ناوەنڎوو ئەرەیاۋنای و چاپەمەنی هەپەگەی ئەرەیاۋناش ، کە زاپەنە درۆنێوە بەبۆمبچنیا دلێنەبریان، بڕۍ جە سەنگەرەکاو جەنگی چوار جارۍ بە درۆنی بەبۊمبچنیا بۆردومان کریێنۍ، هەرێمەکۍ مەتینا، زاپ، خواکورک و گارەی بە گرڎیی ٤٤ جارۍ بە فڕۆکەی جەنگی بۆردومان کریێنۍ.

جە ئەرەیاۋناکەینە جە بارەو چالاکیەکاو گەریلای و هجوومەکا سوپاو تورکی ئەرەگیریۆ ئی زانیاریۍ ئەرەیاۋیێنۍ:

"جە هەرێموو زاپی؛

٦و ئاداری سەعات ١٦:٢٠ دەیەقۍ جە مێڎانوو مدرامانوو گەشمەرڎە ئیبراهیمینە درۆنێوە بە بۊمبچنیا ئاسمانۆ دلێنەبریا. چالاکییەکە جە تەرەفوو هێزەکاو یەژاستاریماوە کریا.

هجوومەکۍ سوپاو دەوڵەتوو تورکی ئەرەگیری بە درۆنی بەبۆمبچنیا و تەقەمەنی قەڎەغەکریا:

٢٩و شوباتی و ٥و ئاداری جە هەرێموو گەشمەرڎە دەلیلوو ۋەرنیشتوو زاپی سەنگەرەکێما جە مێڎانوو مدرامانوو کەش و جودینە ٤ جارۍ بە درۆنی بە بۆمچنیای بۆردومان کریۍ.

٥و ئاداری هەرێموو خواکورکینە مێڎانوو ئاوەو لۆلانی جارێوە بە درۆنی بەبۆمچنیا بۆردومان کریا.

هجوومەکۍ سوپاو تورکی ئەرەگیری؛

جە ما بەینوو ١ -٦و ئادارینە جە هەرێموو مەتیناینە؛ مێڎانەکۍ بێشیلی، شێلازێ، دەرگەلێ، بازێ، سەری مەتینای ١١ جارۍ، هەرێموو گەشمەرڎە دەلیلوو ۋەرنیشتوو زاپینە؛ مێڎانوو مدرامانوو کەش و وەهاری ١٠ جارۍ، هەرێموو خواکورکینە؛ مێڎانەکۍ گەشمەرڎە شەریف، گۆشین، ئاوەو لۆلانی و سنینی ١١ جارۍ، هەرێموو گارەینە مێڎانەکۍ نەقەبی خێر، کەش و زەنگلی، کانیسارک، دێرەش، دەشتەو کافیای، گرێ سێدارێ ١٠ جارۍ، هەرێموو زاپی مێڎانوو مدرامانوو گةسمەرڎە ئیبراهیمی ٢ جارۍ بە گرڎیی ٤٤ جارۍ بە فڕۆکەی جەنگی بۆردومان کریۍ".