جە منبج ترۊمبېلېوە ئەرەگیرا دلېنە بریا و ٤ چەتۍ کوشیۍ
ئەنجوومەنوو سەروازی منبجی ئەرەیاۋناش، جە وەختوو هجوموو دۊڵەتوو ئەرەگیری ترکینە پۍ سەروو دەگایەکا منبجی، ترۊمبېلېوە چەتەکا دلېنە بریاو ٤ چەتېچ کوشیۍ.
جە ئەرەیاۋنېوەنە ئەنجومەنی سەروازی منبجی ۋەڵاش کەرڎۊ، سەرسەعب و ئارۊی چەتەکۍ تورکیای هجومشا کەرڎ سەروو بڕۍ جە دەگایەکا منبجی. چەتەکۍ دەگاو خالیدیەیشا جە ۋەرنیشتوو شارو منبجی کەرڎە ئامانج. جەنگەوانەکېما ۋەرپەرچشا دېېوەو چن چەتېوە کوشیۍ.
جە بەشېوەتەروو ئەرەیاۋناکەینە ئامان، چەتەکۍ حۊڵشا دان هجوم کەرا سەروو دەگاو عەرەب حەسەنی جە ۋەرنیشتوو منبجی، بەڵام جە لاو جەنگەوانەکاماوە ۋەرپەرچشا دریاوە. جە ئاکامەنە ترۊمبېلېوە چەتەکا دلېنەبریا.
ئانەیچ وزیان ڕووە، جە خەتەو دەرەو سەرنیشتوو منبجی جەنگەوانەکېما ڕاشا نەڎا چەتەکۍ جە بەنداوەکەی نزیکۍ باوە، نەتاواشا هجوم ئەنجام بڎا. چایچ چن چەتېوە کوشیۍ و بڕېچ زامڎارۍ بیۍ.
