تیمەکا ڕزگارکەردەی سەرسەعبوو ڕۆوو دووەشەممەی ئا هەلیکۆپتەرەشا ئێستۆ کە جە ئەنجاموو ڕوەدایێنە جە کەشەکا وەرکەوتوو ئازەربایجانینە کەوتەرە وار.

تەسەور کریۆ ڕووەداکەی جەبەینوو سەعات ١٣:٣٠-١٤:٠٠ و ڕۆو یەکشەمەی ڕووەش دابۆ.

تیمەکا ڕزگارکەردەی ٩ جەنازێشا ئێستێ کە پێکئامێ بێننی جە: سەرۆککۆمارو ئێرانی ئیبراهیم ڕەئیسی، وەزیرو بەری حوسەین ئەمیر عەبدوڵاهییان، پارێزنەر، مەلێوە، دووێ کارمەندێ ئەمنیەتوو سەرۆک کۆماری و یەرێ سەروازێ.

وەرپرسێوە ئێرانی  ئەرەیاوناش "هەرچەننە جەنازەکێ سۆتێ بێنێ، بەڵام بە وشکنای دی ئێن ئەی ئەشناسیێنێ".

جەنازەکێ جە تەبرێزۆ فاڕیێنێ و ڕۆو یەرە شەممەی مەراسیموو ئەسپەردەکەردەی دەس پەنە کەرۆ و ڕۆو چوارشەمەی جە تاران بەردەوام بۆ.

جەنازەو ڕەئیسی ڕۆو پەنج شەممەی جە مەشهەدەنە ئەسپەردە بەخاکی کریۆ.

دماو مەردەی سەرۆککۆماری و شاندو یاوەریش، ئایەتوڵا عەلی خامەنەیی ٥ ڕوێ ماتەمینیش جە ئێرانەنە ئەرەیاونا.

خامەنەئی ئەرەیاوناش یاگەگیرو سەرۆککۆماری محەمەد موخبیر ڕاوەبەردەو وڵاتی گێرۆئەستۆ و وێش، ئەوپەڕش ٥٠ ڕووی ئینا دەسۆ پەی دیاریکەردەی ڕۆو هۆرچنیەو سەرۆککۆماری.