ناوەڼو ئەرەیاۋنای و چاپەمەنی هەپەگەی جە بارەو ئا گەشمەرڎاوە ئەرەیاۋناش:

"هەمڕێما ئارارات تۆڵهەڵدانە و سیابەند وڵات رزگار جە مانگەو نیسانوو ٢٠٢٤ینە جە هەرێموو خواکورکینە گەشمەرڎۍ بیۍ.

هەمڕاما ئارارات تۆڵهەڵدانە جە شارو مڎرامانیۆ واتە جە کۆبانێوە تا کەشەکا کورڎەسانی، بیە بە ئشناسنامۍ ژیۋایۍ ئەفسانەیی. بە زانابیەی ژیۋای ئازاڎی ئا کۆیلایەتیەشە دلێنەبەرد، کە ملوو ژەنارە سەپیۍ و بیە بە خاوەن ئەرەکۆشایۍ بێهامتا. همڕاما ئاراراتە جە خەباتوو گەنجاوە تا ئەرەکۊشای گیانبازانەو ۋێش دلۍ ریزەکاو گەریلاینە، جە گرڎ مېڎانێنە کە چنەشەنە بۍ رەنگەو ئشناسنامەو ژەنۍ ئازاڎێش جە خەباتەکاو ۋێشەنە نیشانەدا و بەرجەسەش کەردۆ. بە هەڵوێسی جەنگاوەری ۋێش نوێنەرایەتی رۆحوو ژەنۍ ئازاڎێش دلۍ پاژکینە کەرد.

هەمڕاما سیابەند بە گڕەو ئازادیی دلۍ دڵوو ۋێشەنە، ئاما پەی کەشەکا کورڎەسانی و بە بەشداریۍ دروس و جە ۋۍ وییەردانە بی بە یاگۍ وەشەسیایی گرڎوو هەمڕایاش. پا وزەی جە گەنجیەتی ۋێش و فەلسەفەو ئاپۆیینە هورش گێرت، بی بە خاوەن ئەرەکۊشایۍ بەجۆش و خرۆش. هەمڕا سیابەند پەی ئانەی جە ۋێشەنە گەریلایەتی مۆدێرنیتەی دیموکراتیک وەڵۍ وزۆ، بۆبە جەنگەوانێوە ئازاڎیی گەلەکەیش و جەنگاوەرێوە سەرکەوتە، فرە ئەرەکۊشا. بە رەنج و هەوڵەکاش بی بە جەنگاوەرێوە ئاپۆیی و پەی گرڎوو گەنجا کورڎەسانی بی بە نمونە.

هەمڕێما ئاراراتە و سیابەند بە رەنج و گیانبازی گەورۆ کۊشیای ئازاڎیشا پەرەپنەدا. ئێمە قەول مڎەیمۍ کە جە کەسایەتی ئاڎیشانە لایەق بە یاڎوو گرڎوو گەشمەرڎاما بیمۍ و سەرکەوتەی مسۆگەر بکەرمۍ. سەرو ئا بنەمایۍ سەرەوەشی جە گەلی وڵاتپارێزنوو کورڎەسانی و بەتایبەتی بنەیانەو هەمڕایاما ئاراراتی و سیابەندی مکەرمۍ.

زانیاری سەرو ئشناسنامەو هەمڕا گەشمەرڎەکاما پی جۆرەنە:

ناسنامۍ / ئارارات تۆڵهەڵدان

نامۍ و دمانامۍ / سارا جەزایر

شۊنماو جە ئەڎابیەی / کۆبانێ

نامۍ ئەڎۍ و نامۍ تاتەی / وەتحا- خەلیل

شۊنماو وەختوو گەشمەرڎەبیەی / نیسانوو ٢٠٢٤/ خواکورک

*****

ناسنامۍ / سیابەند وڵات رزگار

نامۍ و دمانامۍ / ئیبراهیم عەلیزادە

شۊنماو جە ئەڎابیەی / ماکو

نامۍ ئەڎۍ و نامۍ تاتەی / مەدینە- محەمەد

شۊنماو وەختوو گەشمەرڎەبیەی / نیسانوو ٢٠٢٤/ خواکورک