هەپەگە ئامارەو جەنگەکا مانگەو ئابیش ئاشکرا کەرڎە. جە ٣٢٣ چالاکیېنە جەلایەنوو گەریلاکاوە ١٣٤ ئەرەگیرۍ سزادریېنۍ، ژمارېوە فرە کەرەسۍ سەروازیۍ دلېنەبریېنۍ یاخوڎ گورزەشا ۋنەدریېنە. حەرپاسە ١٠ گەریلېچ گەشمەرڎۍ بیېنۍ.
ناوەنڎوو ئەرەیاۋنا و چاپەمەنی هەپەگەی جە ئەرەیاۋنېوەنە ئاماژەش پانەی کەرڎ، "جە مانگەو ئابینە کە ئێمە ساڵیاڎوو هەڵمەتەو ١٥و ئابیما بە شێۋېوە شکۆمەنڎانە مبارەک کەرڎ و پایۍ وزمۍ ٤٠ەمین ساڵەو کۊشیایماوە، هجومەکۍ دەوڵەتوو تورکی ئەرەگیری بە مەبەسوو ئەرەگیری و ئەسڕیەیۊ بۍ مرڎای وەردەوامۍ بېنۍ. دژ بە دەوڵەتوو تورکی ئەرەگیری سەڎېوەن بە ئەقڵیەتی فاشیستی جە دژوو گەلوو کورڎی سیاسەتوو نکوڵی و ئەسڕیەیۊ وەردەواما، گەریلاکۍ ئازاڎیی کورڎسانی ۋاتشا 'مرڎە' و جەنگی شۆڕشگێڵنی گەلی ٤٠ ساڵېن وەردەواما. دەوڵەتوو تورکیچ ٤٠ ساڵېن هەمان چۍ و واوەی کەرۊوە و بانگەشە کەرۊ کە دمایی بە گەریلاکا کورڎسانی مارۊ و میاۋۊ بە ئامانجەکاش. گەریلاکۍ ئازاڎیی کورڎسانی کە پېسە چن یەکینېوە سەروازی دەسشا پنەکەرڎ، بیۍ بە هێز و راسی، کە نەک حەر جە سەر سنوورەکا سەرنیشتوو کورڎسانی و تورکیای، جە تەماموو کورڎسانی و وەرکەوتوو میامینی خۊتان کاریگەریۍ یەکلاکەرەوەنۍ و ئیلهامبەخشۍ گرڎوو گەلا جەهانینۍ. ئا هێزە کە نە دەوڵەتوو تورکی و نە هێزە هەژموونوازە میان نەتەوەییەکۍ ٤٠ ساڵېن نەتاوانشا دلېشانە بەرا، بە تەجروبەی ٤٠ ساڵەو کۊشیای ئازاڎیی رەوا و سەروو حەقی داستانی قارەمانی جە ئاستی گیانبازینە، سەرکۊتەی گۊرە خوڵقنا و رووەو سەرفرازی ملا. پا گیری گەریلاکا ئازاڎیی کورڎسانی جە گرڎ وەختۍ زیاتەرە".
گەریلاکۍ ئازاڎیی کورڎسانی سەلەمناشا کە مەبەزیا و شکس نمارا
هەپەگە جە ئەرەیاوناکەینە سەرنجش وست سەروو ئی خاڵا:"گەریلاکۍ ئازاڎیی کورڎسانی کە بە تەجرووبەو کۊشیای ٤٠ ساڵە ۋېشا رێکوستەن، جە ئاست و فۆرمی گەریلایی سەڎەو ٢١ینە، ئاستی گەریلایشا وەڵۍ وستەن. ئا قۆناغە تازۍ کە پېسە گەریلایی هامچەرخی یاخوڎ گەریلایی مۆدێرنیتەی دیموکراتیکی مشناسیۊ، یاۋان بە ئاستی جموجوڵی، چالاکی و شێوازوو یاگەگیربیەی کە جە تواناشانە تەکنەلۆجیای جەنگی نەتەوە-دەوڵەتەکا مۆدێرنیتەی سەرمایەداری پوچ کەرۊوە و تاکتیکی تازەی گەریلایی بارۊ ئاراوە. جە هەمان وەختەنە تاوانش ئا چېوا بە زیرەکیۍ گۊرۊ جە مېڎانوو جەنگینە جابەجۍ کەرۊ و سەلمنانش کە مەبەزی و شکس نمارۊ. جە قۆناغوو جەژنەو ژیۋایۊینە هێزەکېما پێرفۆرمانسێوە کە بە چالاکیەکاشا وستشا ڕووە، ئا مژارېشا بە ئاشکرا نیشانە دۍ، کە متاۋا گەریلایی سەردەمی بە سەرکەوتەیی بە ئەنجام بیاۋنۊ. گەریلاکۍ ئازاڎیی کورڎسانی سەروو بنەماو قووڵکەرڎەیۊ، پەرەپنەدای پا نەریت و تەجروبەیە بە هەنگامەی بەقوەتە ڕووەو سەرکۊتەی هەنگامە منیا و ڕابڕا، حەرپاسە نیشانەش مڎا کە بە گېرتەی وەروو خەتەو گەشمەرڎا، پەیوەسېنۍ بە نەریتوو گەشمەرڎاوە.
