ئەرەیاۋناکەو ناوەنڎو ئەرەیاۋنا و چاپەمەنی هەپەگەی پی جۊرەنە:

"سەرەڕاو هجومە دژوارەکا دەوڵەتو تورکی کۆلۆنیالیستی کۆکوشکاری، ئەرەکۊشای ئازاڎیما جە سەرنیشتوو کورڎسانی بۍ مرڎای و سەرەمڕە وەردەواما. گەریلاکۍ ئازاڎیی کورڎسانی گولانەتەرین دەرفەتەکا پەی ئازاڎیی گەلەکەیما بەکارمارا مەجال مېزاوە پۍ ئانەی، قورستەرین گورزە ئەو دوژمنی بڎا. گەریلاکۍ ئازاڎیی کورڎسانی کە سڵ جە گیانبازی مەکەراوە و ئەرەکۊشا. جە دێرسیمۊ حەتا بۆتان جە تەمامو سەرنیشتوو کورڎسانینە ئېرو مدرامانی گەش کەراوە. بە مەڵامەتو هەلومەرجو جەنگیوە ۋەڵاکەرڎەیۊ زانیاری جە بارەو ئشناسنامەو هامڕاکاما کە گەشمەرڎۍ بیۍ ماۋېوە فرەش خواینا. سەرو ئا بنەمۍ ئاشکرا بی کە فەرمانڎەی قارەمانما رێزان بەرفرۆ جە ئابو ٢٠١٨ ی جە دێرسیم و هامڕێما راپەڕین دەڤریم-ە جە ٤و تەموزو ٢٠٢٢ جە مېڎانو کاتۆ ژیرکای بۆتانی و هامڕاما هێڤیدار عەگید جە ساڵەو ٢٠٢٢ جە دێرسیم گەشمەرڎۍ بیۍ.

هامڕېما رێزان، راپەڕین-ە و هێڤیدار کە بە دڵی پڕ جە ئاوات و حەزو ئازاڎییوە ڕاپیمای ئازاڎیشا جە بەرزتەرین ئاستەنە ئەنجامدا و گەشمەرڎۍ بیۍ، ئێمە گەشمەرڎەبیەو ئاڎیشا بە گەلەکەیما و رای گرڎی ئەرەیاۋنمۍ. بە تایبەتی سەرەوەشی جە خانەواڎەی بەڕێزیشا و حەرپاسە گەلی ۋڵاڎپارێزو کورڎسانی کەرمۍ.

ئشناسنامەو هامڕا گەشمەرڎەکاما پی جۊرەنە:

ناسنامۍ: رێزان بەرفرۊ

نامۍ و دمانامۍ: عومەر دوران

یاگۍ جە ئەڎابیەی: مێردین

نامۍ ئەڎۍ و نامۍ تاتەی: ئەمینە - عوسمان

وەخت و یاگۍ گەشمەرڎەبیەی: ئابو ٢٠١٨/ دێرسیم

 

ناسنامۍ: (راپەڕین دەڤرین)ە

نامۍ و دمانامۍ: کومرو چەتینکایا

یاگۍ جە ئەڎابیەی: ئێلیح

نامۍ ئەڎۍ و نامۍ تاتەی:-

وەخت و یاگۍ گەشمەرڎەبیەی: تەمووزو ٢٠٢٢/ کاتۆ ژیرکا

 

ناسنامۍ: هێڤیدار عەگید

نامۍ و دمانامۍ: محەمەد کاراهان

یاگۍ جە ئەڎابیەی: ئامەد

نامۍ ئەڎۍ و نامۍ تاتەی: سوزان- مستەفا

وەخت و یاگۍ گەشمەرڎەبیەی: ٢٠٢٢/ دێرسیم

هـ . ش