هیزی فیدارسیۆنو زامڏارا هەرێمو شەدادیی جە سەرنیشتوو وەرکەوتوو سووریای پەی گەریلا و فەرماندە عەزیز عەرەب کە جە ساڵەو ١٩٨٦نە دلێ ڕیزەکا تەڤگەرو ئازادینە گەشمەرڏەبی، گلێرۆبیێوە یاڏکەردەیشاوە ئەنجام دا.

گلێرۆبییەکەی بە دەقێوە ڕێز وەنە نییای پەی گەشمەرڏا دەسش پنەکەرد، دماتەر ئەندامو فیدراسیۆنو زامڏارا سەرنیشتوو وەرکەوتوو سووریای، لالەش ئێزدی باسش جە ژیوا و ئەوەکۆشای گەشمەرڏە عەزیز عەرەبیش کەرد.

لالەش باسش چانەیە کەرد شەهید عەزیز عەرەب دماو هورگێرتەو پەروەردەی جەلایەنو ڕابەر ئاپۆیۆ، ساڵەو ١٩٨٣ پەی ئازادی گەلا ڕووەش کەردە کەشە ئازادەکا کوردەسانی. بەڕێزدارییۆ جە ٣٩ ساڵەو گەشمەرڏەبییەیشەنە یاڏش مکەرمێوە.

لالەش دەستنیشانش کەرد، ئەر ئارۆ شۆڕش جە سەرنیشتوو وەرکەوتوو سووریاینە یاوان پی ئاستەی ئانە جە سەیەو شەهادەتی و ئەوەکۆشای گەشمەرڏە عەزیز عەرەبییەکاوە پێکئامان و واتش: "گرڏ کاتێ درێژە مڏەیمێ بە ئامانجو ڕاو گەشمەرڏەکاما."

لالەش جە قسەکاشەنە سەرنجش وست سەرو پەرسەکا ناوچەکەی و جەختش کەردۆ گرڏو پەرسەکا پەیوەسێنێ بە ئازادی جەسەیی ڕابەر ئاپۆیۆ و پەی ئینەیچ پێسەو زامڏارا گرڏ هەرمانێ مکەرمینە واتش: "ڕابەر ئاپۆ دەورو سەرمەشقایەتیش دا زامڏارا. پەی ئانەی بیمێ شایەنو ڕابەر ئاپۆی و گەشمەرڏاما، جە گرڏ کاتێ زیاتەر مشۆم ئەوەکۆشای کەرمێنە."