گەریلاکۍ سەرنیشتی گۊرەتەرین تەرسی دەوڵەتوو تورکینۍ
هجومو و ئۆپراسیۆنەکۍ دەوڵەتوو تورکی ئەرەگیری بە تایبەتی جە سەرنیشتوو کورڎسانی جە مانگەو ئابینە وەردەوام بۍ. جە سەرنیشتو و بە تایبەتی جە خەرزان، دێرسیم، سەرحەد، مێردین، بۆتان و ئامەڎ ژمارېوە فرە ئۆپراسیۆنۍ ئەنجامدریۍ. فرەیی ئا ئۆپراسیۆنا بێ ئەنجامۍ بېنۍ، دەوڵەتوو تورکی دیسان زەرەرە گیانیەکۍ ۋېش کە جە ئاکاموو چالاکی گەریلاکا جە سەرنیشتوو کورڎسانی وەرش گنۊ، شارۊوە، تەنیا دڎانش پانەیرە نیا کە سەروازېوەشا جە هەرێموو گلیداغی سەرحەدینە بە سابۆتاژ کوشیان. پېسە جە مدرامانوو هامڕایاما ئاردەمی و بێریتانېنە جە خەزرانەنە ۋینیا، هێزەکېما جە سەرنیشت بە رۆحی گیانبازی ئاپۆیی وەرپەرچوو هجومەکا دوژمنیشا داوە، داستانی ۋېڕاگری تاریخیشا نۋیستەنۊ و گورزەی قورسەشا جە دوژمنی شانان. کۊشیای گەریلای جە سەرنیشتوو کورڎسانی بە هۆشمەنڎی گۊرەی خۊتانکەرڎەی، پاگیری، حۊڵدای، رەنج، ئیراڎە و ویستێوە بێهامتا ملۊڕاوە. ئا هەڵوێسەو گەریلایەتی سەرنیشتی، ٤٠ ساڵېن گۊرەتەرین تەرسینە پۍ دەوڵەتوو تورکی قڕکەری و کۆلۆنیالیستین و ئا تەرسۍ ئەرەگیرا وەردەوامەنە.
بۊمبۋاران، بۆمبی قەڎەغە و هجومەکۍ پۍ سەروو گەلی
دەوڵەتوو تورکی قڕکەری بە ئۆپراسیۆنی ۋەرفراوان هجومەکۍ ۋېش پۍ سەروو سەرنیشتوو کورڎسانی درێژە پنەمۊ، جە هەمان وەختەنە هەرێمەکۍ پارېزنای مەدیایچ جە ئاسمان و زەمینۊ بێ مرڎای بۊمبۋاران کریا. هەرێمەکۍ پارېزنای مەدیای جە مانگەو ئابینە ١١٣ جارۍ بە فڕۆکەی جەنگی، ٤٠ جارۍ بە کۆپتەری هجومی، بە سەڎان جارۍ بە کاتیوشا، تانک و چەکی قورس بۊمبۋاران کریۍ. جارێوە بە بۆمبی ئەتۆمی تاکتیکی و دووۍ جارېچ بە تەقەمەنی قەڎەغە هجوم کریان سەروو سەنگەرەکاما جە مېڎانەکا مدرامانینە. حەرپاسە بە ئەنقەس یاگۍ ئەرەنیشتەی گەلەکەیما جە پانیشت جە ئاسمان و زەمینۊ بۊمبۋاران کریا و بە مەڵامەتشۊ جە گەلەکەما گەشمەرڎۍ با. حکومەتوو هەرێموو کوردسانی و خەتەو خیانەتی جە وەران وەروو ئا هجومانە بێدەنگۍ بیۍ و حیچ جۆرە کاروەدایېشا نەبۍ، جە هەمان وەختەنە بیۍ بە هامبەشوو تاوانە جەنگیە دژە مرۆڤایەتیەکا. وەختۍ خەڵکی مەڎەنی گەلەکەیما گەشمەرڎۍ کریۍ، ئاڎۍ حەجگیز دەنگشا هۊرنەبڕیەن
٣٢٣ ۍ چالاکیۍ، ١٣٤ ئەرەگیرۍ سزادریۍ
هێزەکېما جە مانگەو ئابینە؛ ٣٢٣ چالاکیېشا کەرڎېنۍ. جە ئاکاموو چالاکییەکانە ١٣٤ ئەرەگیرۍ سزادریېنۍ و ٢٣ ئەرەگیرېچ زامڎارۍ بیېنۍ. حەرپاسە بڕێوە فرە کەرسۍ و کەلوپەلی سەروازیۍ دلېنەبریېنۍ، دەسشا سەرەرە گیریان، یاخود گورزەشا ۋنەشنیېنە.
