هەپەگە ئشناسنامەو ٣ گەریلایاش ئاشکرا کەرڎ، کە جە مەتینانە گەشمەرڎۍ بیۍ و ئەرەیاۋناش، "گەریلاکۍ ئازاڎیی کە سەرو خەتەو مدرامانی سازش مەکەرا، بە ئەرەکۊشایۍ ئەفسانەیی نوێنەرایەتی هیواو ئازاڎیی گەلەکەیما کەرا و دەوری تاریخی ۋېشا گېڵنا".
ناوەنڎو یاۋنەری و چاپەمەنی هەپەگەی جە ئەرەیاۋنېوەنە، ئشناسنامەو ٣ گەریلایاش ۋەڵاکەرڎۊ، کە جە مەتینانە گەشمەرڎۍ بیۍ.
جە ئەرەیاۋناکەنە ئامان:
"ئا مدرامانە بێهامتایەی کە، گەریلاکۍ ئازاڎیی کورڎسانی جە هەرێمەکا پارېزنای مەدیاینە جە دژوو کۆلۆنیالیزمی تورکی ڕاوەبەرش کەرا، ۋەردەواما. هامڕېکېما ڕۆژهات، ڕۆژدا و شۆڕش کە بە کۊشیایشا بیۍ بە خوڵقنەرو دماڕۊیۍ ئازاڎیی، جە هجومو دوژمنینە پۍ سەرو هەرێمو مەتینای گەشمەرڎۍ بیۍ.
پەرسە و سەرەوەشی ۋېما ئاراسەو گرڎو گەلی وڵاڎپارێزو عەرەبی و کورڎیما، بەتایبەتی خانەواڎەو فەرمانڎەی ئازای و وەختە قورسەکا ڕۆژهات حەبەشی، ژەنەی ئازاو گەلەکەیما ڕۆژدایۍ و ڕۆڵەی ئازاو گەلوو عەرەبیما شۆڕشی کەرمۍ. وەعدما واوەی کەرمېوە کە حەجگیز گەشمەرڎە قارەمانەکاما جە یاڎ مەکەرمۍ و ئەرەیاۋنمېش کە بەدڵنیاییوە ئامانجەکاشا مارمۍ دی.
زانیاری جەبارەو ئشناسنامەو هامڕا گەشمەرڎەکاماوە پی جۆرەنە:
ناسنامۍ: ڕۆژهات حەبەش
نامۍ و دمانامۍ: مەجید مەحمودی
یاگۍ جە ئەڎابیەی: کۆتۆڵ
نامۍ ئەڎۍ و نامۍ تاتەی: زوبەیدە - حەسەن
وەخت و یاگۍ گەشمەرڎەبیەی: تەمووزو ٢٠٢٣ / مەتینا
ناسنامۍ: ڕۆژدا زیلان دەمهات-ە
نامۍ و دمانامۍ: کەزبان ئاکشین-ە
یاگۍ جە ئەڎابیەی: بەدلیس
نامۍ ئەڎۍ و نامۍ تاتەی: سەعادەت - شەمسەدین
وەخت و یاگۍ گەشمەرڎەبیەی: تەمووزو ٢٠٢٣ / مەتینا
ناسنامۍ: شۆڕش سەرهەڵدان
نامۍ و دمانامۍ: ساڵح سلێمان عەرەب
یاگۍ جە ئەڎابیەی: حەسەکە
نامۍ ئەڎۍ و نامۍ تاتەی: هیام - سلێمان
وەخت و یاگۍ گەشمەرڎەبیەی: حوزەیرانو ٢٠٢٣ / مەتینا
