سوپاو تورکی ئەرەگیری ٤ جارۍ بە بۊمبی قەدەغەکریا هجوومشا کەرد سەروو سەنگەرەکاو مدرامانی جە سیدانە. ١٢ جارۍ بە فڕۊکەی جەنگی، ٤ جارۍ بە هەلیکۊپتەری هجوومبەر و ٢٥٦ جارێچ بە کاتیوشا، تانک و چەکی قورس بۊردومانشا کەرد.
ناوەندوو ئەرەوەیانی و چاپەمەنیی هەپەگەی بارەو هجوومەکاو سوپاو تورکی ئەرەگیریوە ئەرەیاوناێوەش وەڵا کەرڎۊ کە پێسنەن:
جە هەرێموو گەشمەرڎە دەلیلوو وەرنیشتوو زاپی؛
'٢٧ حوزەیرانی سەعات ١٢:٠٠ بە چەکی قورس گورز وەنەو ئەرەگیرا دریا جە مەیدانوو مدرامانوو کەشوو ئێف ئێمی.
هجوومەکۍ بە بۊمبی قەدەغەکریا؛
'٢٥ حوزەیرانی سەنگەرەکێما جە مەیدانوو مدرامانوو سیداو خاپینە ٤ جارۍ بە بۊمبی قەدەغەکریا بۊردومان کریۍ.
هجوومەکاو دەوڵەتوو تورکی ئەرەگیری؛
جە ٢٤، ٢٥ و ٢٧ حوزەیرانی جە هەرێموو گەشمەرڎە دەلیلوو وەرنیشتوو زاپی مەیدانەکاو مدرامانوو کەشوو وەهاری،جودی، ئامێدی ٦ جارۍ، جە مەتینانە مەیدانوو مدرامانوو کەشوو هەکاریی ٢ جارۍ، جە خواکورکنە مەیدانەکاو کەشوو بەربزنی و گۊشین ٢ جارۍ، جە گارەیچنە مەیدانەکاو دەگاو چەمرۊبۊتکی و خێرۍ ٢ جارۍ بەگردی ١٢ جارۍ بە تەیارەی جەنگی بۊردومان کریا.
'٢٧ حوزەیرانی مەیدانەکاو کۊلیتی و شێخزادەو خواکورکی ٤ جارۍ بە هەلیکۊپتەری هجوومبەر بۊردومانۍ کریۍ. بۊنەو بۊردومانەکەیۊ ئاویر مەنتێقەکەنە کەوتەنۊ و هەڵای نەکوشیانۊ.
٢٤، ٢٥،٢٦ و ٢٧ی حوزەیرانینە جە هەرێموو گەشمەرڎە دەلیلوو وەرنیشتوو زاپینە مەیدانەکاو مدرامانوو کەشوو بەهار، جودی، ئامێدی، جە مەتینانە مەیدانەکاو مدرامامانوو سەروو مەتینا، گۊلکا، دەگاو شێلازۍ و کەشوو هەکاری، جە خواکورکنە مەیدانەکاو دۊڵەو لۊلانی، کەشوو گەشمەرڎە حەقی، کەشوو گەشمەرڎە کامەرانی و کۊلیت ٢٥٦ جارۍ بە کاتیوشا، تانک و چەکی قورس بۊردومانۍ کریۍ.
سوپاو تورکی ئەرەگیری ٢٥ و ٢٧ حوزەیرانی هجوومش کەرد سەروو سەنگەرەکاما جە مەیدانوو مدرامانوو سیداو زاپینە، هەوڵێش دۍ تونێلەکا بە حەفارە وڕنۊ".
س.ز
