هەپەگە یاڎوو ٤ گەریلایا گەشمەرڎەیش بەرز ڕاگېرت
هەپەگە بەڕېزۊ یاڎوو ٤ گەریلایا گەشمەرڎەیش کەرڎۊ سەرەوەشیش ئاڕاسەو خانەواڎەکاشا و گرڎوو گەلی ۋڵاڎپارېزی کەرڎ.
ناۋەنڎو ئەرەیاۋناو چاپەمەنی هەپەگەی، جە ئەرەیاۋنېوەنە، ئشناسنامەو ٤ گەریلایاش ۋەڵاکەرڎۊ، کە مانگەو ئابوو ٢٠٢١ی مەنتیقەو جیلۊینە گەشمەرڎۍ بیېنۍ.
ئەرەیاۋناکەو هەپەگەینە ئامان:
"هجومۍ دوژمنینە جە مېڎانو ئۊرەماری سەر بە جیلۊینە، ڕۊو ١٩ و ئابوو ٢٠٢١ی، ئەنڎامۍ فەرمانڎەیی ئەیالەتوو جیلۊی، هامڕېما لوقمان دڵشېر، مونزور، زانا و بروسک گەشمەرڎۍ بیۍ. ئا هامڕېما کە بە هوشیاری نەتەوەیی و ئا ڕۊشناییەی جمیەرەکەما پەکەکەی ۋەشش کەرڎەن، جە ۋەرکەوتوو ۋەرنیشتوو کورڎسانیوە لۋۍ دلۍ ڕیزەکا گەریلایۊ، بە قەناعەتۊ ڕووەشا جە سەرنیشتوو کورڎسانی کەرڎە وئەرکی شۊڕشگېڵنی ۋېشا جابەجۍ کەرڎ.
هامڕاما لوقمان، چاڕوۊی بەشڎارو کۊشیای ئازاڎیما بیەن، گرڎ وەختۍ ۋېش وەڵۍ وستەن و بەبەشڎاریکەرڎەیۍ بۍ دوودڵی، بی بە جەنگاوەرۍ نمونەیی. جە فەرمانڎەیی تیمیۊ تا فەرمانڎەیی ئەیالەتی، چنڎین ئەرکېش جابەجۍ کەرڎېنۍ. فەرمانڎەما لوقمان دڵشېر ۋەرپرسیاری شۊڕشگېڵنانەش سەرو گرڎ چېۋېوە نیانەرە و چکۊ پەنەوازی بیۍ، لۋۍ ئا یاگۍ. بەپەیوەس بیەی بە خەتەو ڕابەرایەتی و گەشمەرڎاوە نامۍ ۋېش جە تاریخو کۊشیایمانە نۋیستۊ.
ڕۊڵە ئازاکەو گەلو عەرەبی، شۊڕشگېڵنی ئینتەرناسیۊانالیست، هامڕا بروسک ئارارات، بی بە جەنگاوەرۍ ئەندېشەیی نەتەوەیی دیموکراتیکی ڕابەریما، قەناعەتش پاسە بۍ، پۍ ئانەی گرڎوو گەلا ۋەرکەوتوو میامینی جە ئاشتی و ئارامینە پېۋەرە بژیۋا، پەنەوازەن گەلوو کورڎی ئازاڎ بۊو پا قەناعەتەیچۊ ڕۋەش جە کەشەکا کەرڎ. بی بە نمونەو هامڕایی.
هامڕېما مونزورو زانا و بروسکیچ جە جیلۊ فرە مەنېوە. بە فیڎاکاریشا چا، بە پاگیریشا سەرو گەشت کەرڎەی کۊشیای و پا ئیراڎەی کە با بە جواب پۍ ئا مەرحەلەی کە چنەش بېنۍ، پا جۊرە بەشڎاریشا جە خەتەی گیانبازینە کەرڎ. هۊگرۍ ئازاڎیی، گەلوو ۋڵاتەکەیشا بېنۍ. قارەمانانە ڕاشا کەرڎە.
جە ساڵیاڎو گەشمەرڎەبیەیشانە، بەڕېزوو پنەزانایۊ یاڎوو هامڕایاما لوقمان، مونزور، زانای و بروسکی کەرمېوە. سەرەوەشی ۋېما ئاڕاسەو خانەواڎەی بەنرخیشا و گرڎوو گەلی ۋڵاڎ پارېزو کورڎسانی کەرمۍ.
زانیاری سەرو ئشناسنامەو هامڕا گەشمەرڎەکاما پی جۊرەنە:
ناسنامۍ / لوقمان دڵشێر
نامۍ و دمانامۍ / مەنسوور سدیقی
یاگۍ جە ئەڎابیەی / کۆتۆل
نامۍ ئەڎۍ و نامۍ تاتەی / شەکر - تەیمور
وەختو یاگۍ گەشمەرڎەبیەی / ١٩ و ئابووو ٢٠٢١/جیلۊ
ناسنامۍ / بروسک ئارارات
نامۍ و دمانامۍ / حەمەد ئەربان
یاگۍ جە ئەڎابیەی / لوبنان
نامۍ ئەڎۍ و نامۍ تاتەی / زینە - ئەحمەد
وەختو یاگۍ گەشمەرڎەبیەی / ١٩ و ئابووو ٢٠٢١/جیلۊ
ناسنامۍ / مونزور ڕۆژئاوا
نامۍ و دمانامۍ /
یاگۍ جە ئەڎابیەی / تربەسپی
نامۍ ئەڎۍ و نامۍ تاتەی / زەهرا - محەمەد
وەختو یاگۍ گەشمەرڎەبیەی / ١٩ و ئابووو ٢٠٢١/جیلۊ
ناسنامۍ / زانا سەکۆ
نامۍ و دمانامۍ / کەمال خزری
یاگۍ جە ئەڎابیەی / سەردەشت
نامۍ ئەڎۍ و نامۍ تاتەی / ئایشە – عەبدوڵا
وەختو یاگۍ گەشمەرڎەبیەی / ١٩ و ئابووو ٢٠٢١/جیلۊ
هـ . ش
