جە ئېرانەنە ڕۊنامەوانە مەعروفیانە جە ماوەو سەڵېوەنە ٤ جارۍ گیریا
نازیلە مەعروفیانە، کە مانگەو ئەیلوو ساڵەو ٢٠٢٢ بە تۊمەتوو ئەنجامدای ڕېپۊرتاژۍ بەنامۍ ژینا ئەمینیېوە گیریا، بەمەڵامەتوو دژایەتیکەرڎەی سەرپۊشیۊ، پۍ جاری چوارەمی هەمڎیسان گیریاوە.
بەپاو هەواڵۍ ئېران وایەری، پاڵپەشت بە قسۍ هامساکا مەعروفیانۍ، پۊلیس تنوتیژیشا وەران ۋەر پی ڕۊنامەوانە ژەنۍ کەرڎەن و گېرتېنەشا.
مەعروفیانە کە پی دماییە، جە ١٦ و ئابینە ئازاڎە کریۍ بۍ، هەڵای نەزانیان کە پۍ چی گیریېنە و پۍ کۊیشا بەرڎېنە.
مەعروفیانە حەر چنی ئازاڎ بیەیش ۋېنېوەش بە بۍ سەرپۊش وەڵاکەرڎۊ، دژ بە سیاسەتوو دەوڵەتوو ئېرانی مرڎاوە.
بەپاو هۊرسەنگنایەکا، مەڵامەتوو گېرتەی نازیلە مەعروفیان ئانەن، ناڕەزایش بەربڕیەن ۋەران ۋەر بە گېرتەی مەهدی یارحی و ۋېنېوە ۋېش ۋەرو دەموو زینڎانوو ئەڤینینە ۋەڵاکەرڎۊ.
هـ.ش
