ناوەندوو ئەرەیاونای و چاپەمەنیی هەپەگەی ئەرەیاوناێوەنە وەڵاش کەرڎۊ، "ڕۊو٣١وو ئابوو ٢٠٢٣، وەختۍ هامڕێما شۊڕش و دەیندار مەنتێقەو  قەلقەلیی سەر بە وانینە هەرمانیوە پۊڕنێنی، بەینوو هامڕایا و سوپاو تورکی ئەرەگیرینە جەنگ بی.  سەرسەعبەکەش دوژمن هەوڵێش دۍ ئا یاگۍ، کە ھامڕێما چەنەش بێنۍ تەوقەش بدۊ، هامڕێما وەرپەرچشا داوە و جەنگێوە قورس بی، سەدان ئەرەگیرۍ زەمینۊ نەتاواشا ڕووبەڕوو و دەسەویەخە جەنگ کەرا و هجووم کەرا سەروو هامڕایاما. ئەرەگیرۍ چند سەعاتێوە بە فڕۊکەی جەنگی و هەلیکۊپتەری هجوومبەر ئا یاگێشا بۊردومانە کەرڎە، کە دووە هامڕێکێما چەنەش بێنۍ، ئەنجامنە هامڕێما شۊڕش و دەیندار گەشمەرڎۍ بیۍ.  

جە درێژەو ئەرەیاوناکەینە ئامان، "ئا ڕۊڵە ئازا، گیانباز و بەنرخۍ گەلەکەیما وەرنیشت و وەرکەوتنە، گردوو ژیوای و گیانوو وێشا پەی دۊزی ئازادوو گەلەکەیما نیارە، دلۍ کۊشیای ئازادینە بۍ دووەدڵی ڕاپیمایشا کەرد. مدرامانی گەریلاییشا سەرنیشتنە گەشتەر کەرد و بەشداریێوە گرنگشا کەرد. گرد جەنگ و هەلومەرجێوە دژوارنە وێشا گێرت و گژیۍ، هەرمانێوە پەی یوە تەرۍ سەنگەرێوە پەی یۊ تەری، بە وەشەسیای و جۊشوخرۊشۊ خەباتشا کەرد، هەرمانەکێشا گرد سەرکەوتانە کەرڎۍ، بیۍ بە جەنگاوەرێوە گیانبازی ئاپۊیی، کە دەوری سەرمەشقانەو پارتەکەیما پەکەکەی و دەوری سەرڎەمییانەشا گێڵنا. وەختۍ پەی دماجاری ڕووبەڕووۍ دوژمنی بیێوە، ئازایانە وێگێری و جەنگشا کەرد. وەرانوەروو دوژمنینە سەرەشا نەکۊمنارە و بە زوانێوە کە ئەرەگیرۍ بیاواشنە، جوابشا دێوە، بۍ دووەدڵی لوۍ پێوای گەشمەرڎەبیەیۊ.

ھەپەگە ھەرپاسە پەرسە و سەرەوەشیی وێش ئاڕاستەو بنەیانەو هامڕایاما شۊڕشی و دەینداری و گەلی وەڵاتپارێزنوو کوردستانی کەرۊ و ئەوەخوایش کەرۊوە "یادەوەری و گیانبازیی ھامڕایاما حەرگیز هۊش مەشۊوە".

زانیاری سەروو شناسنامەو ئا دووە گەریلا گەشمەرڎاوە پێسنەن:

شناسنامێ: شۊڕش بەرخۊدان

نامۍ و دمانامێ: نەبی ئەحمەد

یاگۍ پەیدابییەی: عەفرین

نامۍ ئەدێ- تاتەی: سوڵتان - محەمەد

وەخت و شۊنەو گەشمەرڎەبییەی: ٣١وو ئابوو ٢٠٢٣ / وان

*

شناسنامێ: دەیندار خالید

نامۍ و دمانامێ: ئیسماعیل شوجاع

یاگۍ پەیدابییەی: کۊتول

نامۍ ئەدۍ - تاتەی: باجی - نادر

وەخت و شۊنەو گەشمەرڎەبییەی: ٣١وو ئابوو ٢٠٢٣ / وان

س.ز