زینانو جۆرو F ی بۆلو کە بە پاشێلکەردەو مافو زینانیا نامێش بەرە کەردێنە، مافو زانیاری هورگێرتەی زینان کریای سیاسی ئیحسان بالکاش بەشێوێ میزاجی ئاستەنگ کریان. ئا نامەی کە بالکاش بە زوانی کوردی نوویستەنش بە پاساوەو "چنەش مەیاومێنە" جەلایەنو ئیدارەو زینانیۆ ڕاش پنە نەدریا گیانۆش. هەرپاسە ئیدارەو زیندانەکەی جە وەراوەرو هورگێڵناو نامەکەی داواو زەڕیش کەرد.

داواو زەڕو هورگێڵنای جە زینان کریاکەی کریا

پارێزنەر ئۆهەدە بێریڤان بارین چەمش بە ئیحسان بالکاشی کەوت، ئەرەیاوناش ئی هەرمانێ پاشێلکەردەو پێوەرەکا یەکسانی و مافو هورگێرتەو زانیارییا، ئی ڕەوشە فاڕییان پەی میکانیزمێوە سانسۆری.

بێریڤان بارینە ئەرەیاوناش ئی هەرمانێ پاشێلکەردەو مافەکا مرۆڤین، واتش: "ئی ڕەوشە مافو زانیاری هورگێرتەو زینانیا بە زوانی کوردی ئاستەنگ مکەرۆ، ئا زینانکریێ ڕەوشو ئابووریشا خراپا و مافو زانیاری هورگێرتەیشا چنە زەوت مکریۆ".

بێریڤانە جەختش کەردۆ، ئەرکو دۆڵەتی پەی کۆنتڕۆڵکەردەو هورگێرتەو زانیاری فاڕییان پەی میکانیزمو سانسۆری.

بێریڤانە ئەرەیاوناش نەوەک هەر مافو هورگێرتەو زانیاری، بەڵکوم مشۆم شکۆو مرۆڤایەتییش پارێزیۆنە.

بالکاش کە ڕاش پنە نەدریا نامەکەیش گیانۆ، جە دووەمین دادگاو سزاداو بۆلوی وەراوەرو پاشێلکەردەو مافەکاش، سکاڵاش تۆمارە کەردە. بەڵام یوەمین دادگاو سزاو قورسو بۆلوی کە سکاڵاکێش هورسەنگنا، گرڏو داواکارییەکا پەیوەس بە پاشێلکەردەو مافەکا مرۆڤیش ڕەتکەردۆ. دادگا ئی هەرمانە میزاجییێ پێسەو ئەرکو ئیدارەو زینانی پێناسەکەرد.

دماو ئی قەرارەیە، پارێزنەرێ داواکاریشا پەی دادگاو دەستووری بەرزکەردۆ.