ئارۆ دووەشەممە (٠١ .٠٣. ۲۰۲۱)ی، جە برۆکسل-و پایەختو بەلژیکی، بە سەرپەرشتی ڕێکوزیاکێ پارتو ژیوای ئازادو کوردستانی (پەژاک) و کۆمەڵگاو ژەناو ئازادو وەرکەوتو کوردستانی (کەژار)، دژ بە ستەم و زۆرداری جمهوری ئیسلامی ئێرانی چالاکی ئەنجام دریا.
جە چالاکییەکەنە کە جە وەردەمو سەفارەتو ئێرانیەنە بریاڕاوە، دەیان ئەندامێ و هەوادارێ (پەژاک)ی و (کەژار)ی ئامادێ بیێ و بە بەرزکەردەی ئاڵێ، هێمێ، پانکارتێ و وێنێ و هەرپاسە چڕیەی سردودێ، واتەی دروشمان و پێشکەشکەردەی چەنڎین وتارێ، سەرکوت، دەستگیرکەردەی، زیندانیکەدەی و کوشتەی جە کوردستان و ڤییەرەکێ سیستانی و بەلوجستانی بە تونڎی شەرمەزارێ کریێ.
چالاکگەرەکێ داواشان جە کاربەدەستێ و دەسەڵاتدارێ جمهوری ئیسلامی ئێرانی کەرد: هەرچی زووەن دمایی بە ستەم و زۆرداری جە کوردستان و بەلوجستان و ئێران باوەرانێ و ملکەچێ داواکاریەکێ گەلی ببانێ و ئەگینا زوور یان دێر گەل وێش بە ئا ئەرکەیە هۆربئزونە و تۆمارو دەسەڵاتداریشان پەی هەمیشە بپێچۆنەوە.