هەپەگە شناسنامەو گەریلێوە گەشمەرڎێش ئاشکرا کەرد
هەپەگە شناسنامەو گەریلێوەش ئاشکرا کەرد، کە ئامەدنە گەشمەرڎۍ بییە و واتش، "دژوو سوپاو تورکی ئەرەگیری قڕکەری، تا دما هەناسەش بە یارای و ئازایەتیێوە فرە و بە ڕۊحێوە گیانبازانەوە گژیا و گەشمەرڎۍ بییە".
ناوەندوو ئەرەیاونای و چاپەمەنیی هەپەگەی ئەرەیاوناێوەنە، شناسنامەو گەریلێوەش وەڵا کەرڎۊ، کە مانگەو حوزەیرانوو ئێساڵی ئامەدنە گەشمەرڎۍ بییە.
ئەرەیاوناکەینە ئامان:
"چا ئەرەیاونایەو ڕۊو ١٠و حوزەیرانوو ٢٠٢٣ێنە وەڵاما کەرڎۊ، ئەرەیاوناما هامڕێما زین ئامەد و مەعسوم هەرەکۊلە، ڕۊو ٣ۍ حوزەیرانوو ٢٠٢٣ مەنتێقەو لجێی ئامەدینە جە ماڵاییۊیرێوەنە دژوو سوپاو تورکی ئەرەگیری گەشمەرڎۍ بیۍ و ئەگەر شناسنامەو هامڕای یەرەمێما، کە گەشمەرڎۍ بیێنە دەس کەوت و ڕۊشن بییۊ، پەی ڕای گردینی و گەلی وەڵاتپارێزنیما ئەرەیاونمێش. ئیساتۍ پەیما یەکلایی بییەنۊ هامڕێما ئاڵا مونزور دەمانە بە ڕۊحی گیانبازی، یارای و ئازایەتیێوە فرەوە دژوو سوپاو تورکی گژیێنە و گەشمەرڎۍ بیێنە.
سەرەوەشیی وێما ئاراستەو بنەیانەی بەنرخوو ھامڕێما ئاڵا، جەنگاوەرەی گیانبازەی ئاپۊییە، گەلی فیداکاروو کۊبانۍ و گردوو گەلی وڵاتپارێزنوو کوردستانی کەرمۍ. ڕاو گەشمەرڎەکاما وەرمەیەیمۍ، ئامانجەکاشا مارمۍ دی و وەعد ئەوەخوای کەرمێوە، کە یادشا چەنی ڕابەرایەتیی ئازادی و کوردستانی ئازادی بەزیندەیی مازمێوە.
شناسنامەو ھامڕا گەشمەرڎەکێما ئینەن:
شناسنامێ: ئاڵا مونزور دەمانە
نامۍ و دمانامێ: دڵیشان شێخۊ
یاگۍ پەیدابییەی: کۊبانێ
نامۍ ئەدۍ و تاتەی: عادیلە - ساڵح
وەخت و شۊنەو گەشمەرڎەبییەی: ٠٣.٠٦.٢٠٢٣ / ئامەد
س.ز
