جە ئەرەیاۋناکەنە ئامان:

هامڕاما زین سەکڤانە جە چوارچېوەو دۋەم قۊناغ و مدرامانو سەردەموو عەفرینی دلۍ تیمەکا گەشمەرڎە ئاڤېستۍ هېزەکا ڕزگاری عەفرینینە یاگېش گېرتۍ بۍ. ڕۊو ١٨ و ئابی جە ئاکاموو هجومېوە دڕنڎانەو  دەوڵەتو ترکینە گەشمەرڎۍ بیە.

سەرەوەشی جە خانەواڎەو بەڕېزیشا و گرڎوو گەلی ۋڵاتپارېزو کورڎسانی کەرمۍ و وەعد مڎەیمۍ کە حەقەو هەڤاڵەکېما کەرمېوە.

ئاماژەش پانەیچ کەرڎەن،"هامڕاما زین سەکڤانە نامۍ ڕاسیەش ڕۆشین عەلی-ە بیېنە وخەڵکو شارو مدرامانی ساری کۊبانۍ بۍ، کە ئاشارە ۋەران ۋەر بە دڕنڎەیی داعشی بی بە صەڎاو گرڎوو مرۊڤایەتی و کناچۍ و کوڕەگەنجەکېش داستانی قارەمانی و مدرامانشا تۊمارکەرڎ.هامڕاما زینە کە جە خانەواڎېوە ۋڵاڎ پارېزی ئاما دنیاوە، ئېش و ناڕەحەتیۍ گەلەکەیش جە سۊنگاو دڵیشۊ هەست پنە کەرڎۍ و پۍ ئەسایۊ حەقە جە دوژمنا ساڵەو ٢٠١٦ی ئاما دڵۍ ڕیزەکا ئاخېزیۊ.

هەڤاڵە زینە. چا ڕوۊ کە ئاما دلۍ ڕیزەکا کۊشیای تا ڕۊو گەشمەرڎەبیەیش بە هەمان توڕەی و پەسیۊ جە بەرەکا وەڵۍ وەڵېوە جەنگەکانە بەشڎارەبۍ. بە دڵپاکی و هامڕایی بېهامتایی ۋېش ۋەردەوام سەرچەمەو ورەی وهېزی بۍ پۍ هامڕاکاش. هامڕا زینە جە یاگۍ و وەختی جیاجیانە ۋېش پېسە ژەنۍ گەنجۍ پەروەرڎە کەرڎ و ۋېش جە ڕاسی ۋڵاتەکەیشەنە قوڵ کەرڎۊ و بیە بە هامڕېوە زانا. بەتایبەتی جە بوارو پسپۊڕی سەروازینە ۋېش وەڵۍ وست تفەنگ و نیشانەماڕۍ (سەکڤانی)ش هۊرگېرت پەی ئازاڎیی ۋڵاتەکەیش هەنگامەش نیا.

ئشناسنامەو گەشمەرڎەکېما ئینەن:

ناسنامۍ / زین سەکڤانە

نامۍ و دمانامۍ / ڕۆشین عەلی-ە

نامۍ ئەڎۍ / شایبە

نامۍ تاتەی / مەحموڎ

یاگۍ و وەختو گەشمەرڎەبیەی / هەرېمو عەفرینی/١٨ و ئابو ٢٠٢٣ۍ.

هـ.ش