ناوەندوو ئەرەیاونای و چاپەمەنیی هێزەکاو پارێزنایی گەل (هەپەگە)ی ئەرەیواناێوەنە، زانیارییش سەروو  هجوومەکاو دەوڵەتی ئەرەگیرکەروو تورکی و ئۆپەراسیۆنەکاو گەریلای وەڵا کەردۆ. هەپەگە هۆشداریی مدۆ بە سەرجەموو ئا بەکرێگیریایا، که بەشدارییشا جە هجوومە ئەرەگیرکەرییەکانە کەردەن و داواش کەردێنە، قبووڵش نەکەرانێ هجوومە ئەرەگیرکارییەکانە به کارێ بەیا."

چی ئەرەیاونایەنە وردەکاری ئۆپەراسیۆنەکاو گەریلای و هجوومەکاو سوپای ئەرەگیرکەرەو تورکی پێسنێنە:

هەرێموو گەشمەردە دەلیلی  وەرنیشتوو زاپینە؛

ڕۆۆ ١٩و ئایاری، سەعات ٠٩:١٥، مەیدانوو مدرامانوو کەشوو جودیینە ئەرەگیرکەرێ بە چەکی قورس کریێ ئامانج، ئەنجامەنە سیستەمێوی کامێرەی چەمداری دلێنە بریا. ئی ئۆپەراسیۆنە لاو هێزەکاو یەژا ستاریماوە کریا.  

ڕۆۆ ١٩و ئایاری سەعات١٤:٣٠ ئەرەگیرکەرێ لە مەیدانوو مدرامانوو کەشوو جودیینە بە چەکی قورس کریێ ئامانج  و گورزشا وەرکەوت.

١٩و ئایاری، سەعات ١٥:٣٠ بە چەکی ئۆتۆماتیکی مامناوەند مەیدانوو مدرامانوو کەشوو جودینە ئەرەگیرکەرێ کریێ ئامانج . ئی ئۆپەراسیۆنە هێزەکاو یەژا ستاریما کەرد.

سەعات ١٢:٢٥و ١٩و ئایاری، مەیدانوو مدرامانوو کەشوو ئامێدیینە ئەرەگیرکەرێ بە چەکی قورس کریێ ئامانج و جموجووڵەکێشا مردنیێ. ئی ئۆپەراسیۆنە هێزەکاو یەژا ستاری کەردێ.

هجوومەکاو سوپای ئەرەگیرکەرەو تورکی بە چەکی قەدەغەکریا؛

 ڕوەکاو ١٨و ١٩و٢٠و ئایاریینە تونێلەکاو جەنگی و مدرامان ٢١جارێ بە گازی کیمیاوی ژەهراویی بۆردومانێ کریێ، جارێو بە فڕۆکەی بێفڕۆکەوانوو جەنگی، جارێویچ بە تەقەمەنیی قەدەغەکریا مەیدانوو مدرامانوو کەشووئێف ئێمی، هەرێموو گەشمەردە دەلیلی، وەرنیشتوو زاپینە بوردومان کریێ. بەرکەوت ئا گازە کیمیاویێ بەکارئامێنی ڕەنگەش زەردەنە.

١٨و ئایاریینە مەیدانوو مدرامانوو کەشوو ئامێدیینە تونێلەکاو جەنگینە جارێو بە چەکی کیمیاوی بۆردومانێ کریێ.

هجوومەکاو سوپای ئەرەگیرکەرەو تورکی؛

ڕوەکاو ١٨و ١٩و ئایاریینە، هەرێمەکاو سنینی، گۆشینەی، کەشوو گەشمەردە شەریفی خاکورکنە ٦جارێ، هەرێمەکاو مدرامانوو دەرگەلێ، گۆڵکا، شێلازە و بازێنە هەرێموو مەتیناینە ٥جارێ، هەرێمەکاو مدرامانوو کەشووجودی و وەهاروو گەشمەردە دەلیلینە هەرێموو وەرنیشتوو زاپینە ٣ جارێ و هەرێموو زاپی جارێو؛ بە گردیوە ١٥ جارێ فڕۆکە جەنگکەرەکا  بۆردومانێ کەردێ.

ڕۆو ١٨و ئایاری، هەرێمەکاو مدرامانوو گوڵکەی و دەرگەلێی هەرێموو مەتینای هەلیکۆپتەرە جەنگکەرەکان بۆردومانێ کەردێ.

هەپەگە هۆشداری مدۆنە بەکرێگیریایا

چی یەرە ساڵەو وەڵێنە هجوومە ئەرەگیرکەرییاو سوپاو تورکی پەی سەروو هەرێمەکاو پارێزنایی میدیای سەرکەوتو نەبییەن و وەراوەروو مدرامانی تاریخیی گەریلاکاو ئازادیی کوردستانینە شکسش ئاردەن. بەتایبەتی ئۆپەراسیۆنە شۆڕشگێڵنییەکێ و ئا ئۆپەراسیۆنە کاریگەرێ، کە گەریلاکێ دماو پایزوو ساڵەو پاریوە پەرەشا پەنە دان، گورزی قورس و ماڕەرش وەنەو سوپای ئەرەگیرکەرەو تورکی دێنە و ئەرەگیرکەرێ نەتاوانشا وەرگێرێ گەریلای بانێوە، سوپای ئەرەگیرکەرە هەوڵێ مدۆنێ پەنا پەی شێوازە نایاساییەکا ببەرۆ، هەرپاسە بە بەشداریکەردەی بەکرێگیریایا هجوومە ئەرەگیرکەرییانە  پەی سەروو پارێزنایی میدیای و  بەکارئاردەیشا خەتەو وەڵێوە بە ئامانجوو وەشکەردەی دژە سوپایێوە  ڕاو بەکرێگیریایاوە، دەوڵەتوو تورکی هەوڵێ مدۆنێ سوپاێوە جە بەکرێگیریایا هەرێمەکەنە وەش بکەرۆ. نامێ بەشێو چا بەکرێگیریایا، کە چی دماییوە ئامیێنێ هەرێمەکاو پارێزنای میدیای ڕۆنامەکانە وەڵا کریاوە، گردوو ئا بەکرێگیریایا، کە ئامیێنێ هەرێمەکاو پارێزنای مێدیای، نامەکێشا وەردەسوو ئێمەنە هەنێ. پێویسا هیچ بەکرێگیریاێوە ڕازی نەبۆ دەگێکێشنە بەرگنۆ، پێسەو سەرواز و خزمەتکاروو سوپای ئەرەگیرکەرەو تورکی یاگە  جیاجیاکانە  بەکارێ بەیا، پێویسا ڕووە نەکەرا هەرێمەکاو پارێزنایی میدیای و نمەبۆ ڕیزەکاو سوپای ئەرەگیرکەرێنە بەشداریی بکەرا، کە مبۆ بە ئامانجوو گەریلاکا. تارێخەنە هیچ کەسێو، کە بە یاواینەیوە و بە ئەنقەست چەکش دژ بە گەلەکەیش بەکارئاردەبۆ یا حەر جۆرە دەورێوەش جە ئەرەگیرکەردەی وەڵاتەکەیشنە بییەبۆ و خیانەتش کەردەبۆ، جە وەنەپەرسایوە هێزە شۆڕشگێڵنەکا ڕزگارش نەبییەن. پێویسا بزانییۆ، کە ئا بەکرێگیریێ کە دەورێوی پاسە گڵیاو مگێڵنا، بەدڵنیاییەوە ڕوێو دادگایی مکریانێ و وەنەپەرسایوەشا چەنی مکریۆ."