هەپەگە: ئاڎۍ سەلەمناشا کە جەنگاوەرۍ ئاپۊیۍ نموونەێنێ
هەپەگە ٥ گەریلۍ گەشمەرڎێش بە ڕیزۊ یاڎۍ کەرڎێوە و ئەرەیاوناش:"هامڕۍ گیانبازەکێما کە گەشمەرڎۍ بیۍ، بە ژیوای و کۊشیای وێشا سەلەمناشا کە ئاڎۍ جەنگاوەرۍ ئاپۊیی نموونەیینێ".
ناوەندوو ئەرەیاونای و چاپەمەنیی هەپەگەی سەبارەت بە ٥ گەریلایا، کە جە هەرێمەکاو پارێزنای مێدیاینە گەشمەرڎۍ بیۍ، ئی زانیاریێشە وەڵا کەرڎێوە:
"دەوڵەتوو تورکی ئەرەگیری ماوەو سەڎ ساڵان دژوو گەلەکەیما هجوومی کۊکوشی کەرۊ چنڎین کۊکوشیێش کەرڎێنۍ، جە ساڵەو ٢٠٢٢ ینە جە زاپ و مەنتێقەکای تەرووهەرێمەکاو پارێزنای میدیاینە، ئۊپراسیۊنی وەرفراوانی ئەرەگیرییش کەرد. ئەرەگیرۍ هەوڵێشا دۍ هجوومەکاو وەرنیشتوو زاپیچ درێژە پەنە بدا، وەلۍ ڕووبەڕووۍ ئیرادەی گیانبازیی ئاپۊیی بیێوە. ئەرەگیرۍ چنڎین هەوڵێشا دۍ کە جە تاریخوو ئەرەگیرییشانە قووڵتەرین هجوومۍ کەرا و بیاوا بە ئەنجام. وەلۍ جە وەرانوەرشانە جە مەیڎانوو مدرامانوو کەشوو جوودینە هامڕێما تەڤار، ئەیلەم و ڕێنجبەر بە ویر، بڕوا و ئازایەتیی گەورەوە گژیۍ و گەشمەرڎۍ بیۍ. ئا هامڕێما بیۍ بە جەنگاوەرۍ ورچنیۍ پەکەی و پاژکی. جەنگاوەرە ئازایەکاو وەرنیشتی ڕەشید و هێرش وەروو ئانەی تاکتیکە دۊڵەمەندەکاو گەریلایەتیی سەرڎەمی تازەی جابەجا کەرا و گورزی قورس بڎا دوژمنی، ڕەنجی گەورەشا کێشت. هامڕێما ڕەشید و هێرش وەروو ئانەی پەنەوازیی ڕەفێقەکاشا جە مەیڎانەکاو جەنگی و بیناسازی مدرامانی بەقووەت کەرا، بە هجووموو دوژمنی ئەرەگیری گەشمەرڎۍ بیۍ. بە ژیوای و پاگێرتەیرەی وێشا سەروو کۊشیای بیۍ بە جەنگاوەرۍ نموونەیۍ ئاپۊیۍ.
سەرەوەشی جە بنەیانەی بەڕێزوو هامڕایاما تەڤار، ئەیلەم، ڕێنجبەر، ڕەشید و هێرشی کەرمۍ، هەرپاسە سەرەوەشی جە گردوو گەلی وەڵاتپارێزنوو کوردسانی کەرمۍ.
ئشناسنامەو هامڕایاما کە گەشمەرڎۍ بیێنۍ پێسنەن:
ئشناسنامێ: تەڤار دەلال
نامۍ و دمانامێ: مزگین ئۊزەر
یاگۍ پەیڎابییەی: وان
نامۍ ئەڎێ- تاتەی: موسڵیحە- محەمەد ئەمین
وەخت و شۊنەو گەشمەرڎەبییەی: ئایاروو ٢٠٢٢/ هەرێمەکاو پارێزنای مێدیای
ئشناسنامێ: ئەیلەم هێڤی
نامۍ و دمانامێ: ئەڎا ئەرئۊغڵو
یاگۍ پەیڎابییەی: سەمسور
نامۍ ئەڎێ- تاتەی: نایلە- محەمەد
وەخت و شۊنەو گەشمەرڎەبییەی: ئایاروو ٢٠٢٢/ هەرێمەکاو پاریزنای مێدیای
ئشناسنامێ: ڕێنجبەر مەتین
نامۍ و دمانامێ: ڕەشید کران
یاگۍ پەیڎابییەی: مێردین
نامۍ ئەڎێ- تاتەی: هەزبیە- خەلیل
وەخت و شۊنەو گەشمەرڎەبییەی: ئایاروو ٢٠٢٢/ هەرێمەکاو پارێزنای میدیای
ئشناسنامێ: رەشید ئارین
نامۍ و دمانامێ: ئەحمەد عەدنان
یاگۍ پەیڎابییەی: حەسەکە
نامۍ ئەڎێ- تاتەی: بەدریە- عەدنان
وەخت و شۊنەو گەشمەرڎەبییەی: ئایاروو ٢٠٢٢/ هەرێمەکاو پارێزنای میدیای
ئشناسنامێ: هێرش ئاڤەنت
نامۍ و دمانامێ: بەسام محەمەد
یاگۍ پەیڎابییەی: قامیشلۊ
نامۍ ئەڎێ- تاتەی: نەسریبە- محەمەد
وەخت و شۊنەو گەشمەرڎەبییەی: ئایاروو ٢٠٢٢/ هەرێمەکاو پارێزنای میدیای
س.ز
