جە ڕۋەدایېنە ٤ جەنگەوانۍ یه‌په‌ژه‌ی گەشمەرڎۍ بیۍ
فه‌رمانڎه و گرڎی یه‌كینه‌كا پارېزنای ژەنا (یه‌په‌ژه)ی ئەرەیاۋناش، ڕۊو ٢٧و ته‌مووزی ٤ جەنگەوانېما جە وەختو جابەجۍ کەرڎەی ئه‌ركه‌كاشانە جە ئاکامو ڕۋەدایېنە گەشمەرڎۍ بیۍ.
فه‌رمانڎه و گرڎی یه‌كینه‌كا پارېزنای ژەنا (یه‌په‌ژه)ی جە ئەرەیاۋنېوەنە گەشمەرڎەبیەی ٤ جەنگەواناش ئەرەیاۋنا و ئاماژه‌ش پانەی کەرڎەن، كه ئا ٤ جەنگەوانۍ جە ئاکامو ڕۋەدایېنە جە حه‌سه‌كه گەشمەرڎۍ بیۍ.
جە به‌شێوە یاۋنەریەکە و یه‌په‌ژه‌ینە ئامان، هامڕېکێما ''حه‌سنا موسا محه‌مه‌د (ئاڤاشین حه‌سه‌كه)، هیبا عه‌بدولقادر به‌كر (هیبا حه‌سه‌كه)، بێریڤان عه‌بدولخه‌له‌ف (بێریڤان حه‌سه‌كه) و ئه‌مینه نه‌بۆ سلێمان (دلار كۆبانێ)" به ڕۆحێوە به‌رز و گیانبازانه خۊتانکەرڎەیشا جە به‌هاكا ئازاڎیی کەرڎ و دلۍ ڕیزه‌كا ئاخېزینە به هه‌ڵۋێسێوە ئازایانە، گرڎو ئه‌ركه‌كا ئاخېزیشا جابەجۍ کەرڎ.
یه‌په‌ژه ئاماژه‌ش پانەیچ کەرڎەن، "ڕۊو ٢٧و ته‌مووزی، وەختۍ هامڕېکېما، ئاڤاشین حه‌سه‌كه، هیبا حه‌سه‌كه، بێریڤان حه‌سه‌كه و دلار كۆبانیە سەرو ئه‌ركه‌كاشاوە بېنۍ، جە ئاکامو ڕۋەدایېنە گەشمەرڎۍ بیۍ. سه‌ره‌وەشی ۋېما ئاراسه‌و خانەواڎە و هامڕایاما و گرڎوو گه‌لی وڵاتپارێزیما کەرمۍ".
جە دما دمایی ئەرەیاۋناکەینە ئامان، پېسە یه‌په‌ژه‌ی پۍ به‌دیئارڎەی وەرمو هامڕا گەشمەرڎەکاما تا دمایی جە ئەرەکۊشای ۋه‌رده‌وامۍ بیمۍ. په‌یوه‌سبیەی و وەعدەکېما به گەشمەرڎاوە، گرڎ ڕۋۍ جە ڕاو گوڕدای به کۊشیای ماناڎار بۊ.
یه‌په‌ژه ئشناسنامه‌و ئا گەشمەرڎاشە پی جۊرە ۋەڵاکەرڎەنۊ:
ناسنامۍ: ئاڤاشین حه‌سه‌كه
نامۍ و دمانامۍ: حه‌سنا موسا محه‌مه‌د
نامۍ ئەڎۍ: زەکییە
نامۍ تاتەی: موسا
وەخت و یاگۍ جە ئەڎابیەی: ١٩٨٧، حه‌سه‌كه
وەخت و یاگۍ گەشمەرڎەبیەی: ٢٧.٠٧.٢٠٢٣، حه‌سه‌كه
*
ناسنامۍ: هیبا حه‌سه‌كه
نامۍ و دمانامۍ: هیبا عەبدولقادر بەکر
نامۍ ئەڎۍ: فاتمە
نامۍ تاتەی: عەبدولقادر
وەخت و یاگۍ جە ئەڎابیەی: ٢٠٠٣، حەسه‌كه
وەخت و یاگۍ گەشمەرڎەبیەی: ٢٧.٠٧.٢٠٢٣، حه‌سه‌كه
*
ناسنامۍ: بێریڤان حه‌سه‌كه
نامۍ و دمانامۍ: بێریڤان عبدولخه‌له‌ف
نامۍ ئەڎۍ: فەتحیە
نامۍ تاتەی: عەبدی
وەخت و یاگۍ جە ئەڎابیەی: ١٩٩٥، حه‌سه‌كه
وەخت و یاگۍ گەشمەرڎەبیەی: ٢٧.٠٧.٢٠٢٣، حەسه‌كه
*
ناسنامۍ: دلار کۆبانیە
نامۍ و دمانامۍ: ئه‌مینه نه‌بۆ سلێمان
نامۍ ئەڎۍ: فاتمە
نامۍ تاتەی: نه‌بۆ
وەخت و یاگۍ جە ئەڎابیەی: کۆبانۍ
وەخت و یاگۍ گەشمەرڎەبیەی: ٢٧.٠٧.٢٠٢٣، حەسه‌كه
هـ . ش
