جە هەولێر لافاو ١٠ هاموڵاتیێش کەردێ قوربانی و زیانی ماددیش ونەکەوتەنەوە

هەولێر و دەوروبەرش ڕووبەڕووێ ۋاران ۋارای و لافاوی بیێنێوە جە ئاکامشەنە ١٠ هاموڵاتیێ گیانشان جەدەستدان و زیانی ماددی فرەش ونەکەوتەنەوە.

شەوێ ویەردێ و سەرسەبای ئارۆی، شارو هەولێری و ناوچەکێ دەوروبەریش ڕووبەڕووێ شەپۆلێوە ۋاران ۋارای بیێنێوە و بەجۆرێ کە تا ئەی ساتە زیاتەر جە ٦٥ ملم ۋاران ۋاران.
ئانەیچە بیەن بە بایس تا لافاو هۆربئێزۆنە و جە ئاکامشەنە چەنڎین گەڕەکێ شاری ببانێ چێرو ئاۋێۋە. هەرپاسە ١٠ هاموڵاتیێ گیانشان جەدەستدان کە چەنڎینێشان ژەنی و زارۆڵێنێ.
هاموەخت لافاوەکە زیانی فرەی ماددیش بە یانێ، دوکانێ، ماشینێ و چێرسازی شارەکەی یاونان کە بە دەیان ملیۆن دۆلارێ مەزەندە مەکریۆن.
جە ئیسەنە تیمەکێ فریاگوزاری سەرقاڵێ هامکاری هاموڵاتیا و گەڕەکە کارەستبارەکانێ. بەڵام بەهۆکارو گەورەیی کارەساتەکەی و کەمی دەرفەتی، فریاگوزارییەکە جە ئاستو پنەوازییەن نییەن.