشی ئەنجام مڎۊ پۍ ئانەی قەناعەتوو ئانەی سازکەرۊ کە سەرکۊتەن. پی جۊرە پۍ ئانەی جەمۍ فاشیستۍ دەوروو دەسەڵات و ۋېشەرە کۊ کەرۊوە ئەشکەنجە، چەوەسنایۊ، سۊچناو جەنازەو گەریلایا پېسە سیاسەتوو دۊڵەتی وەڵۍ وزۊ. ئا دەسەڵاڎداریە خۊتان عەقڵیەتېوە پا جۊرەنە کە تەنانەد جەنازەو سەروازەکا ۋېچش جە ۋەران ۋەروو مدرامانی تاریخی گەریلاینە جە زاپ، ئاڤاشین و مەتیناینە گیانشا جە دەسدابۍ، سۊچنۊشا. ڕا مەڎۊ خانەواڎەکېشا مەراسیم پۍ جەنازەکاشا ئەنجام بڎا و پی جۊرە حۊڵ مڎۊ گلېرگەی سەرکوت کەرۊ. دۊڵەتوو ترکی ئەرەگیری جەنازەکا مەڎۊوە دەسوو خانەواڎەکاشا، کە جە گرڎ هەلوومەرجېوەنە خۊتان کەرڎەیشا جە زارۊڵەکاشا کەرڎەن کە گەشمەرڎۍ بیېنۍ یا خوڎ جە لاو دۊڵەتوو ترکی ئەرەگیریوە تیرۊر کریېنۍ. چنڎین ساڵۍ دماتەر بەشېۋېوە فرە بۍ ئەخلاقانا ئېسقانۍ ڕۊڵەکاشا دلۍ تۊرەکەی و سنوقینە جە ڕاو پۊستەیۊ پېشا کیانۊوە. پی جۊرە بۍ شکۊیی و پەشتکەرڎەی جە بەهاکا سەروو گرڎوو گلېرگەیرە سەپنۊ. جەساڵەو ٢٠١٥ ینە جلوبەرگی سۊتەو ئەڎا تایبەتۍ کە حەفتېوە جەنازەکەش جە سلۊپی سەروو جاڎەکاوە ئاستەبېوە کناچەکېش حەزنۍ ئینانە کە چېر زەمینەکا جزیرەینە بە زینڎەیی سۊچنېبېشا، بەشېۋېوە زاڵمانە جە پاکەتېوەنە ڕادەسوو خانەواڎەکەیش کریاوە. ئا کرڎەوۍ بەرش وزۊ کە دەسەڵاڎ داری فاشیستی ئەردۊگانی- ئاکەپەی خۊتان چ هەڵۋېسېوە سادیستی، دەرونپیسی،نەوەشی دەرونین. چی ڕووا دماینە هجومەکۍ سەروو قەبرسانی و جەنازەو ئا ۋڵاد پارېزا کە تیرۊر کریېنۍ و حەرپاسە جەنازەو هەڤاڵا گەریلایما زیاڎشا کەرڎەن. ئینەیچ ئا ڕاسیە دڕندەییەو ئا نەوەشیە دەرونیەیشا نیشانە مڎۊ. جە گرڎیچ خراپتەر ئانەن کە ئینیشا گرڎ بە ئاشکراو ۋەروو چەما جەهانیۊ ئەنجام مڎۊ. حەرچنە مزانیۊ کە ئا تاوانۍ تاوانەی دژ بە مرۊڤایەتین و تاوانەو جەنگینە، بەڵام کەس واەران ۋەرش مەمرڎۊوە. جە ۋەران ۋەرو کرڎەوە نا ئینسانیەکانە دژوو کورڎا دیارا کە گرڎوو جەهانی مرۊڤایەتی ۋېشا جە ۋیر کەرڎەن و ویژدان و ۋېشا کپ کەرڎەنوو بەستەنشا.
