بەیاننامەو ناوەندوو ئەرەیاونای و چاپەمەنیی هەپەگەی پێسنەن:

"دوژمن جە ٢٤وو ئابوو ٢٠٢٣ هجوومش کەرد سەروو هەرێموو خواکورکی و ئەنجاموو ئا هجوومەینە هامڕێما ڕزگار، گەرناس و هەژار گەشمەرڎۍ بیێ".

هامڕێما ڕزگار، گەرناس و هەژار سەرنیشتنە، وەرنیشتنە و وەرکەوتوو کورڎسانیوە پەی ئازادیی گەلەکەیما ڕووەشا کەرڎە دلۍ ڕیزەکاو پەکەکەی و بە زانستێوە گەورەی نەتەوەیییوە کۊشیۍ. هامکارەکێما نوێنەرایەتیی گەلەکەیماشا کەرد. دژوو سیاسەتوو جەنگی تایبەتوو دوژمنی، هامڕێما ڕزگار کە بە دیمیلکی قسۍ کەرۍ، گەرناس کە بە کرمانجی و هەژار بە سۊرانی، پێوە سەروو بنەمای ڕۊح و فکرێوە هامبەشی پەی ئازادیی گەلەکەیما کۊشیێنۍ. هامڕێما ڕزگار، گەرناس و هەژار گرڎوو وەختەکاو ژیوایشا بە بۍ مرڎای و مانیای پەی گەورەکەرڎەی و وەڵیوستەی کۊشیای بەرد سەر. پێسە جەنگاوەرێوە کە نموونە بێنۍ پەی گرڎوو گەنجاو کورڎسانی جە تارێخوو ئازادیی ئێمەنە یاگۍ وێشاشا کەرڎۊ.

ئەوەڵ سەرەوەشیی وێما ئاڕاستەو بنەیانەی ئازیزوو هامڕایاما ڕزگار و گەرناس و هەژاری کەرمۍ و وەعد مدەیمۍ، کە یاڎەوەرییەکاشا بە وەڵێوستەی کۊشیای زیندە بازمێوە.  

هامڕێما سینجەر دێهگولان، کە  ٢٣ۍ ئابوو ٢٠٢٣ مەنتێقەو خواکورکینە جە ئەنجاموو هجووموو دوژمنینە بەسەختی بریندار بی، سەرەڕاو گرڎ هەوڵێوە پەی زیندەمەنەیوە هامڕایاما ٣٠وو ئابینە گەشمەرڎە بی.

ڕۊڵەی قارەمانوو وەرکەوتوو کورڎسانی و جەنگاوەری شایستە، هامڕاما سینجەر ژیوای وێش پەی گەلەکەیما و کۊشیایما فیدایی کەرد. پا یاواینەوە کە تا گەلەکەما ئازاد نەبۊ، ئینسان وێش هەرگیز ئازاد مەبۊ، سەروو بنەماو ژیوای سۊسیالیستی، ئازادی و کۊمەڵایەتیبییەی، بەهێوە گەورێش دا بە ڕەفاقەتی. هامڕاما بێگۊمان زانۍ کە مشۊم پەی ئینەیە کۊشیۊ. بە یاواینەی جە هەرمانەو جەنگاوەریی ئاپۊیی بە فیداکاری و مانیای وێش گرڎوو بوارەکانە بی بە نموونە.

ئەوەڵ سەرەو بنەیانەی ئازیزوو هامڕا سینجەری و تەماموو گەلوو کوردی وەڵاتپارێزنی سڵامەت بۊ. وەعدما ئەوەخوای کەرمێوە کە بە یاواینەی مەبارەکیی ونەو گەشمەرڎاما، عەلەمەو شۊرشی کە هامڕاما سینجەر دێنمێش دەسۊ بە بەرزی مازمێشۊ.

زانیاری دەربارەو شناسنامەو هامڕا گەشمەرڎاما پێسنەن:  

شناسنامێ: ڕزگار سیوار

نامۍ و  دمانامێ: یاڎین بولوت

یاگۍ پەیڎابییەی: خارپەت

نامۍ ئەڎۍ - تاتەی: خەدیجە - عەلی

یاگۍ و بەرواروو گەشمەرڎەبییەی: ٢٤وو ئابوو ٢٠٢٣ / خواکورک

شناسنامێ: گەرناس قەندیل

نامۍ و دمانامێ: کاوە مەمۊ

یاگۍ پەیڎابییەی: دەربێسی

نامۍ ئەڎێ- تاتەی: ساجیدە - احمد

یاگۍ و بەرواروو گەشمەرڎەبییەی: ٢٤وو ئابوو ٢٠٢٣ / خواکورک

 

شناسنامێ: هەژار بێکەس

نامۍ و دمانامێ: سیروس ڕاستەقیز

یاگۍ پەیڎابییەی: تیکاب

نامۍ ئەڎۍ- تاتەی: ئامین - تۊفیق

یاگۍ و بەرواروو گەشمەرڎەبییەی: ٢٤وو ئابوو ٢٠٢٣ / خواکورک

 

شناسنامێ: سینجەر دێهگولان

نامۍ و دمانامێ: نعمەت ڕضایی

یاگێ پەیڎابییەی: بیجار

ئەڎا-تاتە: مەریەم-عەبدوڵڵا

وەخت و شۆنەو گەشمەرڎەبییەی: ٣٠ ئابوو ٢٠٢٣ / خواکورک