جە درێژەو چالاکییە ئەدەبی و فەرهەنگییەکاشنە ئەنجوومەنی ئەدەبی هەورامانی، یووەمین ئەرەنیشتەو ئێساڵوو فێرکاریی وانەو زوانی هەورامی (تایبەو زاڕۆڵا) بەرۊڕاوە، چالاکییەکا جە میانەو دماییئامای مەکتەبینە و بۆنەو بە فرسەتزانای و بییەی وەختیوە ساڵانە ئەنجوومەنەکە ئی نۆعە جە چالاکیی فەرهەنگی ملۊڕاوە.

فێرکارییەکە وانەو ئەلفبای  ڕازوانی هەورامی و ئشناسای دەسوورە ئەوەڵینەکا گێرۆوە، تایبەت زارۆڵاو پۆلوو یەکی تا ششی سەرەتایی.

یاگۍ واتەینە ئەنجوومەنەکە جگە جە کەلاسوو زوانی ساڵانە کلاسۍ ئەدەبیی و فەرهەنگیی نموونەو فێرکاری شیعرۍ و عەرووزی و شیعرۍ نەوۍ و کوڵەداستانۍ و چندین چالاکیۍ فەرهەنگیۍ بەرۊڕاوە.

ناموونیشانی تایبەت پەی کلاسەکا پێسەنە:

یاگێ: دەفتەروو ئەنجومەنوو ڕۆجیاری (ئێدارەو فەرهەنگ و ڕانموونی شاروو مەریوانی)

وەخت: گرڎٚ یەرەشەممانێو سەعات ٤ تا ٥:٣٠ دماو نیمەڕۆی

تایبەت به زاڕۆڵۍ پۆلوو یەک تا ششی (کەلاسوو 1 تا 6ی)

زەمانوو نامنویسی: دمانیمەڕۆو ڕوەکاو شەممەی، یەکشەممەی و دووەشەممەی.

س.ز