حەر بەپاو ئا زانیاریا، جە ئاکامو هجومەکەینە ئەسما کالەندەرلیە، کە ئەڎاو یەرۍ زارۊڵانە بەسەختی زامڎارە بیە و دماتەر پۍ نەوەشخانەی حکومی مەنتیقەکەی فاڕیاوە، سەرەڕاو گرڎو حۊڵو دختۊرەکا نەتاۋاشا گیانش نەجاڎ بڎا.

بە پاو زانیارییەکا، موراڎ ئۆتوش ۋەڵتەر بەمەڵامەتو تاوانێوە گیریابۍ و ماۋۍ چېوەڵتەر ئازاڎ کریان. نامبریا دماو کوشتەو ھامسەرۍ ۋەڵینېش واوەی گیریاوە.

جە ساڵا ۋیەرڎەینە تنوتیژی دژبە ژەنا جە تورکیا و سەرنیشتوو کورڎسانی ڕووەش جە زیاڎبیەی کەرڎەن. بەپاو پلاتفۆرمو ئێمە کوشتەی ژەنا مرڎنمۍ، جە مانگەو تەمووزینە ٢٥ ژەنی کوشیېنۍ، ٩ ژەنېچ بەشێۋېوە گوماناوی گیانشا جە دەسدان. حەرپاسە جە مانگەو حوزەیرانینە، لانیکەم ٢٢ ژەنۍ کوشیېنۍ، ٢٧ ژەنېچ بەشێۋۍ گوماناوی گیانشا جە دەسدان.

هـ . ش