ناوەندو ئەرەیاۋنای و چاپەمەنی هەپەگەی پێوەس بە گەشمەرڎا ئامەدیۆ ئەرەیاۋنێوەش وەڵاکەرڎۆ.

ئەرەیاۋناکەی پی جۆرەنە:

"هەمڕایاما ڕۆدی باز، چیاگەر باتمان و چیاگەر پاسور جە ١٣و سیاوکام (شوبات)و ٢٠٢٠ ینە جە ئەیالەتو ئامەدینە لە سەرداو سڵەوەو فەسڵو زمسانینە جە ئاکامو پیلانگێڵنیێوەنە گەشمەرڎۍ بیۍ. بە ڕێز و پنەزانایۆ هەمڕایا فیدایۍ و قارەمانێما یاڎ مکەرمێوە.

هەمڕا ڕۆدی و هەردووە هەمڕاکەش بە هۆشمەڼیێوە قوڵو ئەرەکۆشای و هەستی بەرزی وڵاتپارێزنی گەلوو ئامەدی و ئێلحی گۆرۍ بیۍ. هەمڕێکێما کە بە هەست و هزری هەرە پاکۆ گۆرۍ بیۍ، جە ۋەرا ۋەرو ئازادی گەلەکەیمانە بێ هەڵوێس نەمەنێوە، هەستشا بە هرووژمو سەرو گەلەکەیما کەرڎ و بە عەشقێوە گۆرۆ بەشدارۍ ئەرەکۊشای ئازادی بێنۍ. هەمڕاکێما کە بەشداریشا جە جەنگی سەختو کەشەکا سەرنیشتوو کورڎەسانینە کەرڎ، بە ئیراڎێوە گۆرۆ ئەرەکۆشۍ. جە ڕۆحی فیداییانەو ئاپۆیینە قوڵۍ بیێوە، جە گەریلایەتیینە پەرەشا بە ۋێشا دا و بە بێ دووە دڵی جەنگشا کەرد. هەمڕاکێما جە میللیتانا ئاپۆیی بە ئیراڎێوە شۆڕشگێڵنیوە پەی ئاینڎەو گەلەکەیما کۆششا کەرڎ. سەرەڕاو ئانەی ناڕەحەتێنمۍ چانەی کە هەمڕاکێما جە دەرەنجامو پیلانگێڵنیێوەنە گەشمەرڎۍ بیۍ، بە گرڎ قەوەتێوە حەقەشا کریاوە. قەول مڎەیمۍ گرڎ کاتێ جە ژیۋایمانە هەمڕایاما بە نموونە هۆرگێرمۍ و یاڎشا زیڼە ڕاگێرمۍ.

سەرو ئی بنەمایۍ سەرساغی ۋێما پەی بنەیانەی قارەمانو هەمڕا گەشمەرڎەکاما و گرڎو گەلی وڵاتپارێزنو کورڎەسانیما موازمۍ.

زانیارییەکۍ سەرو ئشناسنامەو هەمڕا گەشمەرڎەکاما پی جۆرەنە:

ناسنامۍ / ڕۆدی باز

نامۍ ودما نامۍ / ژیان گوڵتەن

شۆنەماو جە ئەڎابیەی / ئامەد

نامۍ ئەڎۍ و نامۍ تاتەی / شایلە - ساڵەح

شۆنەماو کاتو گەشمەرڎەبیەی / ١٣ /٢/ ٢٠٢٠ / ئامەد

***

ناسنامۍ / چیاگەر باتمان

نامۍ ودما نامۍ /موحەمەد شرین دەمیر

شۆنەماو جە ئەڎابیەی / ئێلح

نامۍ ئەڎۍ و نامۍ تاتەی /سوهەیلە - بەها

شۆنەماو کاتو گەشمەرڎەبیەی /١٣ /٢/ ٢٠٢٠ / ئامەد

***

ناسنامۍ / چیاگەر پاسور ئامەد

نامۍ ودما نامۍ /مەسعود یڵدرم

شۆنەماو جە ئەڎابیەی / ئامەد

نامۍ ئەڎۍ و نامۍ تاتەی /مەنفییە - فەیاز

شۆنەماو کاتو گەشمەرڎەبیەی /١٣ /٢/ ٢٠٢٠ / ئامەد