حەلیمە حەجییەی (٥٨) ساڵە کە ئەرەنیشتێ قامیشلۆینە، ساڵەو ١٩٩٠یوە کە ئاسنێ فەلسەفەو ڕابەروو گەلوو کوردی عەبدوڵا ئۆجالانی بۆ، ژیوای وێش بەپاو بەهایەکاو ڕابەری بونیاد نیان. بارەو ئاشنایەتییشۆ بە فکروو ڕابەری و وانایۆ سۆسیۆلۆژیاو ئازادییوە، قسێش پەی ئاژانسیما کەردێ.

حەلیمە باسوو ئاشنایەتیی وێش بە ڕێباز و ژیوای ئاپۆییوە کەرد و واتش:" گەڕەکەو قودەربەگوو قامشلۆینە بێنمێ، ڕێباز و ژیوای ئاپۆیی سەرنجەش کێشتا، بەختەو ئانەیمە نەبێ بلوونە مەیدانی ئاپۆییوە، وەلێ وەشبەختانە فرسەتوو ئانەیم بێ گۆشم دەنگیشۆ بۆ، ڕاو کاسێتێوە ئاشناو ڕابەری بیانێ، فەلسەفەکەشم ئشناسا، ئانە کە باسوو ئێمەی ژەنا کەرێ هورسەنگنایەکاشەنە فرەش پەنە کاریگەر بیانێ،پەوکای هەمیشە بەرەو یانەیما ڕووە هامڕایارە کریابێوە، ڕژێموو بەعسوو ئا وەختی فرە قەوەت بێ، زانێنمی مەنەیوە چنی تەڤگەری ئازادی کوردسانەنە ئاسان نییەن."

'فکرەکێش دلێمانە مژیوا'

بەردەوامیی قسەکاشنە حەلیمە حەجییە ئانەش دیاری کەرد، دماو ئانەیە ڕابەروو گەلوو کوردی عەبدوڵا ئۆجالان گیریا، خەڵک فرە بە قەوەتی  خاوەندارییش جە فکرەکاش کەرد و واتش:" دماو وەڵابییەیوە هەواڵوو گێرتەی ڕابەری، پاسە هەست کەرێنمێ کە دنیا یەک جار سیاوە بیێنە. بەڕاسی ڕوێوە سیاو بێ. چاوەختۆ هەمیشە فکرەکێش دلێمانە مژیوا. چا وەختۆ سەیەو مدرامانی و کۆشیای ڕابەریوە، زیاتەر خێرامای جە ڕوە ڕۆشنا مکەرمێ، ڕابەر ئینا زیندانەنە وەێ فکەرکێش مەژگمانە، ماوە ٢٠ سالا کۆشیای وەرنیشتنە  بەنهێنێ کریێ، وەلێ سەیەو مدرامانوو ڕابەریوە، ئیساتینە بەئاسوودەیی مکۆشیەیمێ،شۆڕشوو وەرنیشتی ڕاش ڕۆشنە کەردیمێوە، ڕابەر ئاسوودەییش یاونا بە دڵیما".

'ڕابەری ئامێتەو ژیوایما مکەرمێ'

ئاخروو قسەکاشنە حەلیمە حەجییە باسو کاریگەرییەکاو وانایوە سۆسیۆلۆژیاو ئازادییش سەروو ژەناوە کەرد و واتش:" کۆمۆنوو گەشمەردە بەرخودانینە پیسەو ژەنا چنی یۆترینی جەمێ بیمێوە و موانمێوە، فرە مانادارا پیسەو ژەنا جەمێ مبیمێوە و سۆسیۆلۆژیاو ژەنا مونامێوە و قسێش سەر مکەرمێ، ژەنی پەیلواو وێسا بەرموزانە و جە ڕووەو فکرییوە دۆڵەمەندێ با. ڕابەر قوەی حەرە گەورەمانە و ئامێتەو ژیوایماش مکەرمێ و ژیوای تزاە بنیاد منیەیمێ".