جە هرووژمەکەو دووکانینە تاتێوە و دووۍ کوڕێش گەشمەرڎۍ بیۍ
جە ناوچەو دوکانی سەر بە پارێزگاو سلێمانی دۆڵەتو تورکی ئەرەگیری بۆردومانو ترۆمبێلێوەش کەرڎ. ئەرەیاۋییا کە جە هرووژمەکەنە تاتێوە و دووۍ کوڕێش گەشمەرڎۍ بیێنۍ.
بە پاو زانیارییەکا، دۆڵەتو تورکی ئەرەگیری بە فڕۆکەی بێفرۆکەوانی هرووژمکەر، سەرو ڕاو خەلەکان – کانی وەتمانی جە سنوورو ناوچەو دوکانی سەر بە پارێزگاو سلێمانی ترۆمبێلێوەش بۆردومان کەرڎەن.
بە پاو قسۍ قایماقمو دوکانی سیروان سەرحەد ئا کەسۍ کە تیرۆرۍ کریێنۍ موزەفەر حسێن خدر عەوڵا و دووۍ کوڕۍ ئاڎینۍ. زانیا کە نامۍ یۆ جە کوڕەکاش محەمەدا و نامۍ کوڕەکەی تەریشا نەزانیان.
ئەرەیاۋییا کە ئا کەسۍ کە تیرۆرۍ کریێنۍ، خەڵکو مەنتیقەو حاجیاواینۍ سەر بە رانیەی جە پارێزگاو سلێمانی.