١٠ گەریلۍ گەشمەرڎۍ بیېنۍ
جە مانگەو ئابینە ١٠ هامڕېما کە بە گیان، بیر و بڕواو ١٥و ئابیۊ جەنگشا کەرڎ، گەشمەرڎۍ بیۍ. جە سەرنیشتوو کورڎسانی فەرماندە و جەنگەوانۍ سەرمەشقۍ و فیدایی "ئاردەم ئارارات (سوڵتان ئۆروچ)، گوڵبەهار مەرجان (شەکریناز کاپلان)، ئەیلەم مونزور (ئەمینە کاپلان)، دیجلە ئەیلەم (لەیلا گولجو) و بێریتان سیسەر (غوربەت کایماز) گەسمەرڎۍ بیۍ. جە هەرێمەکا پارېزنای مەدیایچەنە؛ هامڕېما رێزان بۆتان (رێزان گونگەن)ە، باوەر بۆتان (بەکر کینا)، چیا ئاگری ( ئیسماعیل پور مەحمود)، مەسکەن نسێبین (زەینەب کایا) و کاوە چەکدار (ئیبراهیم دەمیر) گەسمەرڎۍ بیۍ". هامڕېکېما جە خەرزانۊ تا مێردین، جە ئامەڎۊ تا زاپ و مەتینا بە قەرارداری، گیانی فیدایی و متمانېوە حېقمۊ جەنگشا کەرڎ، سەروو رێبازوو فەرماندەی نەمریما عەگید (مەعسوم کۆرکماز)ی هەنگامەشا نیا و گەشمەرڎۍ بیۍ.
ئامارەکۍ جەنگی جە مانگەو ئابینە پی جۆرەنە:
هجومەکۍ بە فرۆکەی جەنگی: ١١٣
هجومەکۍ بە کۆپتەری هجومی: ٤٠
هجومەکۍ بە تەقەمەنی قەڎەغە: ٢
هجومەکۍ بە بۆمبی ئەتۆمی تاکتیکی: ١
***
ژمارەو ئا هامڕایاما کە گەشمەرڎۍ بیۍ: ١٠
***
کۆی گرڎی چالاکییەکا هێزەکاما: ٣٢٣
ئۆپراسیۆنی شۆڕشگێڵنی: ١
چالاکی دزەکەرڎەی پۍ دلۍ: ٣
چالاکی هەماهەنگی گەریلایی: ٨
چالاکی سابۆتاژ: ١١
چالاکی نیشانەماڕۍ: ٦٥
چالاکی جەنگی و دایۋنەی: ٨١
چالاکی بە چەکی قورس: ١٥٤
***
ژمارەو ئا ئەرەگیرا سزادریېنۍ: ١٣٤
ژمارەو ئا ئەرەگیرا زامڎارۍ بیېنۍ: ٢٣
***
ئا ئامێر و کەلوپەلۍ دلېنەبریېنۍ:
فڕۆکەی بێفڕۆکەوان: ١
نارنجۆکشانەر: ١
سیستمی کامێرای حەراری: ٧
تەقەمەنی قەڎەغە: ١
سەنگەر: ١
ئامێرۍ شاراوۍ ۋێنەگېرتەی (فۆتۆکاپ): ١
خێمۍ: ٣
***
ئا ئامێر و کەلوپەلۍ دەسشا سەرەرە گیریان:
کامێرە: ١
***
ئا کەرسە و کەلوپەلۍ گورزەشا ۋنە دریېنە:
هەلیکۆپتەری سکۆرسکی: ١
حەفارە: ٨
سەنگەر: ٩٧
هـ . ش
