سەرچەمەکێ هەواڵی جە مەریوانەوە ئاشکراشان کەردەن: جە مەرزو قوڵقوڵەی کە مەگنۆن میانۆ پانیشت و وەرکەوتو کوردستانی، هێرەکێ ئێرانی تەقەشان جە ژمارێو کۆڵبەرێ کەردەن و جە ئاکامشەنە ٥ کۆڵبەرێ (مەریوان)یێ بریندارێ کریێنێ.
 جە ئی بارەوە کۆمەڵەو مافو مرۆڤو کوردستانی  نامێ ٥ کۆڵبەرە مەریوانییەکەیش بەئی جۆرە وەڵاو کەردەنەوە: کاروان مەنووچێهری، ئارام مەنووچێهری، زانیار حاتەم‌پەنا، سۆران وەتەن دۆست، سەلاح وەتەن دۆست کە سەرجەمشان خەڵکو دەگاو (میراوا) یەنێ و پەی ڕەوانێ نەوەشخانەو بووعەلی مەریوانی کریێنێ.
هامکات ٣٠ کۆڵبەرێ تەرێ جە هەمان دەڤەرەنە کەوتێنێ بۆسەو هێزەکێ ئێرانی و تا ئیسە چارەنویسشان نادیارەن.