ئەرەیاونیاو ناوەندوو ئەرەیاونای و چاپەمەنیی هەپەگەی پێسنەن:

"جە مەیڎانوو مدرامانوو کەشوو جودینە وێئەرەگێریێوە ئەفسانەیی کریا، ڕا جە ئەرەگێرا گیریا و ئەرەگیرۍ چاگە شکسشا ئارد. یووە جە فەرماندە گیانبازەکاو ئا مەیڎانی هامڕێما دیڎار تۊڵهەڵدانە بۍ جە ئایاروو ٢٠٢٢ وەراوەروو هجوومەکاو دوژمنیوە بە قارەمانێتی وەرگێرییش کەرد و گەشمەرڎۍ بییە. جە هەرێموو گەشمەرڎە دەلیلوو وەرنیشتوو زاپینە، کە بە گیانبازیێوە گەورە مدرامانی تاریخییش دلێنە خولقیا، هامڕا دیڎارە فرەو مەیڎانەکانە هەرمانەش وستە گەرڎەنوو وێش، جە پەروەرڎەکەرڎەی هامڕایەکاشنە بەگیانبازانە تا وەشکەرڎەی تونێلەکاو جەنگی کە بیۍ بە تەرسەو دڵوو ئەرەگیرا، هەرمانۍ فرێش بەسەرکەوتەیی پۊڕنۍ. هامڕا دیڎارە گیانبازیی وێش کەردش بە شکڵوو ژیوایش ، وەروو ئانەی قابیلەو هامڕا گەشمەرڎەکاش و ڕابەرایەتی بۊ، بەرڎەوام قووڵە بێوە و پێسە جەنگاوەرێوە پەکەکە-پاژکی بییە بە نموونەو گردوو هامڕایەکاش.

جارێوە تەر وەعد مدەیمۍ، کە عەلەمەو کۊشیای کە بە گینبازیوە داش دەسوو ئێمەوە، تا قابیلێش بیمۍ بەشۊکیایۊوە، بەرزەش کەرمێوە.

سەرەوەشی جە بنەیانەی بەڕێزوو هامڕێما دیڎارۍ و خەڵکوو وەرنیشتوو کوردسانی و سەرجەموو گەلی وڵاتپاڕێزنوو کوردسانی کەرمۍ.

زانیاری سەروو ئشناسنامەو هامڕا دیڎار تۊڵهەڵدانۍ پێسنەن:

ئشناسنامێ: دیڎار تۊڵهەڵدان

نامۍ و دمانامێ: لەیمان حەسەن

یاگۍ جەئەڎابییەی:حەسەکە

نامۍ ئەڎێ- تاتەی: نورا- بارزان

وەخت و شۊنەو گەشمەرڎەبییەی: ئایاروو ٢٠٢٢/ زاپ

س.ز