فاشیزموو ئاکەپە-مەهەپەی نوێنەری ڕەسەنوو ئەقڵیەتوو داعشین
کوردستاننە جەنگێوە قڕکەرڎەی فرە نائەخلاقی هەن، دەوڵەتوو تورکی ئەرەگیری و دەسەڵاتداریی ئەرڎۊغان- باخچەلیی فاشیستی، کە ئامانجشانە گەلوو کوردی جینۊساید کەرا، دژوو مەبارەکییەکاو گەلوو کوردی گرد نۊعە هجوومێوە نائەخلاقی کەرا و چی ڕێوە فشۍ بە سەرکەوتەیۊ کەرا. ئندەو دەوڵەتوو تورکی، بەتایبەتییچ دەسەڵاتداریی ئەرڎۊغان- باخچەلیی فاشیستی حیچ ئەقڵیەتێوە نیا، کە فشە بە هەرمانە نائینسانییانەکاشاوە کەرا. گرد ڕوۍ زارۊڵاو کورد، عەرەب، تورکمانی و سریانیی تیرۊرۍ کەرا، ئانەیچ فاڕاوە پەی گردوو دنیۍ و ڕووەماڵش کەرا . عەفرین و سەرێکانی رەگیر کەرا و خەڵکوو مەنتێقەکەی زێدوو وێشانە ورتەکنا و ئاوارێشا کەرا، کە بە هەزاران ساڵۍ سەروو ئاگەیۊ کولتووری کۊنوو وێشا درێژە مدا پەنە، پێسە سیاسەتوو قڕکەرڎەی، کە گردوو دنیێنە پێسە تاوانی دژوو ئینسانیەتی قبووڵ کریان، بەرا ڕاوە. پێکئامای دیموگرافیی هەرێمەکەی فاڕا و کوردستانی و وەرکەوتوو دلێڕاسەی پەی چەتا و جیهداییەکا پێسە داعشی، نوسرەی و تەحریر شامی ئامادە کەرا، کە تەرسینۍ پەی سەروو گردوو دنیۍ. بە کرڎەوەکاشا بەرڎەوام با بایسوو ناسەقامگیری و ستەمی وەنەو گرد لێوە، تا یاگەکاو وێشانە بزناشاوە. تا شکسەکاشا وەراوەروو گەریلاکاو ئازادیی کوردستانیوە بشاراوە، چەکی قەدەغە بەکار مارا و دژوو مەیدانەکاو گەریلای ڕاستەوخۊ گازی کیمیایی مجا و پێسە گەرەکشانە بیاو ئەنجام. وەختۍ پێسەیچ مەیاوا ئەنجام، ئا وەختە دژوو دژوو مەبارەکییەکاو گەلا هجووم کەرا هەوڵۍ مدا کە گلێرگەی ناچار کەرا وێش بدۊ دەسۊ.
گۊشەگیریی ڕەها سەروو ڕابەر ئاپۊیۊ، ئا سیاسەتوو قڕکەرڎەینە، کە سەروو گەلوو کوردیرە سەپییان
سەرڎەسەو فاشیستا ئەرڎۊغان بە هجوومەکاش دژ بە مەبارەکییەکاو گەلوو کوردی بەڕۊشنی ئاشکراش کەرڎەن، کە ئاد نوێنەری هەقەتینوو عەقڵیەتوو داعشین. جە ویەرڎەوە تا ئارۊ، جە تارێخوو کۊشیای پەی ئازادیی کوردستانینە، دەوڵەتوو تورکی ئەرەگیری و قڕکەری دژوو گەریلاکاو ئازادیی کوردستانی، گەلی وەڵاتپارێزنوو کوردستانی، خەڵکی دیموکراتیک و شۊڕشگێڵنوو تورکیای گردوو هجوومێوە نائینسانانەش کەرڎەن. گەلاو میزۊپۊتامیایش کۊکوشۍ کەرڎێنۍ، جەنازەو سەرمەشقەکاش ئڕفانان و ڕیزوو قەنارەیش نیانرە و جەڕاو سەپنەی کۊچکەرڎەیۊ فشار و سەرکوتش بە خراپتەرین نۊع کەرڎەن، بە ئڕفانای سەرمەشقەکا نیازش بییەن خەڵکی تەرسنۊ و حەرچند سەد ساڵۍ ویەدەن، وەلۍ هەڵای جەنازەو ئڕفانییایەکاش ئاشکرا نەکەرڎەن.
