پلاتفۆرمو هۆرام-ی جە ٢٣مین ساڵەو بڕفانای ڕابەر ئۆجالانینە دەسنیشانش کەردەن، ڕابەر ئاپۆ بە مدرامان سەلەماش ئیرادە جە گرد چەکێ پەی سەرکەوتەی بە هێزتەرەن و ئارۆ فەلسەفەکەش ئۆمێدەن بە کوردی و گەلانو جیهانی.
پلاتفۆرمو هۆرام-ی جە ٢٣مین ساڵەو گەلەکۆمەو میاندەوڵەتی ١٥و شوباتو ١٩٩٩ی و بڕفانای ڕابەر ئۆجالانی بەاننامەشدان.
هۆرام دەسنیشانش کەردەن، ڕابەر ئاپۆ بە مدرامان نیشانەدا و سەلەمناش ئیرادە جە گرد چەکێ پەی سەرکەوتەی بە هێزتەرەن و بە ئا ڕێبازە گەلەکۆمەکەش پووچ کەردەوە و سەرەڕاو ئانەیچە ئارۆ فەلسەفەکەش پەی کوردی و گەلانو جیهانی یاگۍ ئۆمێدیەن.
بەیاننامەکەو پلاتفۆرمو هۆرام-ی بە بۆنەو ٢٣مین ساڵەو بڕفانای ڕابەر ئۆجالانی..
جە وەختێنە ٢٣ هۆمین ساڵڕۆ بڕفانای ڕابەر ئۆجالانی پڕنمێوە کە فرەتەر جە گرد وەختێ کەسایەتی ڕابەر ئۆجالانی و پەرسەو کوردی زیاتەر مژناسیۆنە . ٢٣ ساڵێ چێوەڵتەر سیستمو جیهانی ، دەوڵەتە داگیرکەرەکاو کوردستانی و نەیارا پاسەشا نیابێرە کە بە گێرتەو ڕابەر ئۆجالانی پەرسەو کوردی دمائیش پەنە مێ و ئاسانتەر تاوا گەلوو کوردی کۆمکۆژ بکەرا و بە یەیکجاری بسڕاشۆ . بەڵام ویناما کە مدرامان و ڕابەر ئۆجالانی ، هێزو گەریلای و پەکەکەی بیێ بە یاگێ هیوا و ئۆمێدی پەی گەلەکەیما و گردوو ئازادیوازاو جیهانی .
رێکوستەو سەدان کۆنیشتێ، سمینارێ هەرێمیێ و جیهانیێ بە زوانە جیاکاو جیهانی سەرو تێزەکاو ڕابەر ئۆجالانی بە تایبەت سەرو بابەتو ژەنا ، ژیوگەی ، وێڕاوەبەریێ ، دیموکراسیی ، ئازادیی و یەکسانیی و پێوەرەژیوایی گەلا ، بە بەشداری هەزاران ئازادیوازێ بە تایبەت ژەناو نەتەوە جیاکاو وەڵاتا جە سەفەو گەریلای، شەڕانێ یەپەگەی و یەپەژەی جە رۆژئاوانە . هەر پاسە ئەرەمەڕزیارەو دەها ناوەندێ پەی ئەژناساو ویرو ئۆجەلانی جە وەڵاتاو ئەوروپای و ئەمەریکای لاتینیەنە ڕاسی ویر و فەڵسەفەو ڕابەر ئۆجالانی پەی یاوای ئینسانەکا بە ژیوایە ئازادی نیشانەش مذۆ، ئیتر نە ئۆجالان ڕابەروو کوردان نە پەکەکە ڕێکوزیایە کوردستانیەن، بەڵکو جیهانگیری بیێنۦ جەوەختێنە کە بە هەزاران ئاخێزوانێ جە نەتەوە جیاوازەکا جە سەراسەرو جیهانیەوە داواو ئازادی ڕابەر ئاپۆی و بەر ئاوردەو پەکەکەی جە لیستو تیرۆرو مکەرانێ، مشیۆم چانەی یاومێنە کە وەخت وەختو ئازادی ڕابەر ئۆجەلانیەن. هەر پاسە پەی چارەسەری گرفتەکا وەرکەوتوو دڵێراسەی و پەرسەو کوردی ئازادی ڕابەر ئاپۆی جە ئارۆنە پەنەوازییەن.
پێسەو پلاتفۆرموو هۆرام-ی، سەرەراو شەرمەزارکەردەی پیلانەو ١٥ شۆباتو ١٩٩٩ی کە چوون روێ سیاوەن، بێدەنگی حزبە سیاسیەکا، هەر پاسە پارلەمانو کوردەکاو پانیشتو کوردستانی ڕەخنە مکەرمێ و بە خزمەت بە کارنامهو داگیرکەراو کوردستانیش مزانمێ . پێسەو پلاتفۆرمەکەیما جە ٢٣مین ساڵرۆ پیلانەو شوباتو ١٩٩٩یەنە، چەنی ویر و داواکارییەکاو ڕابەر ئۆجالانی پەیمان تازە مکەرمێوە و بە گردوو هێزو و توانایماوە پەی سەروستەو فەلسەفەکەیش درێژە بەکۆشیای مڎمێ کە ئامانجش یاوایەن بە ژیوایە ئازادی.
داواما جە گرد کوردێ وەڵاتپارێزێ هەن تا بە وانایۆ نویستەکاو ڕابەر ئاپۆی، هەنگامە بنیانێ پەی وێرێکوستەی و یاوای بە ژیوایە ئازاد و دیموکراتیکیی. وەختێ ڕابەرێ چوون ئۆجالانی ، هێزێ پێشەو گەریلای و رێکوزیایە پێسەو پەکەکەی هەنێ ، کورد بییەی شانازیا . ڕابەر ئۆجەلان جە دماو ٢٣ ساڵا بە مدرامان نیشانەدا کە ئیرادە جە گرد چەکێ پەی سەرکەوتەی بە هێزتەرا . هەر پاسە باوەڕ کرێڵو کەردەیۆ فرەو ئا بەرانە کە سەرمانە ورزیەنێرە .
دەستەو ڕاوەبەری پلاتفۆرمووهۆرام-ی
