هەپەگە ئشناسنامەو گەشمەرڎاو خواکورکیش ئاشکرا کەرد و واتش: "بە ئازایەتیی گەورە و ڕۊحی فیدایی لووۍ سەروو دوژمنی و ڕاسیی نەبەزیای و جەبنەنامای پەکەکەیشا جارێوە تەر وستۊ وەروو چەما".
ناوەندوو ئەرەیاونای و چاپەمەنیی هەپەگەی سەبارەت بە ٣ گەریلایا، کە جە ١٥و حوزەیرانینە گەشمەرڎۍ بیۍ، ئەرەیاوناێوەش وەڵا کەرڎۊ، کە پێسنەن:
"جە ئەرەیاونای ١٧و حوزەیرانوو ٢٠٢٣ینە ئەرەیاونابێما، کە جە کەشوو گەشمەرڎە شاهینوو خواکورکینە گرووپێوە جە ئەرەگیرا وزیێنی چێروو چەمڎداریی هیزەکاما و کەمینەشا پەی نیێنێرە و نزیکۊ دێنێشا وەنە و جە ئەنجامنە ١٨شا سزۍ دریێنۍ.
جە جەنگ و بۊردومانوو دوژمنینە دماو جەنگەکەی، هامڕێما ئاسیا (ئامارا)ە، ئازاڎ و کۊچەر (سەعید) کە بە گیانی فیدایی ئاپۊیی سەرمەشقایەتیی ئا چالاکییەیشا کەرد بە قارەمانی گژیۍ و گەشمەرڎۍ بیۍ.
کناچۍ ئازۍ خەڵکوو کارادانیز ئاسیای، ڕۊڵۍ سۊسیالیتییەی بەنرخەو گەلیما ئەڵمان ئازاڎە، کە بە هەستی ئینتەرناسیۊناڵیستیی پتەو و بڕوای قووڵۊ بە ئایدۊلۊژیاو سۊسیالیزمی دیموکراتیکیوە ئاما دلۍ ڕیزەکاو پەکەکەی، جە وەختێوەنە کە نەتەوەپەرسی گەلا سەروو دەسوو یۊترینیوە کۊکوشی کەرۍ، مانادارتەرین جوابش داوە و نوێنەرەو ڕۊحوو یۊبییەی نەتەوەیی کوردی هامڕاما کۊچەرە جە وەرکەوتوو کوردسانیوە، پی چالاکییە بیۍ نوێنەرۍ هەقەتینوو باڵاو پەکەکەی. بە ئازایەتیی بەرز و ڕۊحی گیانبازی لووۍ سەروو دوژمنی و بە بەرجەسەیی ڕاسیی پەکەکەیشا نیشانە دا کە مەبەزیۊ و جەبنە نمۍ. گیانی فیدایی، هۊشمەندیی نەتەوەی دیموکراتیکی، هزری بەرزوو سۊسیالیزمی کە ئا هامڕێما وێناشا کەرد، دلۍ فەلسەفەی ئاپۊیینە دا یۊشا گێرت و بیۍ بە ئامیانوو دۊزوو ئازاڎیما. پەی ژیواێوە سۊسیالیستی، دیموکراتیکی و ئازاڎیی ئینسانیەتی ئا هامڕێما چا ڕێنە قوربانییشا دا و گەورەتەرین ئامانجی گەورەشا بۍ، ئێمە بێوچان دەکۊشیەیمۍ. ئێمە جە باخچەو ئازاڎیی گەلانە یادوو ئا هامڕا گیانبازاما کەرمێوە و وەعد مڎەیمۍ، کە بەدڵنیاییوە ئامانجەکاشا بارمۍ دی.
وەڵینە سەرەوەشی جە بنەیانەی بەڕێزوو هامڕایاما ئاسیا، ئازاڎ و کۊچەرۍ کەرمۍ، ئینجا سەرەوەشی جە گەلە وەڵاتپارێزناو تورک، ئەڵمانی و کوردی کەرمۍ.
زانیاری سەروو ئشناسنامەو هامڕا گەشمەرڎەکاما ئینەن:
ئشناسنامێ: ئاسیا کانیڕەش
نامۍ و دمانامێ: قەدریە تەتیک
یاگۍ پەیدابییەی: ئوردو
نامۍ ئەڎێ- تاتەی: نازیفە- عەزیز
وەخت و شۊنەو گەشمەرڎەبییەی: ١٥و حوزەیرانوو ٢٠٢٣/ خواکورک
ئشناسنامێ: ئازاڎ شەڕگەر
نامۍ و دمانامێ: توماس یوهان سپیس
یاگۍ پەیدابییەی: ماینبورگ- ئەڵمانیا
نامۍ ئەڎێ- تاتەی: کریستا- ئانتۊن
وەخت و شۊنەو گەشمەرڎەبییەی: ١٥و حوزەیرانوو ٢٠٢٣/ خواکورک
ئشناسنامێ: کۊچەر مێدیا
نامۍ و دمانامێ: دیاکۊ ساعدی
یاگۍ پەیدابییەی: سنە
نامۍ ئەڎێ- تاتەی: تەهمینە- سدیق
وەخت و شۊنەو گەشمەرڎەبییەی: ١٥و حوزەیرانوو ٢٠٢٣/ خواکورک
س.ز
