ڕاوەبەری خۆسەری دیموکراتیکوو سەرنیشت و وەرکەوتوو سوریای بە بۆنەو ٢٠ـەمین ساڵوەگێڵوو سەرەوردای ١٢ ئاداریوە ئەرەیاوناێوە نویسیاش وەڵا کەردۆ.

ئەوەڵەکەشۆ ئانە بەروزیان کە جگە چانەی ڕژێموو سوریای هەوڵێ دێ دەدا ئاژاوێ بنیۆوە، بەڵام سەرەوردای  ١٢ ئاداری قامیشلۆوە دەسش پەنە کەرد و حەلەب، کۆبانێ، شام و هەرێمەکاو جزیرینە وەڵا بیۆ و وەربەسەکاو تەرسێ و ستەمیش ماڕێ.  

ئەرەیاونایەکەنە ئامان، سەرەوردای ١٢و ئاداری هێماو بنکەیش دا بە شۆڕشی دیموکراتیکی سوریانە و پێسە بەردەوام بی: " سەرەواردای مانای هەقەتینەو شۆڕشیش دیارییە کەردە، چا ڕێوە ئاسۆو چارەسەرکەردەی پەرسەو کورداش سوریانە و تەماموو کێشەکاو پێکئامایەکاو سەرنیشت و وەرکەوتوو سوریایش کەردێوە. ئی سەرەوردایە میراتێوە جوانی تارێخی و نامونیشانێوە گرنگا، کە کۆشیای وەراوەروو کوشتەی، چەوسنایۆ و زۆرداری کە بە دەیان ساڵێن ڕژێموو بەعسی کەرێش، ڕاڤە کەرۆ."

دلێچشنە ئانە دیاری کریان، سەرەوردای ١٢و ئادار بە پرۆژێوە تارێخیی کریا، کە "ڕاو چارەسەرێوە نیشتیمانی پەی پرسەکاو کوردا سوریانە دیارییە کەردێنە " ماچۆ: "ئا پڕۆژە باسش کەرمێ پڕۆژەو ڕاوەبەریی خۆسەرین، کە بنەڕەتوو وێش شۆڕشوو ١٩و تەمووزیوە ورگێرۆ."

بەردەوامییشنە ئامان: " گەل بە کۆشیایوە بێهاتاوە وەراوەروو ئی هۆشمەندییوە مرداوە و وەراوەروو قڕکەردەی و چەوسنایۆوە ئەنەیاوای تازەش خوڵقنا. بەبێ چارەسەکەردەی کێشەکاو کوردا سوریانە، بەبێ دداننیایپۆرەی ڕاسیی هەرێمەکاو سەرنیشت و وەرکەوتوو سوریای، هەرپاسە بە بێ دەورگێڵنای پێکئامایەکا، دیسان بەبێ ئشناسای کۆشیای پێکئامایەکا پەی ئەرەمەرزنای مۆدێلێوە دیموکراتیکی و کۆشیایشا دژوو تیرۆری و تندڕەویینە هیچ چارەسەر و ئاسایشێوە هەقەتین نمێ وەرۆ. هەرێمەکێ پەی گردوو خەڵکی بەرەو ئارامی و چارەسەریینێ. بەبێ ددانیایپۆرەی پی ڕاسییا ورسەنگنای تاریخی و ئایندەی کەلموکلۆر بۆ. ئینێ گرد بەردەوامیی کۆشیای گەلوو ئێمەن، کە هێز و ئەوەخوایکەردەیۆ وێش جە ڕەگەزەکاو سەرەوردای ١٢ی ئاداری و شۆڕشوو ١٩و تەمووزیوە ورگێرۆ."

ئەرەیاونایەکە یادوو گەشمەرداو سەرەوردای ١٢و ئاداریش کەردەنۆ و پێسە بەردەواما: " بە هێز، سووربییەی و گردوو ئیمکاناو دەسیماوە پەشتیوانی جە داواکاو گەلی کەرمێ. هەنگامە بەرەو وەشکەردەی ئامانجە دیموکراسییەکاو گەلی و ئەرەمەرزنای جڤاکی هەنگامە منیەیمێ. سەرەوردای ١٢ بنەڕەتی قەوەتەە وەشکەردەی ئی ئامانجانە و ڕزگارکەردەی هەرێمە ئەرەگیرکریایەکا و سوریاێوە دیموکراتیک و یۆگێرتەین. پی بۆنەوە ماچمێ ئا بایاننامەو چارەسەرییە کە پێشەکەشما کەردەن بنەماو چارەسەریین. بەبێ ئا بەیاننامەیە گردوو هەوڵەکاو چارەسەری پێسەو ئانەی ئاستانەنە سەرکەوتێ مەبا. دیسان کۆمیتەو دەستووری کە باسش کریۆ، بە بێ بەشداربییەی ئیرادەی سیاسی گەلوو ئێمە و پرۆژەی چارەسەری کە مسۆگەرکەردەی هەقەتینەو یۆبییەی سوریای و گەلین سەرکەوتە مەبۆ. سەروو ئی بنەمێوە  داوا وەنەو تەماموو هێزە نیشتیمانییەکاو سوریای کەرمێ، کە دۆخوو سوریای بوینا، دەوری سەرمەشقایەتی سوریانە پەشتگۆش نەوزا. ئانەیە دیاریی کەرمێ کە تەماموو ئا  باسا دەربارەو ماڕای ئیرادەو گەلیما بار مشا، دیالۆگ چارەسەروو تەماموو کێشەکان."