ئی کۊکوشکاریۍ کە جە سەرڎەموو شێخ سەعیدی، ئاگری، دۊڵەو زیلانی و دەرسیمینە کریێنۍ، تورکیانە پێسە سیاسەتوو دەوڵەتی دەوڵەتی کریێنۍ، ئارۊیچ بە گۊشەگێریی ڕەها سەروو ڕێبەر ئاپۊیۊ، گەرەکشا سیاسەتی تارێخیی جینۊسایدی بیاونۊ ئەنجام.
سەرڎەسەو فاشیستا ئەرڎۊغان، حوومەتوو ئاکەپە-مەهەپەی دوژمنوو بەهاکاو ئینسانییەتین
وەختۍ داعش هجووم کەرۍ سەروو یاگێوە، ئەوەڵۊ یاگە مەبارەکەکاو ئاگەیە کەرۍ ئامانج. ئا سەرۍ کە بڕیێشا، ئا شۊنەوارۍ کە دلێشانە بەرڎۍ، ئا بەها ئاینییۍ کە فۊتنێشا هەڵای ئینۍ مەژگمانە. چی دمایۊ دێرەزۊرنە چەتەکۍ بە سەرکرڎایەتیی داعشی و دەوڵەتی ئەرەگیروو تورکی قەبرسانەکێشا وێرانۍ کەرڎێنۍ و قەبرسانوو زارۊلە گەشمەرڎاو گەلوو عەرەبما تاڵانشا کەرڎەن. ڕژێمی فاشیستی ئەرڎۊغان – باخچەلی جە سەرنیشتوو کوردستانینە هەمان چێو وەراوەروو جەنازەو گەریلاکا و قەبرسانەکاوە کەرۊ. ئینە نەک تەنیا سەرنیشتوو کوردستانینە کریان، بەڵکوم عەفریننە و گرۍ سپینە و سەرێکانییچنە کریان. خەرزاننە بە سەدان جەنازێشا یاگۍ وێسانە بەر ئارڎۍ و پاڵوو جادێوەنە کیلۊسنە وزیۍ چێروو خاکیوە. هەرپاسە هجوومش کەرد سەروو ئامەد، سێرت، وان و جۊلەمێرگی. حەریاگێوەنە پیرۊزیی گەلوو کوردی بۊ، هجووم کەرۊ سەرش. وەراوەروو جەنازەو گەریلاکاوە هەرمانەی دڕندانۍ چانێشە کەرڎێنە کە هامشێوەش دنیانە نییا. فرە ڕۊشن و ئاشکران، کە گردوو ئا هەرمانا پەی ڕاگێرتەینۍ جە کۊشیای ئازادیی کوردستانی و زیندەبییەی بوونی پارادایمیوو نەتەوەی دیموکراتیکی، کە ڕابەر ئاپۊ پەرەش دان پەنە و ئارۊ بییەن بە جیهانی. پەنەوازا گەلەکەما ئینەیە خاس وینۊ، گەشمەرڎێما بە مدرامانی گەورە ڕاو سەرکەوتەیشا وەشە کەرڎە، ئەرڎۊغانی فاشیست و دەوڵەتوو تورکی قڕکەری چی هێزەو گەشمەرڎاما تەرسا. پەوکای دەس جە هەرمانە دڕندانەکاشا ورمەگێرا، وەلێتەرسی جە مەرگی و ئەجەلی حیچ سوودش نییا. پێسە چەنی بە قوربانیدای گەورەو هەزاران گەشمەرڎاما دڕندەیی داعشیما ماڕا، ئەرڎۊغانی فاشیست و دەوڵەتوو تورکی قڕکەریچ جە شکسی و دلێنەشییەی نەجاتشا مەبۊ، بێگومان ئاخرۊ دۊزی ڕەواو گەلوو کوردی سەرکەوتە بۊ.
