ئەرەیاۋناکەو ناوەنڎوو ئەرەیاۋنای و چاپەمەنی هەپەگەی پی جۆرەنە:

"هامڕێما نوژیانە و دلژینە جە هجووم و دوژمنینە جە ٢٣ۍ نیسانوو ٢٠٢٤ جە هەرێموو خواکورکینە گەشمەرڎۍ بیۍ. هامڕێما نوژیانە و دلژینە جەنگاوەرۍ قارەمانۍ کۊشیای ئازاڎیی ژەنا بێنۍ. تا دما هەناسەشا سەروو خەتەو رابەرایەتی خاوەن هەڵوێسۍ ڕۊشن و سەرەمڕەی بێنۍ. بە بەشداربیەی پەڕ جۆش و خرۆش، سادەی و جە ۋۍ ۋییەردەیشا پېسە جەنگاوەرا نمونەیی کۊتۍ دلۍ تاریخوو کۊشیایما. هامڕێما کە داکۆکیکارۍ سەرسەختۍ خەتەو مدرامانی ئاپۆیی بێنۍ، پەی ئانەی ۋەرپەرچوو هجوومەکا دوژمنی بڎاوە جە بواری سەروازینە ۋێشا وەڵۍ وست. جە جابەجێکەردەی تاکتیکەکا گەریلاو سەردەمی تازەینە پاگیریشا کەرد و گورزەشا ۋنەو دوژمنی شانا. هامڕێما نوژیانە و دلژینە سەروو ئا بنەمایۍ پەی وەڵۍ وستەی هامڕایاشا بەردەوام دلۍ گێڵای و شۆنیرە لووایرە بێنۍ. بەم جۆرە رۆحی گیانبازی ئاپۆیی و کۊشیایشا گەورە کەرد و جە ڕاپیمای شۆڕشگێڵنانەیشانە سەرکەوتەیشا بەدەسئارد. هامڕێما نوژیانە و دلژینە جە ئەوڵ ڕۊوە تا ڕۊو گەشمەردە بیەیشا بە دروشمەو "رابەری ئازاڎ و کوردسانی ئازاڎ" بێ دوودڵی و بێ مردای هەنگامەشا نیا. هامڕێکێما پەی پارێزنای بەهاکاو گەلەکەیما کە رووبەڕوو قڕکەردەی بیەنۆ، ژیۋای فیدایشا هۊرچنی و دلۍ ریزەکاو کۊشیای ئازاڎینە بەشدارۍ بیۍ. پەی ئا ئامانجا بڕواشا پنەش بۍ، تێکەڵ بە قافڵەو نەمرا بیۍ.

سەروو ئا بنەمایۍ ئێمە سەرەوەشی جە بنەیانەی بەقیمەتوو هامڕایاما نوژیانۍ و دلژینۍ و گرڎوو گەلی وڵاتپارێزنوو کوردسانی مکەرمۍ و جارێوەتەر قەول واوەی مکەرمێوە کە ئێمە ئا کۊشیاو هامڕایاما کە پەی ئێمەشا جیا ئاستەن بە هوشیاری و ۋەرپرسیاریوە لایەقشا بیمۍ و بیاونمێشا بە سەرکەوتەی.

زانیاری سەروو ئشناسنامەو هامڕا گەشمەرڎەکاما پی جۆرەنە:

ناسنامۍ / نوژیان عسیان

نامۍ و دما نماۍ / خەدیجە کایا

شۊنماو جە ئەڎابیەی / مێردین

نامۍ ئەڎۍ و نامۍ تاتەی / ناجیە - ئیسماعیل

شۊنماو وەختوو گەشمەرڎەبیەی / ٢٣ۍ نیسان و ٢٠٢٤/ خواکورک

*****

ناسنامۍ / دلژین ئازادی

نامۍ و دما نماۍ / هێڤا کلێڤچەک

شۊنماو جە ئەڎابیەی / عەفرین

نامۍ ئەڎۍ و نامۍ تاتەی /فەهیمە- عەبدولرەحمان

شۊنماو وەختوو گەشمەرڎەبیەی / ٢٣ۍ نیسان و ٢٠٢٤/ خواکورک