هێزەکاو ڕزگاریی عەفرینی لوۍ سەروو ناوەندێوە چەتەکا: ١٥ چەتۍ کوشیۍ
هێزەکاو ڕزگاریی عەفرینی ئەرەیاوناشا، کە هەرێموو بابینە لوێنۍ سەروو ناوەندێوە چەتەکاو دەوڵەتوو تورکی ئەرەگیری و ئەنجامنە ١٥چەتۍ کوشیێنۍ.
هێزەکاو ڕزگاریی عەفرینی ئەرەیاوناێوەنە سەبارەت بە چالاکییەکەو هیزیشا دژوو چەتەکاو دەوڵەتوو تورکی ئەرەگیری زانیارییش ئەرەیاونا.
ئەرەیاوناکەینە ئامان، کە هجوومەکاو سوپاو تورکی ئەرەگیری جە سەرتاسەروو هەرێمەکەینە بەرڎەوامێنۍ، وەلۍ هێزەکێشا چالاکیی کاریگەروو وەرپەرچدایۊ کەرا.
جە درێژەنە ئی زانیاریۍ ئەرەیاونیێنێ: "١٨و ئەیلوولی جە دەگاو ئەبلەو شارۊچکەو بابینە، هێزەکێما دژوو چەتە ئەرەگیرەکا چالاکی ورکوایسەریشا کەرد. ئەنجاموو ئا چالاکییەینە ١٥ چەتۍ کوشیۍ، ٦ چەتێچ بریندارۍ بیۍ، یەرۍ سەنگەرۍ، ٣ ماتۊرسکیلۍ، سەیارێوە و جبەخانێوە دلێنە بریۍ. شش چەکۍ ئەی کەی -٤٧ (کڵاشینکۊف) ٢ ڕەختۍ و ١٢ مەخزەنۍ، چەکێوە بی کەی سیۍ و زنجیرۍ فیشەکەکاش، چەکی بی-٧، ٤ نارنجۊکێوە، تەلەفونێوە و شناسنامێوە دەسشا ملەرە گیریا".
س.ز