پیمانەو باسکەرڎەی بەهاو ئینسانیەتی، ئانێنە کە ئینسان، وەراوەروو جینۊسایدوو گەلوو کوردی مرڎۊوە
بێگومان ئینە تەنیا ئا وەختە دەسەبەر بۊ، کە ئینسان زیاتەر وێش ڕێک وزۊ زیاتەر دەوروو بەهایەکاشۊ کۊ بۊوە، ئا تەرسۍ ماڕمۍ کە کە فاشیزمی وەشە کەرڎێنە و پێسە بەرەو مدرامانوو گلێرگەی هەنگامە بنیەیمۍ، مامەڵە و ورسونیشتوو گەلە وەڵاتپارێزنەکەیما وەراوەروو سیاسەتوو دژبەروو شکۊمەندی، بێهامتان. حیچ گلێرگێوە ئا بێڕێزی و سووکایەتییە قبووڵ مەکەرۊ، کە وراوەروو مەرڎەکاشۊ کریۊ. ئینە پەی گەلوو کوردی گرنگیێوە زیاتەرش هەن. ئانۍ وەراوەروو ئەشکەنجەدای جەنازەو گەریلایاوە بێدەنگۍ با، جەمۍ قووجنا چانەیە کە جەمۍ گەشمەرڎەکاما بەرئامێنۍ و قەبرسانەکۍ وێرانۍ کریێنۍ، بە تەرسیش وینا مەبۊ نامۍ ئینسانی جە وێشا بنیا، مشۊم کورد بی و وەرگێریی جە بەها دیموکراتییە شۊڕشگێڵنییەکا کەری. کوردستاننە و تورکیانە مەرجی یەکەموو ئینسانبییەی و دیموکراتبییەی ئانەنە کە خەڵک دژوو کۊکوشی مرڎاوە. ئا هجوومۍ کە دەسەڵاتداری فاشیستوو ئاکەپە-مەهەپەی کەراشا، هجوومۍ سیاسەتوو بەئەنجامیاونای قڕکارییە تارێخییەکاشانۍ. ئەرەگیرکەرڎەی گردوو کوردسانی سیاسەتی بنەڕەتیی ئادیشان. گەرەکشانە گێرگەی کورد ورشاناوە ملوو یۊیرە، کە بە فکروو ڕابەر ئاپۊی کەوتەن دلۍ ژیوای ئازادیوە، باوناش ئەنجام . دژوو قەبرسانی و جەنازەو گەریلاکا هجوومۍ کەرا و کۊکوشی زیندانەکانە کەرا و چەکی کیمیایی دژوو گەریلای بەکار مارا و وەرنیشتنە، مەخموور، شەنگال و پانیشتنە بە بۍ دەسپارێزنای جە زارۊڵا و پیرا و ژەنا و پیایا کۊکوشی کەرا. پێسە حەوڵۍ مدا ئامانجەکەیشا پێکا. یانۍ زەروورا واچمۍ ئیتر وەسێن مرڎە، بوەستە، هجوومکەرڎەی سەروو گەشمەرڎەکاما و قەبرسانەکا دژوو ئینسانیەتی و کەرامەتیمانە و دژش مردمێوە. دەوڵەتوو تورکی بکوشی گرد نۊعە هجوومێوە دژوو بەهاکاما کەرا و بە ڕەواش زانا. وەراوەروو ئینەیچەنە ئێمە ماف و وەرپەرسبییەیما هەن، جە ڕاو حەر نۊعە چالاکیێوە بەهایەکاما بپارێزنمۍ، گەشمەرڎەکێما ڕای دمایینامێنە میاوا بە ئارامی. ئەر پێسەما کەرد متاومۍ بواچمۍ ویژدانما هەن، سەروو ئی بنەمۍ داوا کەرمۍ ئانیشا هاگاشا ئینسانیەتی و بەها ئینسانییەکا هەن و ویژدانشا پیس نەبیەن، وەراوەروو دڕندەیی ڕژێمی فاشیستوو ئەرڎۊغان – باخچەلی و دەوڵەتوو تورکی بکوشی مرڎاوە و واچاش پەنە مرڎە. گردوو گلێرگەی وربێزناوە سەروو پایا و وێشا بە ساعیبوو گەشمەرڎا و و بەها پیرۊزەکاما بزانا. ئێمە ماچمۍ کە بە گردوو نۊعە چالاکێێوە پارێزنای مەبارەکییەکاماوە هەنمۍ بە مەنەی و نەمەنەیماوە".
