ناوەنڎو ئەرەیاۋنای و چاپەمەنی هەپەگەی ئامارەو جەنگو مانگەو ئابیش ئاشکرا کەرڎە. ئەرەیاۋناکەی پی جۆرەنە:

"گەریلاکاو ئازاڎیی کورڎەسانی کە سەرو رێبازو فەرماندە عەگید (مەعسوم کۆرکماز)ی هەنگامە منیا، ٤٠ەمین ساڵەو ئەرەکۊشای ئەفسانەیی ۋێشا پەڕکەرڎۆ و پاشا وست ساڵەو ٤١ەمینو ئەرەکۊشایۆ. ٤٠ ساڵۍ بێ مردای ۋەرگیری ڕەواشا جە گەلوو کورڎی کەرڎەن، ئەرەکۊشای ئازاڎیی چەکڎاریشا ڕاوەبەر کەرڎ، جە دژوو گرڎ هرووژمۍ، کۆنسێپتۍ پاکتاوی و پلانەکا قڕکەرڎەی سەرو پەیاوە پێ مەنێنۍ، هیواو سەرکۊتەی گەلە چێردەسەکەیماشا بەزیڼەیی راگېرت، کە هەر ئانە بەتەنیا ۋێش سەرکۆتەیا. گەریلاکاو ئازاڎیی کورڎەسانی کە جە مڎرامانوو گەلوو کورڎیۆ فێرۍ دەرزی بیۍ، بە پاو هەلومەرجو سەردەمی ۋێش فاڕا، جە پاڕادایم و ئایدۆلۆژیاو ئاپۆیینە ۋێش قووڵکەرڎۆ، جە تاکتیکەنە ۋێش شارەزاکەرڎ و جە گەریلایەتینە بی بە پسپۆڕ، ئیتر نەک هەرپەی گەلوو کورڎی، پەی گرڎوو گەلا چێردەسەی فاڕیا پەی سەرچەمەو ئیسفاڎە چنە کەردەی.

گەریلاکاو ئازاڎیی کورڎەسانی ساڵەو ٤١ەمینو جەژنەو ژیۋایۆی، بە شێوێوە شکۆمەنڎانە خێرامایشا جە هەڵمەتەی تاریخیەو ١٥و ئابی کەرڎە ، جە سەرنیشتوو کورڎەسانی و هەرێمەکاو پارێزنای مەدیاینە بە شێوێوە سەرەمڕە ۋێڕاگریشا کەرڎ. مڎرامانی ئەفسانەیی فەرماندە گیانبازە نەمرەکاما بەروار دێرسیمە- سەیران چۆماکە جە کەشو ئاگری، نیشانەو دۆسی و دژمنیشدا کە راسی و حەقیقەتو عەگیدبیەی، بێریتانبیەی و زیلانبیەی ژەنا کورڎی ئازاڎی حەجگیز شکس نمارۆ. مڎرامانی قارەمانانەو هەمڕایاما ئەیلەم ستێرک- مریەم ئۆنور، سۆزدار ئەڤین- بەتول ئایدن و ئامانج دەڤریم – هاجەر تەکینی جە ئەلکێ و کاتۆ مارینۆسەنە هەمان راسیش جە مېڎانە جیاجیاکانە وست ڕووە. ئا هەمڕێما کە جە مانگەو ئابینە گەشمەرڎۍ بیۍ، سەرمەشقی و قارەمانیەتی ژەنا کورڎیی ئازاڎیشا جە کەسایەتی یەژاستارینە بە گرڎو جیهانی نیشانە دا، رۆحو ئازاڎیشا بە گەلەکەیما و ژەنا بەخشا. هەمڕێما ئالان مەلازگر، ئۆرهان جیهاد بینگۆل، رۆسیدا مێردین، سارا تۆڵهەڵدان، سەما جویا چەولیک، تیژدا ژیان و هەمڕایا تەریما کە جە کاتی جیاجیانە گەشمەرڎۍ بیۍ، بەڵام جە مانگەو ئابینە گەشمەرڎەبیەیشا ئەرەیاۋییا، بیۍ بە نمونەو دیارو فەرماندەیی گەریلای عەگیدبیەی و پا جۆرە نامۍ ۋێشا جە تاریخو ئەرەکۊشایمانە نویستۆ. ئێمە هەمڕێما کە سەرو رێبازو فەرماندە عەگیدی هەنگامەشا نیا، بە قارەمانی جەنگشا کەرڎ و گەشمەرڎۍ بیۍ بە رێز و پنەزانایۆ یاڎۍ مکەرمێوە و ئەرەیاۋنمێش کە ئێمە شۊنکۆتۍ گەشمەرڎا بیمۍ و جارێووتەر قەول مڎەیمۍ کە مەرامو ئاڎیشا بە دڵنیاییوە مېیاۋنمۍ بە سەرکۊتەی.

سوپاو تورکی ئەرەگیری سەرەڕاو بۆردومان و ئۆپراسیۆنی جە ڕادە بەدەری جە سەرنیشتوو کورڎەسانی، هەرپاسە ٩٠ کەرەتۍ هەرێمەکۍ پارێزنای مەدیایش بە تەقەمەنی قەڎەغە بۆردومان کەرڎۍ و تاوانەو جەنگیش ئەنجامدا. هێزەکێما هرووژمەکۍ سوپاو تورکی ئەرەگیری کە پەشتقایمێنۍ بە تەکنەلۆجیای، ماڕۍ، رۆحی فیدایی ئاپۆیشا بەرزکەرڎۆ، جە تاکتیک، چالاکی و رێبازەکا گەریلاینە ۋێشا قووڵکەرڎۆ، پا جۆرە جوابشا داوە و چڼین چالاکیێشا کەرڎۍ.

گەریلاکاو ئازاڎیی کورڎەسانی مانگەو ئابی پێرفۆرمانس و ئەدێوە گرنگو جەنگیشا نیشانەدا، جە ئاسمان و زەمینۆ چالاکی کاریگەرشا ئەنجامدا و گورزەی قورسەشا جە سوپاو ئەرەگیری شانا. جە ماوەو مانگەو ئابینە یەکینەکۍ گەشمەرڎە دۆغان زناری و گەشمەرڎە ئاخین موشۍ ١٩ چالاکیۍ ئاسمانیێشا کەرڎۍ. هەرپاسە بە فرەو ڕا و رێبازی گەریلا ١٣٣ چالاکیۍ زەمینیێش کەرڎۍ. بە گرڎی ١٥٢  چالاکیێشا کەرڎۍ. میدیاو جەنگی تایبەتی و سوپاو تورکی ئەرەگیری زەرەرەکێش چا چالاکیانە شارتێوە، ئینەیچ جە کاتێنە کە چالاکیەکێ جە لایەنو هێزەکاماوە بە بەڵگە و دیمەن نیشانە دریێنۍ، جە ئاکامو چالاکیە ئاسمانی و زەمینیەکا هێزەکامانە بە گرڎی ٥٦ ئەرەگیرۍ سزادریێنۍ کە ٣ چانیشا پلەدارۍ بێنۍ و ٤٣ ئەرەگیرێچ زامڎارۍ بیێنۍ.

ئامارەو مانگەو ئابی پی جۆرەنە:

هرووژمەکۍ سوپاو دۆڵەتو تورکی:

هرووژم بە فڕۆکەی جەنگی: ٣٥٠

هرووژم بە هەلیکۆپتەر: ٣٣

هرووژم بە تەقەمەنی قەڎەغەکریا: ٩٠

ژمارەو گەشمەرڎەکاما:

ژمارەو ئا هەمڕایاما کە گەشمەرڎۍ بیۍ: ٤

چالاکییەکاو گەریلای:

چالاکییە ئاسمانیەکۍ: ١٩

چالاکی زەمینی: ١٣٣

کۆو چالاکییەکا: ١٥٢

کوشیایا دژمنی

ئا سەروازە ئەرەگیرۍ کە سزادریێنۍ: ٥٣

ژمارەو ئا پلەدارا کە سزادریێنۍ: ٣

ژمارەو ئا ئەرەگیرا کە زامڎارۍ بیێنۍ: ٤٣

ئا کەلوپەل و کەرەسە سەروازیۍ کە دلێنە بریێنۍ؛

ترۆمبێلی سەروازی: ١

جبەخانە: ١

درۆن: ٤

کامێرەی چەمڎاری حەراری: ١٩

مۆڵگە: ٥

خێمۍ: ٨

پرۆژێکتۆر: ٥

فۆتۆکاپان: ١

ئا کەرەسە و کەلوپەلە سەروازیۍ کە گورزەشا ۋنە شنیێنە:

ترۆمبێلی سەروازی زرێپۆش: ٣

حەفارە: ٤

سیستەمو ۋەرگیری ئاسمانی: ١

کۆنتینەر: ١

خێمۍ: ٤

کامێرەی چەمڎاری حەراری: ١

جیهازو ئەڵغام دیەیۆ: ١

مۆڵگە: ١٨

ئا کەلوپەلۍ دەسشا سەرەرە گیریان:

تەقەمەنی: ١

درۆنی بۆمبڕێژکریا: ١".